Advertisement
ராம.ராசு : கருத்துக்கள் ( 140 )
ராம.ராசு
Advertisement
Advertisement
ஜூலை
22
2016
பொது இன்றைய தினத்தின் கதாநாயகன் ரஜினி கபாலி பற்றி ஜெர்மன் பத்திரிக்கையில் செய்தி
விளம்பரத்தால் படம் ஓட வைக்கப்படுகிறது. ஊடகங்கள் அதிகப்படியாக விளம்பரப்படுத்துகின்றன. அப்படியென்ன மக்களுக்குத் தேவையான, சமுதாயத்திற்கு கருத்தை சொல்லிவிடப்போகிறது இந்தப்படம். சதுரங்க வேட்டை, காக்கா முட்டை, வழக்கு எண் 18/19, விசாரணை, அப்பா போன்ற எத்தனையோ படங்கள் மிக எதார்த்தமாக சமுதாயத்திற்கு நல்ல கருத்துக்களை சொன்னது. மக்களிடம் மிகச் சிறந்த வரப்பேற்றைப்பெற்று, வெற்றியும் பெற்றது. அன்றைக்கும் சரி, இன்றைக்கும் சரி புகைப் பிடிப்பதை, மது அருந்துவதை ஸ்டைலாகக் காட்டி இளைய சமுதாயத்திற்கு வழிகாட்டியாக இருந்தது என்று சொன்னால் மிகை ஆகாது. அதுமட்டுமல்ல பாபா போன்ற படங்கள் ஆன்மீகம் என்ற பெயரில் அதீத, நடைமுறைக்கு ஒத்துவராத நம்பிக்கையை கருத்தாக்கச் சொன்னது. என்ன சொல்ல...   21:58:54 IST
Rate this:
0 members
0 members
16 members
Share this Comment

ஜூலை
11
2016
சம்பவம் தம்பதி உட்பட மூவர் மீது தடியடி நடுரோட்டில் போலீசார் அராஜகம்
தொலைக்காட்சியில் இந்த நிகழ்ச்சியைப் பார்க்கும்போது நெஞ்சம் பாதை பதைக்கிறது. அவர்களுக்குள்ளான குடும்பத் சண்டை என்றால் அதை அனுசரணையாக தீர்த்து வைத்திருக்க வேண்டும். அதைவிட்டு அப்பாவிகளை, சக மனிதர்களை இப்படி போட்டு அடிப்பது காவல் துறையினர்மீது மக்களுக்கு வெறுப்பு ஏற்படும். அதுமட்டுமல்ல காவலர்களைக் கண்டாலே பொதுமக்களுக்கு பயம் ஏற்படும்.ஒருவேளை அப்படித்தான் காவலர்கள் இருக்க வேண்டும் என்று அரசு எதிர்பார்கிறதோ... தொலைக்காட்சியில் பார்க்கின்ற எவரும் கண்ணீர் விடச் செய்யும் காட்சி அது. மனித உரிமைகளை நசுக்கும் அவலமான காட்சி அது. சுவாதியின் கொலையை ஊடகங்கள் வாயிலாகப் பார்த்த நீதிமன்றம், தானாக முன்வந்து வழக்காகப் பதிவு செய்தது.ஆனால் அப்பாவிகள் மீதான இந்த கொடூர தாக்குதலுக்கு என்ன சொல்லப்போகிறது...? இப்படி வெறித்தனமான தாக்குதலை நீதிமன்றங்கள் கண்டிக்கவில்லையென்றால்... சாமானியனின் கதி அதோ கதி என்றுதான் சொல்லவேண்டும். காவல் துறை மக்களுக்குப் பாதுகாப்பிற்கு என்ற நிலை மாறி... மக்களைக் கட்டுப்படுத்துவதற்காக.... பயமுறுத்துவதற்காக என்று இருக்குமேயானால்.... "மக்களாட்சி" என்று சொல்லுவது வெறும்.....   20:22:18 IST
Rate this:
0 members
0 members
2 members
Share this Comment

ஜூலை
11
2016
சினிமா கபாலி-க்கு யு சான்று ஜூலை 22ல் ரிலீஸ் - அதிகாரப்பூர்வ அறிவிப்பு...
இனி உலக மக்கள் அனைவருக்கும் எந்த வித துன்பமும் இல்லாமல், வறுமை, பசி பட்டினி நீங்கி சுபிக்ஷமாக இருப்பார்கள். திருட்டு, கொலை, கொள்ளை போன்ற எதுவும் நடக்காது. மாதம் மும்மாரி பொழியும்.மக்கள் எந்தவித நோய் நொடியும் இல்லாமல் இருக்கப்போவதால் நாட்டில் மருத்துவமனைகள் இல்லாமல் போகும். என்ன சொல்ல...   22:19:14 IST
Rate this:
31 members
0 members
64 members
Share this Comment

ஜூன்
26
2016
பொது போலீஸ் அதிரடியால் வெளிமாநிலங்களுக்கு ரவுடிகள் ஓட்டம்! ஒரே நாளில் நடத்திய வேட்டையில் 1,150 பேர் சிக்கினர்
ஆளும் கட்சிக்கான தனது ஆழமான ஆதரவை தருவதில் தினமலருக்கு நிகர் தினமலர்தான். காவல் துறையின் (போலீஸ் என்பதற்கு சரியான தமிழ் வார்த்தை தினமலருக்குத் தெரியாததால்...) அதிரடி நடவடிக்கையால் "ஓட்டம்". அப்படியென்றால் 1150 போக்கிரிகள் (ரவுடிகள்) சென்னை நகரில் மட்டும் இதுவரை சர்வ சாதாரணமாக உலாவிக்கொண்டு இருந்திருக்கிறார்கள் என்று எடுத்துக்கொள்ளலாமா. ஒவ்வொரு பகுதியிலும் உள்ள காவல் நிலைய காவலர்களுக்கு, உதவி ஆய்வாளருக்கு எந்த ஒரு "போக்கிரியும்" அவ்வளவு எளிதாக எதையும் செய்துவிட முடியாது. அப்படி போக்கிரிகள் வளர்வதற்கு முக்கிய காரணங்கள் ஒன்று, காவல் துறையைச் சேர்ந்தவர்கள் திறமை இல்லாதவர்களாக இருக்க வேண்டும் (ஆனால் அப்படி இருக்க வாய்ப்பே இல்லை) இரண்டு, காவல் நிலையத்தில் இருப்பவர்கள் கைகள் கட்டப்பட்டு இருக்க வேண்டும். அதற்கு உயர் அதிகாரிகளின் தலையீடு இருக்கலாம். மூன்றாவதாக ஆளும் கட்சியின் தளியிடு இருக்கலாம். ஆகி போக்கிரிகள் உருவாகுகிறார்கள் என்பதை விட உருவாக்கப்படுகிறார்களோ என்ற சந்தேகமும் உண்டு. கீழ் நிலைக்கு காவலர்கள் எடுக்கின்ற நடவடிக்கைகள் கண்டிப்பாக, பெரும்பாலும் மிகச் சரியானதாக இருக்கும். அதுபோன்ற நடவடிக்கைகளை, சரியானது என்கிறபோது, அமல்படுத்தினால் பெரும்பாலான குற்றங்கள் இல்லாமல் போகும். ஆனால் மேல் மட்டத்தில் இருப்பவர்கள் (உயர் அதிகாரிகளோ, அரசியல் சார்ந்தோ) அதை எளிதாக எடுத்துக்கொண்டு, ஏதாவது காரணத்தைச் சொல்லி கண்டுகொள்ளாமல் விடும்போது, கீழ் நிலை காவலர்கள் குற்றச் செயல்களைத் தடுப்பதற்கான ஆர்வம் இல்லாத நிலைக்குத் தள்ளப்பட்டுவிடுகிறார்கள். ஆக சிறிய அளவில் குற்றம் செய்தவர்கள் கூட போக்கிரிகள் (ரவுடிகள்) என்ற நிலைக்குப் போய்விடுகிறார்கள். ஆக ஆளும் கட்சி தலையீடு என்பது காவல் துறையில் இருந்தாலே குற்றவாளிகள் பெருகாமல் இருக்க போதுமான நடவடிக்கைகளை காவல் துறை செய்துவிடும். அதற்கான திறமை காவல் துறையிடம் இருக்கவே இருக்கும். ஆனால் சுவாதியின் கொலைக்குப் பிறகே இத்தனை போக்கிரிகளை கைது செய்திருக்கிறார்கள் என்றால்.... தும்பை விட்டு வாலை பிடிக்கிறார்கள் என்றுதான் சொல்லவேண்டும். தலை நகரின்.. முக்கியமான இடத்தில்.. நிறைய ஆட்கள் இருக்கும்போதே... ஒருவர் கொலை செய்யப்படுகிறார் என்றால்... பயந்து பயந்து வாழ மக்கள் பழகிக் கொள்ள வேண்டியதை தவிர போது மக்களால் என்ன செய்துவிட முடியும். சாமானியர்கள் சுவாதி குடும்பத்திற்கு ஆறுதல் சொல்லலாம்.. அதையே பெரிய கட்சி என்று சொல்லிக்கொள்ளும் அரசியல் கட்சிகளும் அதையே செய்கிறார்கள் என்றால்...   21:02:58 IST
Rate this:
0 members
0 members
2 members
Share this Comment

ஜூன்
21
2016
பொது ஐ.நா.,வில் யோகா அமர்வு
யோகா ஒரு மேலாதிக்க சிந்தனையுடைய "பெருநிறுவன சிந்தனை" என்று சொல்லலாம். உடல் உழைப்பு குறைந்த, அதிக ஊதியம் பெரும் பேர்வழிகளுக்கு மெதுவாக ஓடுதல், மிதிவண்டியோட்டுதல், நீச்சல் போன்றவை செய்ய சோம்பல் மிக அதிகம். எந்த ஒரு சிரமும் இல்லாமல் உட்கார்ந்த இடத்திலேயே நல்ல ஆரோக்கியத்தைப் பெறலாம் என்ற சந்தைப்படுத்தலின் யுக்திதான் யோகா என்றும் சொல்லலாம். அவர்களை அவர்களின் பணத்தைக் குறிவைத்தே இந்த யோகா ஏவப்படுகிறது என்று கூட எண்ணத்தோன்றுகிறது. சித்தர் பாடல் அழகாகச் சொல்லும் "மனமது செம்மையானால் மந்திரம் செபிக்க வேண்டா மனமது செம்மையானால் வாயுவை உயர்த்த வேண்டா மனமது செம்மையானால் வாசியை நிறுத்த வேண்டா மனமது செம்மையானால் மந்திரம் செம்மையாமே   19:51:13 IST
Rate this:
15 members
1 members
6 members
Share this Comment

ஜூன்
20
2016
சம்பவம் 600 ஆண்டு பழமையான கற்சிலைகள் திருட்டு
"பிரதிஷ்டை" என்ற ஒற்றை வார்த்தையை வைத்துக்கொண்டு கற்சிலை "சாமி" என்றாகி விட்டது.ஆச்சரியம் என்னவென்றால்...தன்னை கடத்துபவர்களிடமிருந்து காப்பாற்றிக்கொள்ள முடியாத இந்த கற்சிலை "சாமிகள்" மக்களின் துயரங்களை எப்படி தீர்த்து வைக்கும்.அந்த சிலைகை செய்வதற்கான,அவைகளை வைப்பதற்கான கட்டிடம் கட்டுவதற்கான செலவுகளும்,மனித உழைப்புகளும் வீண் என்பதைத் தவிர, இதுபோன்ற வழிபாடுகளால் மக்களுக்கு என்ன பயன் வந்துவிட்டது.கொலை,பொருட்கள் கொள்ளை, திருட்டு,வழிப்பறி போன்ற மக்களை நேரடியாகப் பாதிப்பு மீது நடவடிக்கை எடுப்பதற்கே நமது காவல் துறைக்கு நேரம் இருப்பதில்லை. இதில் மக்களை காப்பதற்கு என்று வைக்கப்பட்ட "சாமிகளை"க் காப்பதற்கு வேறு அவர்கள் அல்லல் படவேண்டியுள்ளது.எங்கும் நீக்கமற நிறைந்து இருக்கின்ற சாமிகள் எப்போதும் நம்மோடு இருப்பார் என்ற ஆழ்ந்த நம்பிக்கையே போதுமானது.சக மனிதர்களோடு, உறவுகளோடு மனம் விட்டுப் பேசினாலே நமது அனைத்துப் பிரச்சனைகளுக்கும் தீர்வு காண முடியும். அதைத்தானே கடவுள் நம்பிக்கை உள்ளவர்களும்....."கடவுள் நேரடியாகச் செய்ய மாட்டார்... மனிதர் வடிவில் உதவி செய்வார்" என்று.   08:13:19 IST
Rate this:
5 members
0 members
2 members
Share this Comment

ஜூன்
19
2016
பொது 500 டாஸ்மாக் கடைகள் இன்று முதல் மூடல்
மதுபானக் கடைகளின் எண்ணிக்கை குறைக்கப்பட்டது வரவேற்கப்பட வேண்டியதே.ஆனால் மீதம் இருக்கின்ற கடைகள் மூலமாக குடிப்பவர்களுக்கு மதுவின் தேவையும், அரசுக்கான வருவாயும் சமன் செய்யப்பட்டுவிடும். இப்போதைய நிலையில் மது அருந்துவது என்பது சமுதாயத்தில்... முக்கியமாக இளைய சமுதத்தில், மகிழ்ச்சியை, கொண்டாட்டங்களை, துக்கத்தை வெளிபடுத்திக்கொள்ளும் ஒன்றக்கவே எடுத்துக்கொண்டுள்ளார்கள். இளைய சமுதாயம் இப்படி மது அருந்துவதை மிக இயல்பபாக எடுத்துக்கொள்வதற்கு மிக முக்கியக் காரணம் இப்போதைய திரைப்படங்களே என்றால் மிகையாகாது. புதிய நடிகர் முதல் பிரபலமான நடிகர்கள் வரை மது அருந்துவதை மகிழ்ச்சிக்கானதாக, துக்கத்தை வெளிக்காட்டுவதாக காட்டுகிறார்கள். அதை இன்றைய இளைங்கர்களும் இயல்பாகவே எடுத்துக்கொள்ளுகிறார்கள். பெரும்பாலான இப்போதைய திரைப்படங்கள் நல்ல கதை அம்சத்தில் எடுப்பதாகவே தெரிகிறது. என்றாலும் இப்போது வெளிவந்துள்ள.... நல்ல படமாக மக்களால் விரும்பபடுகின்ற "உறியடி" என்ற திரைப்படம் வரை, நண்பர்களோடு மது அருந்துவதை, புகைப் பிடிப்பதை மிகத் தாராளமாகக் காட்டுகிறார்கள். ஒருபுறம் "சாதி" சண்டைகள் தேவையற்றது என்று சொல்லிக்கொண்டு மதுக் குடிப்பதை, புகைப் பிடிப்பதை இயல்பாகக் காட்டுவது நெருடலானது. முற்றிலுமாக மதுவிலக்கை அமல்படுத்தி, மது விற்பது, குடிப்பது சட்ட விரோதம் என்ற கடுமையான நடவடிக்கையை அரசு எடுக்க வேண்டும். இல்லாவிட்டால் மது பார்களையாவது முற்றிலுமாக இல்லாமல் செய்துவிட்டால்.... அவரவர் வீட்டில் மட்டுமே குடிக்க வேண்டிய கட்டாயத்திற்கு உள்ளாகவேண்டிய நிலை உருவாகும். ஆரம்ப நிலையில் உள்ள, குடும்பத்தின் மீது அக்கறை உள்ள மது குடுப்பவர்கள் ஓரளவு கட்டுக்குள் வந்துவிடுவார்கள். முற்றிய நிலையில் உள்ள குடிகார்கள் கூட, மதுக் குடிப்பதைக் குறைத்துக்கொள்ளவும் வாய்ப்பு இருக்கும். குடியை முற்றிலுமாக கட்டுப்படுத்த முடியாது என்றாலும்... அரசே அதை விற்பனை செய்யும்போது தவறு கூட தவறு இல்லை என்றாகிவிடும். அதுதான் நடந்துகொண்டு இருக்கிறது. 500 மது விற்பனைக் கடைகள் மூடப்பட்டாலும், அரசுக்கான வருவாய் குறையாது என்பது வரும் காலத்தில் தெரிந்துவிடும்.   14:55:43 IST
Rate this:
1 members
0 members
2 members
Share this Comment

ஜூன்
18
2016
பொது தமிழக கோரிக்கையை ஏற்க முடியாது பினராயி விஜயன்
தமிழ் நாட்டு அரசியலில் முல்லை பெரியாரை உயர்த்துவதற்கும், காவேரி நீருக்கும் போட்டி போட்டி போராட்டம் செய்யும் நிலை இருக்கிறது. ஆனால் இருக்கின்ற நீர் ஆதாரங்களை முழுமையாகப் பராமரித்து, வரும் மழைக் காலத்தில் பொழிகின்ற மழை நீர் முழுவதையும், கடலில் சென்று வீணாகக் கலக்காமல், தேக்கி வைத்துக் கொள்ள போதுமான நடவடிக்கைகளை எடுக்க வேண்டும். மேட்டூர் அணை உட்பட இருக்கின்ற அனைத்து ஏரி, குளங்களை நல்ல முறையில், தூர் எடுத்து வைத்தால் நிலத்தடி நீர் கூட உயர்ந்துவிடும். இயற்க்கை எப்போதும் போதுமான நீர் வளத்தைத் தந்து கொண்டுதான் உள்ளது. அதை பயன்படுத்துவது அரசின் கையில்தான் உள்ளது. பொதுமக்களிடம் அல்ல.   20:38:19 IST
Rate this:
110 members
0 members
7 members
Share this Comment

ஜூன்
15
2016
அரசியல் உள்ளாட்சி பதவிகளுக்குஅ.தி.மு.க.,வில் புதுமுகங்கள்3 மாதத்திற்குள் அரைகுறை பணிகளுக்கு விடிவு
அதிமுகாவின் பலமே இப்படி புதுமுகங்களுக்கு வாய்ப்பு தருவதுதான்.வாரிசு அரசியல் இல்லாமல் இருப்பதால் தலைமைக்கு மிக விசுவாசமாக,மிகவும் விசுவாசமாக இருப்பவர் எவரும் பதவி பெறுவதற்கான வாய்ப்பு உள்ளது. கூடவே முன்னாள் இந்நாள் ஆவதும், இந்நாள் முன்னாள் ஆவதும் நடப்பது வாய்ப்பு இருப்பதால் அக்கட்சியிலிருந்து பலரும் விரும்புவது இல்லை... என்றாவது மீண்டும் வாய்ப்பு கிடைப்பதற்கு வாய்ப்பு இருக்கிறது என்ற பதவி ஆசையில். தவிரவும் சட்டமன்ற, நாடாளுமன்ற உறுப்பினராக தேர்ந்தெடுக்கப்பட்டாலும் தானாக மக்களுக்கான திட்டங்களை நிறைவேற்ற வேண்டும் என்ற கட்டாயம் இல்லை... அனைத்தும் தலைமையின் தலைமையிலேயே நடக்கும் என்பதால். அவர்களைப் பொருத்த வரையில் தலைமைக்கு எந்த அளவிற்கு "விசுவாசமாக" நடந்துகொள்ள வேண்டுமோ அந்த அளவிற்கு அதிகமாக விசுவாசமாக இருந்துகொண்டால் போதுமானது. அதாவது மக்களாட்சி நாட்டில் தேர்ந்தெடுக்கப்பட்டவர்கள் என்ற கடமை இருப்பதால்... அதைச் செய்வது மட்டுமே அவர்கள் வேலை. கட்சிக்காக அல்ல கட்சித் தலைமைக்குக் கட்டுப்பட்டு கட்சிக்கு வலு, பளு சேர்பதற்கான அதிக பட்ச உழைப்பைக் கொடுக்க வேண்டும். அதற்க்கான பலன் அவர்களுக்குக் கொடுக்கப்பட்டுவிடும் என்பதால் அதிகமான, மிகவும் அதிகமான விசுவாசத்தைக் காட்டுவதற்கு மட்டுமே முன்வருபவர்களுக்கு, முன்னுரிமை என்பது புதுமுகங்களுக்கு கிடைக்கின்ற ஒரு அரிய பதவி வாய்ப்பு.   22:31:47 IST
Rate this:
0 members
0 members
1 members
Share this Comment

ஜூன்
9
2016
பொது அசைவம் சாப்பிடுவோர் 70 சதவீதம் சைவத்துக்கும் அமோக ஆதரவு
இயற்கை இயல்பில் சைவமும் அசைவமும் முக்கிய உணவு முறையாகும்.சைவம் சாப்பிடுபவர்கள் அதிக ஆரோக்கியமாக இருப்பதாகச்சொல்வது வெறும் கருத்து உருவாக்கம்.தங்களது உணவு முறை மட்டுமே சரி என்று ஆளுமை மனப்போக்கு உள்ளவர்களால், தங்களுக்கு இருக்கின்ற ஊடக ஆதரவில் செய்தியாக்கப்படுகிறது.ஒரு விளக்கத்திற்காக...."வாடிய பயிரைக் கண்டபோதெல்லாம் வாடினேன்" என்று சொன்ன வள்ளலார், தனது வாழ்க்கை முழுதும் சைவத்தை மட்டுமே கடைப்பிடித்தார். அவர் வாழ்ந்த கால அளவு 50 வருடங்கள் 3 மாதங்கள் 25 நாட்கள் (05.10.1823 முதல் 30.01.1874 வரை).ஆனால் அசைவத்தை வாழ்க்கை முழுவதும் கடைபிடித்த ஈ.வெ.ராமசாமி 94 வருடங்கள், 3 மாதங்கள் 7 நாட்கள் (17.09.1879 முதல் 24.12.1973 வரை)ஆக,சைவம்தான் சிறந்தது என்பது அதை மட்டும் உண்பவர்கள் தங்களை உயர்த்திக் காட்டுவதற்காக சொல்லப்படும் பரப்புரைகள்.அசைவம் சிறந்தது என்பது உயிர் கொலை கூடாது என்பதற்காக வலியுறுத்தப்படுவதாகவே தெரிகிறது.ஆனால் விலங்குளை கொல்வது மட்டுமே கொலை என்று நம்புவதால் சொல்லப்படும் வாதம் அது.உண்மையில் அசைவம் என்பது நகரும் உயிர்க்கொலை என்று சொன்னால் சைவம் என்பது நகராத உயிர்க்கொலை.ஒரு சிறிய ஆல விதைக்குள் ஆயிரம் ஆயிரம் உயிர்கள் உண்டு.காய்கறிகள் வேக வைப்பதும்,கறி,மீன் போன்றவற்றை வேக வைப்பதும் இரண்டும் ஒன்றே.உலக அளவில்1000 பேருக்கு 950 பேர் அசைவம் உண்பவர்களாக இருக்கிறார்கள்.வளர்ச்சி அடைந்த நாடுகளில் முதன்மையாக இருக்கின்ற USA வில் 96.7% அசைவத்தை உண்பவர்கள்.இந்தியாவை பொறுத்த மட்டில் 71% மக்கள் அசைவம் உண்பவர்களாக இருக்கின்றார்கள் என்பதுதான் உண்மை. "ரத்த அழுத்தம், நீரிழிவு, மாரடைப்பு, புற்றுநோய்" போன்றவை அசைவம் உண்பவர்களுக்கு மட்டுமே வரக்கூடிய நோய்கள் அல்ல. உணவுப் பழக்கத்தைக் காரணம் காட்டி மனிதர்களுக்குள் உள்ளான உறவுகள் பிரித்து வைக்கப்படுகின்றன.ஒவ்வொரு விலங்கினமும் அதனதன் இனத்தோடு இணைந்து வாழும். மனிதர்கள் மட்டுமே உணவை காரணம் காட்டி தங்களுக்குள் வேறுபட்டு கிடக்கிறார்கள். "ஆறறிவு" என்று சொல்லிக்கொண்டு இயற்கைக்கு மீறிய உணவுப் பழக்கத்தை புகுத்துவதை சைவததை உயர்த்திப் பேசுபவர்கள் சொல்லிக்கொண்டு இருக்கிறார்கள்.   22:11:02 IST
Rate this:
4 members
1 members
8 members
Share this Comment