Advertisement
ராம.ராசு : கருத்துக்கள் ( 221 )
ராம.ராசு
Advertisement
Advertisement
பிப்ரவரி
6
2017
கோர்ட் ஓட்டு போடாதவர்கள் அரசை விமர்சிக்க உரிமையில்லை
நீதிபதிகளுக்கு கோபம் வருவது சட்டப்படியானதா என்று தெரியவில்லை. "'நாடு முழுவதும் உள்ள ஆக்கிரமிப்புகளை அகற்றுவதற்கு, மத்திய - மாநில அரசுகள் எந்த நடவடிக்கையையும் எடுக்கவில்லை. அதனால், இந்த விவகாரத்தில் சுப்ரீம் கோர்ட் தகுந்த உத்தரவை பிறப்பிக்க வேண்டும்' " என்ற பொதுநல வழக்கிற்கு அதற்கான பதிலாக, கோபமாக "'தேர்தலில் ஓட்டு போடாதவர்கள், அரசு குறித்து விமர்சிக்க எந்த உரிமையும் இல்லை' என்று சொல்வது அனைவருக்கும் பொருந்துமா.. எல்லோரிடமும் இந்தக் கேள்வி கேட்கப்படுமா என்பது சந்தேகமே. ஆட்சியில் முக்கிய பொறுப்பில் எத்தனையோ பேர், வாக்காளர் பட்டியலில் பெயர் இல்லை... வேறு இடத்தில் இருந்ததால் வாக்களிக்க முடியவில்லை என்ற காரணமெல்லாம் சொல்லி, வாக்களிக்காமல் இருந்துள்ளார்கள். அவர்கள் மீது நீதிமன்றம் தனது கோப கருத்தை சொல்லவில்லை. விருப்பம்போல தேர்தலில் வாக்குறுதிகளை அள்ளிக் கொடுத்துவிட்டு, ஆட்சிக்கு வந்தபிறகு அவைகளை கண்டுகொள்ளாமல் விட்டு விடும் ஆளும் கட்சியின் மீது நீதி மன்றம் கோபப்படவில்லை. பணம் கொடுக்கப்பட்டது என்ற காரணத்தைக் காட்டி மூன்று சட்ட மன்ற தொகுதிகளில் தேர்தலை நிறுத்திவைத்தபோது... அந்தக் அரசியல் கட்சிகள் மீது கோபப்படாத நீதிமன்றம்... குற்றம் சாட்டப்பட்டவர்களையே மீண்டும் தேர்தலில் போட்டியிட அனுமதித்த தேர்தல் ஆணையத்தின் மீது கோபப்படாத நீதிமன்றம்... வாக்களிப்பது கட்டாயம் இல்லை... அவரவர் தனிப்பட்ட விருப்பம் என்று தனி உரிமையை சட்டம் அனுமதித்தும்.. ஒரு பொது நலன் சார்ந்து வழக்குப்போடுவர் மீது மட்டும் கோபப்படுவது ஆச்சரியமாக இருக்கிறது. பெரும்பாலான மக்களே தேர்ந்தெடுத்தாலும் அவர்கள் நாட்டின் சட்டத்திற்குக் கட்டுப்பட்டாகவேண்டும் என்கிறபோது, நீதிமன்றத்தைத்தானே மக்கள் நாடவேண்டியுள்ளது. நீதிமன்றமும் இப்படி அவர்கள் மீதே கோபப்பட்டால்.... மக்கள் யாரிடம் போய்ச் சொல்ல முடியும்.   08:12:52 IST
Rate this:
4 members
0 members
25 members
Share this Comment

பிப்ரவரி
5
2017
அரசியல் தமிழக முதல்வராகிறார் சசிகலா
எந்தக் கட்சி ஆட்சியாக இருந்தாலும் முதல்வரைத் தேர்ந்தெடுப்பவர்கள், தேர்ந்தெடுக்கப்பட்ட சட்ட மன்ற உறுப்பினர்கள்தான். தேர்தல் விதிமுறை. அந்த வகையில் திருமதி.சசிகலா நடராஜன் முதல்வராகத் தேர்ந்தெடுக்கப்பட்டதில் தவறு எதுவும் இல்லை. எதாவது ஒரு வகையில் திறமை இருந்தால் யாரும் முதல்வராக வர மக்களாட்சி சட்டம் அனுமதிக்கின்றது. அந்த வகையில் திருமதி.சசிகலா நடராஜன் முதல்வராகத் தேர்ந்தெடுக்கப்பட்டதில் தவறு எதுவும் இல்லை. தேர்வு முறையானது தேர்தல் நடைமுறைக்கு சரி என்கிறபோது, அந்த வகையில் திருமதி.சசிகலா நடராஜன் முதல்வராகத் தேர்ந்தெடுக்கப்பட்டதில் தவறு எதுவும் இல்லை. ஒருவேளை தேர்தல் நடைபெற்று... வெற்றி வாய்ப்பு இல்லையென்றால் ஆட்சி செய்யும் வாய்ப்பு இல்லாமல் போகலாம். அது மக்களால் சொல்லப்படும் தீர்ப்பு. புலமைப் பித்தன் எழுதி, கே.வி.மகாதேவன் அழகான இசை அமைப்பில், மிகவும் அருமையாக பாடியது சௌந்திரராஜன் என்றாலும் வாயசைத்து பெயர் வாங்கிகொண்டது எம்ஜிஆர் அவர்கள். அந்த பாடல்... "வலிமை உள்ளவன் வச்சது எல்லாம் சட்டம் ஆகாது தம்பி பிறர் வாழ உழைப்பவர் சொல்லுவதெல்லாம் சட்டம் ஆகணும் தம்பி வலிமை உள்ளவன் வச்சது எல்லாம் சட்டம் ஆகாது தம்பி பிறர் வாழ உழைப்பவர் சொல்லுவதெல்லாம் சட்டம் ஆகணும் தம்பி" என்ற பாடல். அது எம்ஜிஆருக்கு மட்டுமே பொருந்துவது அல்ல. வாய்ப்புள்ள அனைவருக்கும் தான்.   18:19:59 IST
Rate this:
7 members
0 members
4 members
Share this Comment

பிப்ரவரி
4
2017
பொது மொபைல் இன்டர்நெட் கட்டணம் பி.எஸ்.என்.எல்., அதிரடி சலுகை
அரசு சார்பு நிறுவனம் என்பதால் மிக எளிதாக குற்றம் சொல்ல முடிகிறது. ஏதோ தனியார் நிறுவன இனிப்பு தாராளமாக கிடைக்கிறது என்றும்.. BANL டவர் சரியாகக் கிடைப்பதில்லை என்று சொல்லப்படுகிறது. கண்டிப்பாக அது உண்மையில்லை. எங்கெல்லாம் சாதகமான.. அதிகப்படியான வாடிக்கையாளர்கள் இருக்கின்றார்களோ அங்கெல்லாம் தனியார் நிறுவனம் கவர்ச்சியான விளம்பரத்தில் நன்றாகக் கொடுப்பதாகக் காட்டிக்கொள்ளுகின்றன. இணையத்தில் பதிவு செய்பவர்களின் பெரும்பாலோர் அதைப் பயன்படுத்துவதால் ஆகா ஓகோ என்று புகழ்ந்துவிடுகிரார்கள். மாதாந்திரக் கட்டணத்தில் மறைமுகமாக வருகின்ற கட்டணத்தைப் பார்த்தவிட்டு சத்தமில்லாமல் BSNL க்கு மாறிவிடுகிறார்கள் என்பதுதான் நிதர்சனமான உண்மை. தங்களின் ஏமாற்றத்தை வெளிப்படுத்துவது இல்லை. BSNL மீது சாட்டப்படுகின்ற குற்றச்சாட்டுகளைவிட மிக அதிகமாக தனியார் நிறுவனங்களின் மீது உள்ளது. வாடிக்கையாளர்களுக்குத் தெரியாமலேயே பணத்தை எடுத்துக்கொண்டுவிட்டார்கள் என்ற ஏகப்பட்டக் குற்றச்சாட்டுகள் தனியார் நிறுவனம் மீது உண்டு. அதுபோன்ற குற்றச்சாட்டை கண்டிப்பாக BSNL மீது சொல்ல முடியாது. தனியார் நிறுவனங்கள் தங்கள் விருப்பப்படி திட்டங்களை அறிவித்து வாடிக்கையாளர்களை இழுத்துக்கொள்கிறார்கள். அதுபோன்ற தன்னிச்சியான முடிவுகளை எடுக்க முடியாது. அதேபோல வாடிக்கையாளர்களுக்கு சரியான முறையான சேவையைத் தருவதில்லை என்ற குற்றச்சாட்டும் BSNL உண்டு. தனியார் சேவை மையத்தில் கால் கடுக்க வரிசையில் நின்று தங்களது குறைகளைச் சொல்லுபவர்கள் அரசு நிறுவனம் மட்டும் உடனடியாக முடித்துக்கொடுக்க வேண்டும் எதிர்பார்க்கிறார்கள்... குறைபட்டுக்கொள்கிறார்கள். சுமார் பத்து ஆண்டுகளுக்கு முன்பு, நண்பர் ஒருவர் தனியார் நிறுவனத்தில் "group" இணைப்பை வைத்திருந்தார். மூன்று மாதங்களில் அதை விட்டு விலகிக்கொண்டார். அந்த அளவிற்கு அந்த தனியார் நிறுவனத்தால் பாதிக்கப்பட்டார். ஆனால் முதலில் தானே அதைப் பற்றி பெருமையாகச் சொன்னதால் வெளியில் சொல்லாமல் விட்டுவிட்டார். அதற்குப்பிறகு மீண்டும் BSNL க்கே திரும்பிவிட்டார். அரசுத்துறை தரும் நல்ல பல திட்டங்களை தவிர்த்து, தனியாரிடம் போவது வெறும் விளம்பர மோகத்தில்தான். தனியார் நிறுவனங்கள் லாப நோக்கில் மட்டுமே என்பது எதார்த்தமான உண்மை. அது தனியாருக்கான பயன். அரசுத்துறை என்பது லாப நோக்கில் இல்லாதது. மக்களுக்கானது. உண்மையைப் புரிந்தவர்கள் அப்போதும், எப்போதும் அரசுத் துறையையே பயன்படுத்தி வருகிறார்கள் என்பது அதன் நீண்ட கால வாடிக்கையாளர்கள் சொல்லுவார்கள்.   10:48:21 IST
Rate this:
0 members
0 members
9 members
Share this Comment

ஜனவரி
31
2017
கோர்ட் ஜல்லிக்கட்டு வழக்கு சுப்ரீம் கோர்ட்டில் விசாரணை துவங்கியது
கேழ்வரகு, கம்பு, சோளம் உள்ளிட்ட நமது பாரம்பரிய உணவுகள் இப்போது நம்மிடம் இல்லை. வேட்டி என்பதை விட்டு பேண்ட் சட்டைக்கு மாறி வெகு காலமாகிவிட்டது. பாவாடை தாவணி என்ற பாராமரிய உடையும் மாறி சுடிதார் என்ற உடைக்கு முழுவதுமாக மாறிவிட்டார்கள் நமது பெண்கள். இன்னும் சொல்லப்போனால் சிறுமிகள் முதல் நடுத்தர வயதுப் பெண்கள் வரை “லெக்கின்ஸ்” என்று சொல்லப்படும் இறுக்கமான உடைகளை விரும்பி அணிவது அதிகரித்து வருகிறது. தமிழ் நாட்டு கால நிலைக்கு ஒத்துவராத “ஜீன்ஸ்” காலுடைகளுக்கு இளைய சமுதாயத்தினர் மாறிவிட்டார்கள். பீசாவும், பர்கரும் கூட அதிகமாக விரும்பும் உணவாகிப்போயுள்ளது. பெப்சி, கோக் உள்ளிட்டவைகள், கெடுதலே என்று தெரிந்தும் இளைய சமுதாயத்தினரின் பெரும் வரவேற்பால் அவர்களின் வாழ்க்கையில் ஒன்றாகிப்போனது. கேரளாவின் “செண்டை மேளம்” இப்போது தமிழ் நாட்டு பாரம்பரிய இசையாகிக்கொண்டு வருகிறது. மனித வளம் மிகப் பெரிய அளவில் இருக்கின்ற நமது நாட்டில் விவசாயமும் இப்போது இயந்திரமாகிவிட்டது. உழுவதற்கு, நீர் இறைப்பதற்கு, விதைக்க, நாற்று நட, விளைந்த பொருட்களை அறுவடை செய்ய, அறுவடை செய்த பொருட்களை எடுத்துச் செல்ல... இப்படியான அனைத்திற்கும் மாடுகள் பயன்படுத்தப்பட்டன. ஆனால் இப்போது இவை அனைத்தும் இயந்திரமயமாகிப்போனது. விளையாட்டில் கூட, கபடி போன்ற எத்தனையோ விளையாட்டுக்களை விட்டுவிட்டு, கிரிக்கெட் என்ற அயல்நாட்டு விளையாட்டிற்கு அடிமையாகிப்போனார்கள். குறிப்பாக இளைய சமுதாயத்திற்கு அது ஒன்றுதான் உலகம் என்ற மனோ நிலையில் வாழ்ந்துகொண்டு இருக்கிறார்கள். . பனை, தென்னை மரத்திலிருந்து இயக்கையாகக் கிடைத்த “கள்”ளை விட்டுவிட்டு பீர், பிராந்தி, விஸ்கி என்று அயல்நாட்டு மதுவிற்கு அடிமைப்பட்டுப் போயாகிவிட்டது. இதை அனைத்தையும் ஏற்றுக்கொண்டு, இயல்பாகப் பழகிக்கொண்டோம். இதை அத்தனையையும் தவறு என்று ஒட்டுமொத்தமாகச் சொல்லிவிட முடியாது. கோவணத்தைக் கூட உடையாக வைத்துக்கொண்டிருந்த காலம் உண்டு. உலக தாராளமயமாக்களில் இணைத்துக்கொண்ட நாம், ஸ்மார்ட் போன் இல்லாமல் வாழமுடியாது என்ற நிலைக்கு வந்துவிட்டோம். ஸ்மார்ட் போன், முக நூல், ட்விட்டர், மின்னஞ்சல் உள்ளிட்ட அனைத்து இணைய தல முறைகள் கால மாற்றத்தில் கட்டாயமாகிப்போனது வசதியாக, எளிமையாக இருப்பதால். இதோ இப்போது ரொக்கப் பணத்திற்குப் பதிலாக “Digital tem” என்ற “இலக்கு முறை” பரிமாற்றத்திற்குப் தள்ளப்பட்டு வருகிறோம். . மக்களுக்கு படிப்பறிவு, கல்வியறிவு இல்லாத காலக்கட்டத்தில் இருந்த நிலை, படிப்பு, கல்வி இவற்றோடு பண வசதியும் கூடும்போது அதற்க்கு ஏற்றார்போல மக்களின் வாழ்க்கை முறையும் மாறுவது என்பது இயல்பானது. கைகுத்தல் அரசியும், சிறு தானிய உணவும், அம்மியில் அரைத்து சாப்பிடுவதும், மண் சட்டியில் சமைத்துச் சாப்பிடுவதும் தனி ருசி என்றும், உடல் நலத்திற்கு ரொம்ப நல்லது என்று பொது இடத்தில் சொல்லிக்கொள்வோம். ஆனால் நமது வீடுகளில், நடைமுறையில் அப்படியான உணவுப் பழக்கத்தை வைத்துக்கொள்ள மாட்டோம். மாற்றம் என்பது மட்டுமே மாறாதது என்பது நம் அனைவருக்கும் தெரிந்ததே. இப்படி அனைத்திலும் மாறிப்போன நாம், சாதி என்ற ஒரு விசயத்தில் மட்டும் இன்னும் கூர்மைப்படுத்திக்கொண்டு இருக்கின்றோம். என்றாலும் “சாதி” என்பது அப்படியெல்லாம் இப்போது இல்லை என்றுதான் பதில் சொல்லுவார்கள். ஆனால் தலித் சாதி தவிர்த்து ஆதிக்க எண்ணத்துடன் அவர்களை எதிர்த்து, பிராமிணர்கள் அல்லாத பிற சாதி இந்துக்கள் கூட்டமே போட்டார்கள் என்பது கடந்த கால வரலாறு. அதுவும் மெத்தப் படித்தவர்களும், மிகப்பெரிய பதவியில் இருந்தவர்கள் கூட அதில் கலந்துகொண்டார்கள் என்பது வருத்தமானது. ஜல்லிக்கட்டு போராட்டத்தில் சாதி மதம் கடந்து ஆதரவு தருகிறார்கள் என்று உணர்ச்சி போங்க பேசிக்கொண்டு இருக்கிறோம். சாதி மதம் என்று சொல்லும் போது ஏதோ தமிழர்கள் என்பவர்கள் சாதி மதம் இல்லாதவர்கள் போல பேசப்படுகிறது. அந்த நிலை மாறவேண்டும். குறைந்தபட்சம், நிச்சயிக்கப்பட்ட திருமணம் செய்யாவிட்டாலும்... இயற்கை இயல்பில் காதலித்து திருமணம் செய்தவர்களையாவது “கெளரவம்” பார்க்காமல் ஆணவக் கொலை செய்யாமல், அவர்களை வாழவிடும் மனபோக்கையாவது ஏற்படுத்திக்கொள்ளவேண்டும். அப்படியெல்லாம் இல்லாமல் வெறும் ஜல்லிக்கட்டு மட்டுமே பண்பாடு கலாச்சாரம் என்பது வெறும் போராட்டம் மட்டுமே என்று சொன்னால் மிகையாகாது. தமிழர்கள் சாதி அடையாளம் இல்லாமல் இருக்கின்றோம் என்ற பரந்த நோக்கத்தை தமிழர்களுக்குள் இருக்கச் செய்வதுதான் ஒட்டுமொத்த “தமிழர் பண்பாடு” என்பதாக இருக்கும். தமிழன், தமிழச்சி என்பது மட்டுமே தமிழ் பேசுபவர்களின் அடையாளமாக இருக்க இந்த இளைய சமுதாயம் முன்னெடுக்க வேண்டும்.   20:35:05 IST
Rate this:
3 members
0 members
17 members
Share this Comment

ஜனவரி
27
2017
அரசியல் காங்., ஒரு மூழ்கும் கப்பல்பிரதமர் மோடி கடும் தாக்கு
கச்சா எண்ணெய் 120 ரூபாய் விற்றபோதும் பெட்ரோல் விலை 65 ரூபாய்க்கு மிகாமல் வைத்து நாட்டின் வருமானத்தை இழக்கச் செய்தது முந்தைய அரசு. இப்போது உள்ள 15 % சேவை வரி விதித்து, நாட்டின் வருமானத்தைப் பெருக்காமல் வெறும் 12 % சேவை விதித்து நாட்டின் வருமானத்தை இழக்கச் செய்தது. கறுப்புப் பணத்தை ஒழிக்க... கள்ளப்பணத்தை ஒழிக்க பழைய ரூபாய் நோட்டுக்களை செல்லாததாக்கி... மக்களிடம் இருந்த பணத்தை மிகவும் பாதுக்காப்பாக வங்கியில் வைக்காத காங்கிரஸ்.... அதிகமான பணத்தை வைத்துக்கொண்டு இருக்காமல், இருக்கின்ற பணத்தை செலவழிக்காமல், வங்கியில் வைத்து மக்களுக்கு சேமிக்கும் பழக்கத்தை உருவாக்காமல் இருந்த காங்கிரஸ் அரசு.... எதிர்க்கட்சிகள் எதிர்க்கிறார்கள் என்ற காரணத்திற்க்காக ஆதார் அட்டைத் திட்டத்தை முழுமையாக அம்பலப்படுத்த தைரியம் இல்லாத காங்கிரஸ் அரசு.... எரிவாய்வு மானியத்தை முழுமையாக நீக்காமல், மணியத்தோடு ஆண்டுக்கு 9 சிலிண்டரைக் கொடுத்து அரசுக்கு வருவாயய் குறைந்த காங்கிரஸ் அரசு.... சாமானிய மக்களும் பயன்படுத்தும் வகையில் கைபேசி கட்டணத்தைக் குறைத்து நாட்டின் வருவாயை இழக்கச் செய்த காங்கிரஸ் அரசு... உள்நாட்டில் இரு மாநிலங்களுக்கு இடையே உள்ள நதிநீர்ப் பிரச்னையை தீர்த்துவைக்க முடியாவிட்டாலும்... சிந்து நதி நீரின் பஞ்சாப் மாநிலத்திற்கான உரிமையை அண்டை நாட்டிடமிருந்து பெற்றுத் தரப்படும் என்று வாக்குறுதி கொடுக்காத மாநில அரசு.... இப்படி எத்தனையோ குற்றச்சாட்டுகள் காங்கிரஸ் மீது உண்டு. இப்படியான கொடுமையான ஆட்சி செய்த காங்கிரஸ் காணாமல் போகத்தான் வேண்டும்.   22:00:36 IST
Rate this:
1 members
0 members
1 members
Share this Comment

ஜனவரி
26
2017
பொது முதல் முறையாக தேசிய கொடியை ஏற்றினார் முதல்வர் ஓ.பன்னீர்செல்வம்
நண்பர் NRK Theesan அவர்களே.. உண்மை தான் அடியாத மாடு படியாது என்பது தமிழ் மரபாகவே இருக்கட்டும்... அரசியல் நோக்கில் சமூக விரோதி என்பதற்கு அளவு கோல் என்பது ஆளும் கட்சிக்கு எதிர்க்கட்சி அல்லது மாற்றிக் கருத்துச் சொல்பவர்கள் தான். அவர்கள் அனைவரையுமே தேசத்துரோகிகள்... சமூக விரோதிகள் என்றே அழைக்கப்படுவார்கள். எதிர் கட்சியாக இருக்கும் போது காட்டும் எதிர்ப்புகள் அனைத்தையும் ஆளும் கட்சியானவுடன் கண்டுகொள்ளாமல் இருக்கும் போக்கு அரசியல் கட்சிகளுக்கு உண்டு என்பது வெளிப்படையானது. நல்ல திட்டமே என்றால் எதிர்ப்பதும்.. எதிர்ப்பு வந்தாலும் தங்கள் கொண்டுவரும் திட்டம் என்பதற்காகவே அதை நடைமுறைப்படுத்த எந்த வித எதிர்ப்பையும் அதிகாரத்தை வைத்து நிறைவேற்ற முயல்வதும் நடைமுறையில் காண்பது தான். தங்கள் சொல்லுவதைக் கேட்கவில்லை என்பதற்காக.. மாற்றுக்கருத்து சொல்லுகிறார்கள் என்பதற்காக அவர்கள் எதிரிகள்... சமூக விரோதிகள் என்று சொல்லுவதும்..... நான்கு பேர் தவறு செய்கிறார்கள் என்பதற்காக நான்காயிரம் பேர்களை தண்டிப்பது....   19:05:40 IST
Rate this:
0 members
0 members
1 members
Share this Comment

ஜனவரி
26
2017
பொது முதல் முறையாக தேசிய கொடியை ஏற்றினார் முதல்வர் ஓ.பன்னீர்செல்வம்
எளிமையான,,, இயல்பான முதல்வர். கிடைத்த வாய்ப்பை வெற்றிகரமாக செய்துகொண்டு இருக்கிறார். என்றாலும் சமீபத்திய மெரினாவில் நடந்த இளைஞர்கள் போராட்டத்தில், அவர்களை சந்தித்திருந்தால் இன்னும் கூடுதல் மதிப்பை.. எளிமையை மக்களுக்கு உணர்த்துவதாக இருந்திருக்கும். கடைசியாக நடந்த காவல் துறை நடவடிக்கை கொஞ்சம் நெருடலானதாகவே இருந்தது. சமூக விரோதிகள் ஊடுருவிவிட்டார்கள் என்று காரணம் சொல்லப்பட்டாலும்... உளவுத்துறையை பயன்படுத்தி அவர்களைக் கண்டுபிடித்து அவர்களின் செயல்பாட்டைக் தவிர்த்து இருக்கலாம். சமூக விரோதிகள் என்று சொன்னாலும் கண்டிப்பாக அவர்களும் நமது நாட்டு மக்கள்தான். அப்படி அவர்கள் சமூக விரோத செயல்களில் ஈடுபட்ட இருந்தாலும்.. அவர்களது திருத்தி, நல்ல குடிமகன்களாக திருத்தச் செய்ய வேண்டிய கடமை தேர்ந்தெடுக்கப்பட்ட அரசுக்கு வேண்டும். கடைசியாக நடைபெற்ற காவல் துறையினரின் நடவடிக்கையைப் பார்த்தபோது.... என்ன சொல்ல...   10:18:37 IST
Rate this:
2 members
1 members
13 members
Share this Comment

ஜனவரி
18
2017
பொது அரசியல்வாதிகளுக்கு ‛ஆப்பு
"அரசியல்வாதிகளுக்கு ‛ஆப்பு'" என்பது எதுகை மோனை சொல்லாடலாக இருக்கலாம். அது அனைத்து அரசியல்வாதிக்கும் என்பதாகச் சொல்லப்படுவது இளைய சமுதாயத்திற்கு அரசியல் மீதான வெறுப்பைத் தந்துவிடும். வேண்டுமானால் இப்படிச் சொல்லலாம்... "ஊழல் செய்யும், நேர்மையில்லாத அரசியல்வாதிகளுக்கு 'ஆப்பு'" என்று. அரசியலாக்குவதற்காக ஆதரவு தரும் அரசியல்வாதிகள் என்றாலும் கூட, உணர்ச்சிவசப்பட்டு அவர்கள் மீது... செருப்பை, தண்ணீர் போன்றவற்றை வீசுவது அவர்களின் போராட்டத்தை வலு இழக்கவே செய்யும்.... வெறுப்பை உருவாக்கும். இவர்கள் போராட்டம் நடத்துவதும்.. கோரிக்கை வைப்பதும் ஆளுகின்ற அரசியல் கட்சிகளிடம்தான்.... அரசியல் தலைவர்களிடம்தான் என்பதை மறந்துவிடக்கூடாது. அவர்கள் கொண்டுவந்த சட்ட வடிவம்தான் நீதிமன்றத்தின் மூலமாக அமல்படுத்தப்படுகிறது. இளைஞர்களின் இதுபோன்ற செயல்களால் அவர்களுக்கு எதிரான கருத்தை அரசியல்வாதிகளுக்கு ஏற்படுத்தினால் போராட்டத்தின் நோக்கமே கேள்விக்குறியாகிவிடும்.   08:37:09 IST
Rate this:
2 members
0 members
6 members
Share this Comment

ஜனவரி
18
2017
பொது மத்திய அரசு அவசர சட்டம் பிறப்பிக்குமா? ஜல்லிக்கட்டு விவகாரத்தில் சட்ட சிக்கல்கள்
ஜல்லிக்கட்டுக்காக நடைபெறுகின்ற இவ்வளவு பெரிய ஆர்ப்பாட்டம் கடந்த வருடங்களில் இல்லாத அளவிற்கு இப்போது நடப்பது ஆச்சரியமாக இருக்கிறது. இந்த ஜல்லிகட்டுப் போராட்டத்தால் மத்திய மாநில அரசுகளுக்கு மிகச் சாதகமான நிலையை ஏற்படுத்தித் தந்துள்ளது என்றும் சொல்லலாம். இரு அரசுகளும் இந்தப் போராட்டத்திற்கு ஆதரவு கொடுத்தாலும் கொடுக்கலாம். ஏனென்றால்.... காவேரி தண்ணீர் போராட்டம்... பணத் தட்டுப்பாட்டுப் போராட்டம்... வர்தா புயல் பாதிப்பு நிவாரணம்... வறட்சி பாதிப்பு... ஊழல் வழக்கில் தீர்ப்பு.... முன்னாள் முதல்வர் இறப்பு பற்றிய சந்தேக வழக்குகள்... கறுப்புப் பணத்தில் பிடிபட்டவர்கள் மீதான விசாரணை... முன்னாள் தலைச் செயலாளர் உள்ளியிட்ட பலர் மீதான ஊழல் குற்றச்சாட்டுகள்... என்று எத்தனையோ பிரச்சனைகள் அனைத்தும் மறைக்கப்பட்டு விட்டது.. மறக்கப்பட்டு விட்டது. மாணவர்கள் போராட்டம் தான்.... எவ்வளவு நாட்கள் போராடுவார்கள்... போராடி தானாகவே ஓய்ந்து போவார்கள் அல்லது வேறொரு புதிய பிரச்னைக்கு மடை மாற்றிவிட்டால் இந்தப் போராட்டமும் பிசு பிசுத்துப் போகும். ஆட்சியாளர்கள் நாடும் நாட்டு மக்களும் அமைதியாக இருக்க வேண்டும் என்பதை விட... இப்படி ஏதாவது போராட்டங்கள் நடந்து கொண்டு இருந்தால் தான், அவர்கள் இருப்பது மக்களுக்கு தெரியவரும். முன்பு போராட்டம் செய்தவர்கள் தானே இப்போது ஆட்சியில் இருக்கின்றார்கள். அவர்கள் செய்யாத போராட்டமா... பார்க்காத போராட்டமா.... "இது மட்டுமல்ல, எதுவும் கடந்துபோகும்" என்ற உன்னதமான எளிமையான தத்துவம் அரசியல் தலைவர்களுக்கும்.. ஆட்சியாளர்களுக்கும் நன்றாகவே தெரியும். காலம் பதில் சொல்லத்தான் போகிறது. என்றாலும் நல்லது நடந்தால் நல்லதுதான். அதிலும் முரண்பாடு உள்ளது. நல்லது சிலருக்கு கெட்டது. கெட்டது சிலருக்கு நல்லதாக இருக்கிறது. ஆக... "........எது நடக்கின்றதோ அது நன்றாவே நடக்கின்றது" என்ற கீதாசாரம் தான் நிதர்சனமாகப்போகிறது.   08:11:19 IST
Rate this:
0 members
0 members
6 members
Share this Comment

ஜனவரி
18
2017
பொது போராட்டம் தொடரும் இளைஞர்கள் முடிவு
ஆச்சரியமாக இருக்கின்றது இளைஞர்களின் தீவிரமான இந்தப் போராட்டம். ஒவ்வொருவர் பின்பற்றும் கலாச்சார பண்பாடுகள் மதிக்கப்படவேண்டும்... பின்பற்றப்படவேண்டும். வீர விளையாட்டு என்று இல்லாமல், மாடு பிடி விளையாட்டு என்பதை விட "ஜல்லிக்கட்டு" என்று சொல்வது மிக அழகான சொல்லாடல். இதற்குப் பின்னால் பெருமையாகச் சொல்லப்பட்ட "காளையை அடக்கும்" ஆண் மகனை பெண்கள் திருமணம் செய்வார்கள் என்ற கலாச்சாரம் இப்போது பின்பற்றப்படுவது என்பது கால மாற்றம். எந்த ஒரு பண்பாடும் காலப்போக்கில் வேறு வடிவத்திற்க்கோ அல்லது மறக்கப்பட்டோ வழக்கொழிந்து போவது என்பது எதார்த்தம். ஆனால் ஜல்லிக்கட்டு என்பது மண் சார்ந்து நடந்துவந்தாலும், சமீப கடந்த காலங்களில் உலக அளவில் மக்களை ஈர்க்கின்ற ஒரு சுற்றுலா பயணிகளை மகிழ்விக்கும் சிறப்பான விளையாட்டாக மாறிப்போயிருந்தது என்பதை மறக்க.. மறுக்க முடியாது. அதை இயல்பாக நடந்துகொண்டு இருந்திருந்தால், கட்டுப்பாடுகள் விதிக்காமல் இருந்திருந்தால் இவ்வளவு பெரிய போராட்டம் என்பது இல்லாமலே போயிருக்கும். மண் சார்ந்த பண்பாடுகளை அந்தந்த மக்கள் பின்பற்றவேண்டிய சூழலை உருவாக்கித் தரவேண்டியது தேர்ந்தெடுக்கப்படும் அரசுகளின் கடமை. அதே சமயம் ஒட்டுமொத்த தமிழ் நாட்டிற்கும் மிகத் தேவையாக இருக்கின்ற, நடைப்பிணமாக மாற்றிக்கொண்டு இருக்கின்ற "மதுக்கடை ஒழிப்பு", நீர் ஆதாரத்தையே கேள்விக்குறியாக்குகின்ற "மணல், தாது மணல் கொள்ளைத் தடுப்பு", தமிழ் இனத்தை பிரித்து வைக்கின்ற "சாதி" ஒழிப்பு போன்றவைகளுக்கு இந்த இளைஞர் சமுதாயம் போராட்டத்தை முன்னெடுப்பார்களேயானால், ஒன்றுபட்ட தமிழ்ச் சமுதாயம் உருவெடுக்கும்.... இந்தியாவில் மிகச் சிறந்த மாநிலமாக முன்னிறுத்தப்படும்.   19:16:20 IST
Rate this:
0 members
0 members
9 members
Share this Comment