ராம.ராசு : கருத்துக்கள் ( 253 )
ராம.ராசு
Advertisement
Advertisement
நவம்பர்
14
2018
கோர்ட் ரூ.620 கோடி முறைகேடு தி.மு.க., மீது தமிழக அரசு குற்றச்சாட்டு
திமுக ஆட்சியின் போது ஊழல் செய்ததாகவே இருக்கட்டும். முழுப் பெரும்பான்மையுடன் இருக்கும்போது, இருக்கின்ற அசுர அதிகாரத்தை வைத்திருக்கும் போது.... மறுக்க முடியாத, தகுந்த ஆதாரங்களை நீதிமன்றத்தில் காட்டி அதிகபட்ச தண்டனையை வாங்கித் தந்திருக்கலாம். ஒருவேளை விஞ்ஞான முறைப்படி ஊழல் செய்தார்கள் என்று சொல்லப்படுமேயானால்.... விஞ்ஞானம் என்பது திமுகவிற்கு மட்டுமே சொந்தமானதல்ல. அந்த விஞ்ஞான முறைப்படியே சட்டப்படி தண்டனை பெற்றுத் தந்திருக்க வேண்டும். இப்படி எதுவும் செய்யாமல்... வெறுமனே குற்றம் மட்டுமே சாட்டிவிட்டு... கோடிகளைக் கொட்டி மக்கள் வரிப்பணத்தில் கட்டிய தலைமைச் செயலகக் கட்டிடத்தை பயன்படுத்தாமல் விட்டது வெற்று கவுரவம் என்றுதான் சொல்லவேண்டும். அதோடு கூட அதை மறைப்பதற்கு அந்த கட்டிடத்தை வேறு பயன்பாட்டிற்கு மாற்றியது, ஊழலைக் கண்டுபிடிக்க கமிசன் அமைத்தது என்றெல்லாம் அதற்காக இன்னும் கோடிகளைக் கொட்டியது மக்களின் வரிப்பணம் வீணடிக்கப்பட்டது என்றுதான் சொல்லவேண்டும். "லஞ்ச ஒழிப்புத்துறை, இன்னும் விசாரணையை துவக்கவில்லை" என்று சொல்லுவதைப் பார்க்கும்போது தொடர்ச்சியாக இரண்டுமுறை ஆட்சி அமைத்த போதும்... விசாரணையே தொடங்கவில்லை என்றால்... என்ன சொல்ல.   21:05:24 IST
Rate this:
2 members
1 members
2 members
Share this Comment

நவம்பர்
7
2018
அரசியல் நோட்டு ஒழிப்பு நவ.8-ல் காங். நாடு தழுவிய தர்ணா
“கருப்பு பணம் ஒழிப்பு, பயங்கரவாதிகளுக்கு செல்லும் நிதியை தடுத்தல், கள்ள நோட்டுகளை அழித்தல் ஆகிய மூன்று நோக்கங்களுக்காக பண மதிப்பிழப்பு மேற்கொள்ளப்பட்டதாக மத்திய அரசு தெரிவித்தது. ஆனால், இரண்டு ஆண்டுகள் ஆகியுள்ள நிலையில், எந்த நோக்கமும் நிறைவேறவில்லை. முன்பை விட தற்போது அதிக அளவு பணம் புழக்கத்தில் உள்ளது” என்று காங்கிரஸ் கட்சியினர் சொல்வது ஒருபுறம் இருக்கட்டும், சாமானியனும் அரசியல் சார்பு இல்லாதவர்கள் கூட அந்த கருத்தில்தான் உள்ளார்கள் என்பதுதான் எதார்த்தம். பணம் இழப்பு நடவடிக்கையால் அதிகமாக, மிக அதிகமாகப் பாதிக்கப்பட்டது படிப்பறிவு இல்லாத, வங்கிக் கணக்கே இல்லாத, வயதானவர்களும், வயிற்றுப்பிழைப்பிற்காக பிச்சை எடுத்து வாழ்ந்தவர்க்களும்தான். அவர்களால் ATM லும் பணம் எடுக்க முடியாது... வங்கிக்கு சென்றும் எடுக்க முடியாத நிலை. அவை அனைத்தையும் மாற்ற முடியாமல் வீணாகப் போனது என்பது வேதனையானது. எலியைப் பிடிக்கை வீட்டையே எரிக்கப்பட்டது என்பதுதான் நடந்தது. உளவுத் துறையையும், வருமான வரித் துறையையும் தன்னுடன் வைத்துக்கொண்டு அரை சதவிகிதம் கூட இல்லாத வரிஏய்ப்பு செய்வபவர்களை கண்டுபிடித்து அவர்கள் மீது நடவடிக்கை எடுக்காமல் நூற்றி இருபது கோடிகளுக்கு மேலான மக்களை அலைய வைத்தது மறுக்க, மறக்க முடியாதது. முந்தைய ஆட்சியில் இருந்தவர்கள் ஊழல் செய்து இருந்தால், தனக்கு இருக்கின்ற அதிகாரத்தை வைத்து அவர்கள் மீது கடுமையான நடவடிக்கை எடுத்திருக்க முடியும். ATM ல் நான்கு முறைக்கு மேல் பணம் எடுத்தால் ஒரு சிறு கட்டணம் என்று முந்தைய ஆட்சியில் சொன்ன போது மிகப்பெரிய அளவில் எதிர்ப்புக் காட்டப்பட்டது இப்போதைய ஆளும் கட்சியால். கூடவே மக்கள் தங்களது பணத்தை எடுப்பதற்கு கட்டுப்பாடுகள் என்று மக்களை திசை திருப்பும் போராட்டம் நடத்தப்பட்டது. ஆனால் இப்போது....   19:57:40 IST
Rate this:
7 members
0 members
1 members
Share this Comment

நவம்பர்
2
2018
அரசியல் இந்துக்கள் உணர்வு மதிக்கப்பட வேண்டும் ஆர்.எஸ்.எஸ்.
சாதிகளை மறுத்து இந்து மதம் இருப்பதற்கு வாய்ப்பே இல்லை. இந்து ஒற்றுமை என்று சொல்லுவதெல்லாம் சாதி அமைப்பு அப்படியே இருக்க வேண்டும்... ஆனால் முஸ்லிம் அல்லாத, கிருஸ்துவர் அல்லாதவர்கள் இந்துக்கள் என்ற ஒற்றை வார்த்தைக்குள் இருக்க வேண்டும் சொல்லுகிறார்கள். கிருஸ்துவ மதத்தில் சாதிப்பிரிவினை இருப்பதர்க்குக் கூட "இந்து" (?) மதத்தில் இருக்கின்ற, அதிலிருந்த மாறியவர்களிடம் இருக்கும் மன ரீதியான பிரிவினைதான். நாடார் கிறிஸ்டியன், முதலியார் கிறிஸ்டின, தலித் கிறிஸ்டியன், வன்னிய கிறிஸ்டியன் என்று சொல்லுபவர்கள் எல்லாம் இந்து கிருஸ்துவர்களே. சைவ அசைவக் கடவுளும், ஆயிரத்தெட்டு குல சாமிகளைக் கொண்டுள்ள இந்து மதத்தினர் என்று ஒற்றையாக்க முடியவே முடியாது. அனைவரையும் தன்னோடு சேர்த்துக்கொள்ளும் மதங்களுக்கு இடையே, எந்த வித கட்டணமும் இல்லாமல் வணங்க அனுமதிக்கும் கோவில்களுக்கு இடையே, இவர்கள்தான் கோவிலுக்குள் வரவேண்டும் என்று கட்டண அடிப்படையில் கடவுள் சிலைக்கு அருகே செல்ல விதிமுறைகளை வைத்திருக்கும் இந்து ஒற்றுமை என்பது சாத்தியபடுத்த முடியாது. கிருஸ்துவ, முஸ்லிம் மதத்தில் நம்பிக்கை இல்லாதவர்கள் வேறு வழியில்லாமல் இந்து என்ற மதத்தில் இருத்தி வைக்கப்படும் முயற்ச்சியே இந்து ஒற்றுமை என்பது. இப்படி சொல்வதால் ஒன்று இந்து எதிரி என்று முத்திரை குத்துவார்கள் அல்லது நாத்திகள் என்று ஒதுக்குவார்கள். உள்ளே இருக்கின்ற குறைகளைக் களைவதற்கான முயற்ச்சிகளை செய்வதற்கு முன் வரமாட்டார்கள். ஆக "ஜாதி" தாண்டி என்பதெல்லாம் வெறும் கவர்ச்சி வார்த்தைகள்தான் நண்பரே.   19:53:13 IST
Rate this:
10 members
0 members
2 members
Share this Comment

அக்டோபர்
22
2018
கோர்ட் சென்னை ஐகோர்ட்டில் எச்.ராஜா ஆஜர்
ஒரு தேசியக் கட்சியின் முக்கிய பொறுப்பில் இருப்பவர்... எதிர்கட்சியையோ, எதிர்கட்சித் தலைவர்களையோ அப்படி பேசவில்லை. மிகப்பெரிய மக்களாட்சி நாட்டின் அரசியல் சட்டத்தை / சாசனத்தை கட்டிக்காக்கும் நீதித் துறையைப் பார்த்து உணர்ச்சி வசப்பட்டு இவ்வவளவு சாதரணமாக, சொல்லவே நா கூசுகின்ற வார்த்தகளைப் பயன்படுத்தி / அத்தனை ஊடகங்கள் மத்தியில் மிக உரக்கச் சொன்னதை,... இதில் நிபந்தனை இன்றி மன்னிப்புக் கேட்பதற்கு / கொடுப்பதற்கு என்ன இருக்கிறது என்று தெரியவில்லை. ஒரு சாமானியன் இப்படி உணர்ச்சி வசப்பட்டு பேசினால்... சும்மாவா சொன்னார் கண்ணதாசன் "...... யாரும் இருக்குமிடத்தில் இருந்துகொண்டால் எல்லாம் சௌக்கியமே". எந்தக் காலத்திற்கும் ஒத்துப்போகும் பாட்டு வரிகள்.   21:15:21 IST
Rate this:
2 members
1 members
8 members
Share this Comment

அக்டோபர்
20
2018
பொது சபரிமலை ஐயப்பன் கோயிலில் நடை அடைப்பு
நல்ல விளக்கம் தந்தத்திற்கு நன்றி நண்பரே. என்றாலும் விரதம் இருந்தால் மன பலம் கூடும் என்று கேள்விப்பட்டதுண்டு. உடல் பலம் கூடும் என்பது முரண்தான். நடக்க முடியாவிட்டால் ஈஸி சேரில் தூக்கிக்கொண்டும் செல்வார்கள். ஆக விரதமும் வேண்டாம். மழமழவென்று ஷேவ் செய்த முகத்துடன் இருமுடி ஏந்தியம் இருமுடி ஏந்தி செல்லலாம். எனவே முடி வெட்டாமல், தாடியோடு செல்லவேண்டிய கட்டாயமில்லை..கோவிலின் பதினெட்டாம்படி வரை கூட காலனி அணிந்து போகலாம். ஆக அதற்கும் தடையில்லை. இப்படியாக அனைத்திலுமே மாற்றம் வந்தாகிவிட்டது. ஆனால் மனித சமுதாயம் பல்கி பெறுக காரணமாக இருக்கின்ற பெண்களுக்கு இயல்பாய், இயற்கையாய், கடவுளால் உண்டாக்கப்பட்ட மாதவிடாயை தீட்டு என்று, புனிதமற்றது என்றும் சொல்லி, விருப்பப்படும் பெண்களை ஐயப்பனை நேராக வழிபட மறுப்பது எந்த வகையான தர்மம் என்று தெரியவில்லை. ஆண்கள் எப்படியும் மாற்றம் செய்துகொள்ளலாம்... ஆனால் பெண்களை "சுத்தம்" என்ற ஒன்றைக் காட்டி அனுமதிக்காமல் இருப்பது கண்டிப்பாக ஆணாதிக்கச் சிந்தனையின் வெளிப்பாடுதான். கடவுளை வழிபட உடல் சுத்தம் என்பதைவிட மனது சுத்தமாக இருக்க வேண்டும் என்பதுதான் தேவையானது. விரதம் இருக்கும் காலங்களில் கூட மது குடிப்பது, புகை பிடிப்பதும் உண்டு. ஆனால் தங்கள் வீட்டு ஆண்கள் ஐயப்பனுக்கு விரதம் இருக்கிறார்கள் என்பதற்காக தங்களது அனைத்து ஆசாபாசங்களை விட்டுவிட்டு, கிட்டத்தட்ட அவர்களும் அந்த விரதத்திற்கு உள்ளாகிக்கொள்கிறார்கள். என்கிறபோது, பெண்கள் அனைவருமே ஐயப்பனை நேரில் வழிபட தகுதி பெற்றவர்களே.   22:29:11 IST
Rate this:
1 members
0 members
0 members
Share this Comment

அக்டோபர்
20
2018
பொது சபரிமலை ஐயப்பன் கோயிலில் நடை அடைப்பு
M Selvaraaj Prabu - Gaborone,போஸ்ட்வானா - நண்பரே மன்னர் குடும்பம் பெரியதா... ஐயப்பன் பெரியதா என்ற சந்தேகம் எழுப்பினால்... "இதுதான் நமது கலாச்சாரம், பண்பாடு" என்பது வெறும் பூசி மெழுகும் விளக்கம் நண்பரே. ஸ்வாமி ஐயப்பன் முன்னவரா அல்லது மன்னர் குடும்பத்தினர் முன்னவர்களா... நீங்கள் சொல்லும் வரிசைதான் நமது கலாச்சரம் பண்பாடு என்றால், ஐயப்பனே எழுத்து மரியாதை செய்யும் நிலையில் இருக்கின்ற மன்னர் குடும்பத்தை நாம் அனைவரும் வணங்கலாமா நண்பரே எந்த ஒரு கலாச்சாரமும், பண்பாடும் நிரந்தரமானது அல்ல. இடத்திற்கு இடம் மட்டுமல்ல கால மாற்றத்திற்கு ஏற்பவும் நீங்கள் சொல்லும் கலாச்சாரமும், பண்பாடும் மாறுபடும். மன்னராட்சி, முகலாயர் ஆட்சி, ஆங்கிலேயர் ஆட்சி கடைசியில் தற்போது மன்னராட்சி. எத்தனை எத்தனை மாற்றங்கள். ஒரு காலத்தில் பாவாடை, தாவணி, வேட்டி துண்டுதான் நமது கலாச்சாரமாக இருந்தது. ஆனால் சுடிதாரும், ஜீன்சும், கோட்டும் சூட்டும், டைட்ஸ்சும் இப்போது நமது பாரம்பரிய உடையாகிவிட்டது. அதைத் தவறு என்று குற்றம் சாட்டவில்லை. எதார்த்தத்தில் நாம் அனைவருமே ஏற்றுக்கொண்டு விட்டோம் என்பதை மறுக்க முடியாது. பழையன கழிதலும் புதியன புகுதலும் என்று சொல்லி "போகிப்பண்டிகையை" பெருமைப் படுத்துவோம். அது பழைய பொருட்களுக்கு மட்டுமல்ல, பழுதாகிப்போன கலாச்சாரத்திற்கும், பண்பாடுக்கும்தான். மொத்தத்தில்... கடவுளை வணங்குவதற்க்கு எந்தவித, மிக அதிகப்படியான, தேவையில்லாத கட்டுப்பாடுகள் தேவை இல்லை என்பதுதான். கண்டிப்பாக வரைமுறை தேவைதான். ஆனால் அது சில பேர், கோவில்கள் தங்களது ஆளுமைக்குள் இருக்க வேண்டும் என்பதற்காக, தங்களது அதிகாரங்களை விட்டுக்கொடுக்க முடியாது என்பதற்காக ஐதீகம், ஆகமம் என்று சொல்லுவது சரியல்ல.   20:45:10 IST
Rate this:
1 members
0 members
1 members
Share this Comment

அக்டோபர்
20
2018
பொது சபரிமலை ஐயப்பன் கோயிலில் நடை அடைப்பு
சந்தேகம் 1 . "தினமும் இரவில் கே.ஜே. யேசுதாஸ் பாடிய ஹரிவராசனம் இசையை குறுந்தகட்டிலிருந்து பாடவைத்து தான் ஒவ்வொரு விளக்காக அணைத்து ஐயப்பனை உறங்க வைப்பார்கள்" அப்படியென்றால் திரு.கே.ஜே. யேசுதாஸ்க்கு முன்பாக "ஹரிவராசனம் இசை" யாரால் பாடப்பட்டது? அல்லது முன்பு ஐயப்பன் உறங்கவில்லையா.. சந்தேகம் 2 . "பந்தள அரச குடும்ப த்தினர் சென்றால் மரியாதை செலுத்தும்விதமாக ஐயப்பன் எழுந்து நிற்க வேண்டிவரும்" அப்படியென்றால் அங்கு அய்யப்பனுக்கு உயர்ந்த மரியாதையா அல்லது மன்னர் குடும்பத்திற்கு உயர்ந்த மரியாதையா..? சந்தேகம் 3 . "மண்டல/ 41 நாள் விரதம் கட்டாயமில்லை." என்கிறபோது கடுமையான விரதம் இருந்துதான் சபரி மலைக்குச் செல்லவேண்டும் என்று ஏன் சொல்லப்படுகிறது? விவாதத்திற்கான சந்தேகம் அல்ல.. விளக்கத்திற்காக எழுந்த சந்தேகம்.   12:54:24 IST
Rate this:
5 members
0 members
5 members
Share this Comment

அக்டோபர்
14
2018
சினிமா வழக்கு தொடர்ந்தால் சந்திக்க தயார் : வைரமுத்து...
2005 ல் அந்த நிகழ்வு நடைபெற்றபோதே திரு.வைரமுத்துவை வெறுத்து ஒதுக்கியதாகவும், அப்போதே அவரது உண்மையான முகம் தெரிந்துவிட்டதாகவும் சொல்லும் திருமதி.சின்மயி, அப்படிப்பட்ட தவறான எண்ணம் உள்ளவரை, 2014 ல் நடைபெற்ற அவரது திருமணத்திற்கு ஏன் அழைத்தார்... அவரிடம் ஆசீர்வாதம் எதற்கு வாங்க வேண்டும்.. அவரோடு எதற்கு புகைப்படம் எடுத்துக்கொண்டார்,, இவர்தான் விவரம் தெரியாத சின்ன பெண்... அவரது அம்மாவிற்கும் இது தெரியும் என்று சொல்லுகிறார். தவறான ஒருவரை எதற்க்காக திருமணத்திற்கு அழைத்தார்... அழைக்காமல் தடுத்து இருக்கவேண்டும். முன்னாள் முதல்வர் ஜெயலலிதாவிடம் சொல்லியிருக்கலாம்... கண்டிப்பாக இவருக்கு பாதுகாப்பு மட்டுமல்ல உண்மை இருக்கும்பட்சத்தில் சரியான நடவடிக்கை எடுத்து இருப்பார். திரு.வைரமுத்து மீது கண்டிப்பாக நடவடிக்கை எடுத்து இருப்பார் என்பதில் சந்தேகமே இல்லை. 2015 ல் திமுக ஆட்சியில் கூட இல்லை. இது திரு.வைரமுத்துவுக்கு ஆதரவாக கருத்தல்ல... திருமணத்திற்கு கண்டிப்பாக அவரது வீட்டிற்குச் சென்றுதான் அழைத்திருப்பார். அப்போதெல்லாம் எழுப்பாத குற்றச்சாட்டு இப்போது ஏன் என்ற கேள்வி எழத்தானே செய்யும்.. இப்படி வெறும் ஊடகங்களில் சொல்லுவதில் மட்டுமல்ல நீதிமன்றத்திலும் இதை வழக்காகக் கொண்டு செல்லலாமே. உண்மையென்றால் கண்டிப்பாக வெளியே வந்தே தீரும். எடுத்தவுடன் உண்மை அறியும் சோதனை நடத்த வேண்டும் என்று சொல்லுவது....   21:28:50 IST
Rate this:
85 members
2 members
203 members
Share this Comment

அக்டோபர்
13
2018
பொது சபரிமலை தீர்ப்பு கோவையில் பக்தர்கள் பேரணி
எந்த மதம் சார்ந்த பிரச்சனை என்றாலும் இறுதியாக முற்றுப்புள்ளி வைப்பது மக்களாட்சி நாட்டில் மட்டுமல்ல அரசியல் சாசனத்தைப் பெற்றுள்ள அனைத்து நாடுகளிலும் நீதிமன்றங்கள்தான். தனிப்பட்டவர்களின் பாதிப்பிற்காக, அவர்கள் எந்த மதத்தைச் சார்ந்தவராக இருந்தவர்களாக இருந்தாலும் நீதிமன்றங்களில் அவ்வப்போது தீர்ப்புகள் சொல்லப்பட்டுக்கொண்டுதான் இருக்கின்றன. முஸ்லீம் பெண்கள் சார்ந்து, கிருஸ்துவ கன்னியாஸ்திரிகள் சார்ந்து, இந்து மதத்தில் சாமியார்கள் சார்ந்து அனைத்திலும் நீதிமன்றத்த்தின் தலையீடு இருந்தது / இருக்கிறது என்பதை மறுக்க முடியாது. பெரும்பான்மை என்பது அரசை தேர்ந்தெடுப்பதில் வேண்டுமானால் சரியாக இருக்கலாம், அனைவருமே ஏற்றுக்கொள்ளவேண்டியது நாட்டின் அரசியல் சாசனம் / சட்டம். ஆக, அதை காட்டிக்காக்கும் மிகப் பெரிய பொறுப்பில் உள்ள நீதி மன்றத்திற்கு முடிவு செய்யும் அதிகாரம் உள்ளது. பிறகு எதற்க்காக அரசியல் சட்டமும்... நீதி மன்றங்களும்...   21:42:04 IST
Rate this:
0 members
0 members
0 members
Share this Comment

அக்டோபர்
13
2018
பொது சபரிமலை தீர்ப்பு கோவையில் பக்தர்கள் பேரணி
தீர்ப்பு அநீதியானது என்றால் ஐயப்பன் பார்த்துக்கொள்வான். அந்த நம்பிக்கை இல்லாமல் போனது ஏன் என்று தெரியவில்லை. இதுபோன்ற எதிர்ப்புகள் தேவையே இல்லை. கண்டிப்பாக இந்தத் தீர்ப்பு " தர்மம் மற்றும் நீதிக்கு" எதிரானது அல்ல. நீதிமன்றம் சொல்லிவிட்டது என்பதற்காக பெண்கள் அனைவரும் வரிசை கட்டிக்கொண்டு வரப்போவது இல்லை. உடன் கட்டை ஏறும் பழக்கமும், கீழ் சாதியினர் என்று சொல்லி அவர்களை கோவிலுக்குள் அனுமதிக்காமல் இருந்த பழக்கமும் காலப்போக்கில் இல்லாமல் போய்விட்டது. அடிப்படையில் இந்து மதம் என்பது மாற்றங்களை அனுமதித்தே இருக்கின்றன. எளிமையாக, மிக எளிமையாக முன்னோர்களால் அமைக்கப்பட்ட எத்தனையோ கோவில்கள் இன்று தங்கத் தகடுகளால் கூரை அமைக்கப்பட்டுள்ளது. கண்டிப்பாக அது கடவுளால் கேட்டிருக்க முடியாது. வசதி படைத்தவர்கள் தங்களை முன்னிறுத்திக் கொள்ள இதுபோன்ற ஆபரணங்களைத் தந்து கோவில்களின் இயல்பை , எளிமையை மாற்றிவிட்டார்கள். எனது கடவுளை ஏற்றுக்கொள், என்னுடைய மதத்திற்கு வாருங்கள் என்று சொல்லுவது ஒருபுறம். இப்படி கோவிலுக்குள் அனுமதிக்க வேண்டாம் என்று சொல்லுவது / போராடுவது ஒருபுறம். ஆகம விதிகள் என்பது ஒரு சிலரால் தங்களின் அதிகாரத்திற்க்காக உருவாக்கப்பட்டதே தவிர கண்டிப்பாக கடவுளால் சொல்லப்பட்டு இருக்க வாய்ப்பே இல்லை. இன்னும் சொல்லப்போனால் கோவில்களை குடும்ப சொத்தாக அல்லது குறிப்பிட்ட பிரிவினர் மட்டுமே கட்டுப்பாட்டுக்குள் வைத்திருக்க வேண்டும் என்ற கருத்தியல் அடிப்படையில்தான், அதை நேரடியாக சொல்ல முடியாமல், சொன்னால் எடுபடாது என்பதால் "ஆகம விதிகள்" "தர்மம்" "நீதி" என்றெல்லாம் திசை திருப்படுகிறது. எந்த மதமாக இருந்தாலும் ஆண் பெண் பாகு பாட்டோடு அனுமதிக்க மறுப்பதை அந்த இறைவனே கூட ஏற்றுக்கொள்ள மாட்டான். ஆணோ பெண்ணோ சக உயிர்கள்தான். பெண்ணை தெய்வமாக சொல்லிக்கொண்டே இன்னொரு புறம் புனிதம் இல்லை, தீட்டு என்றெல்லாம் சொல்லி அவர்களை அனுமதிக்காமல் மறுப்பது சரியானதாக இருக்க முடியாது. நீதிமன்றத் தீர்ப்பை எதிர்ப்பவர்கள் மன்னராட்சி மனோபாவம் மற்றவர்களோடு மனதளவில் ஒன்றுபட தயக்கம் கொண்டவர்கள் என்றுதான் சொல்லவேண்டும். இந்தப் போராட்டம் கோவிலுக்கு / சாமிக்கு ஆதரவானது என்பதை விட, தங்களது அதிகாரத்தில் / ஆளுமையில் மக்களால் தேர்ந்தெடுக்கப்பட்ட அரசு மட்டுமல்ல மற்றவர்களின் தலையீடும் கூடாது என்பதை காட்டுவதற்காகத்தான். அவனன்றி ஒரு அணுவும் அசையாது... அதில் பெண்களும் அடங்குவார்கள். பெண்களுக்கான அனுமதியை ஐய்யப்பனே கொடுத்துள்ளான், நீதிமன்றத்தின் மூலமாக என்று கூட எடுத்துக் கொள்ளலாம். கிருஸ்துவ ஆலயங்களில் நுழைய ஆண் பெண் ஏழை பணக்காரன் என்ற பாகுபாடுகளை மட்டுமல்ல பிற மதத்தவர்கள் வந்தாலும் தடுப்பது இல்லை. ஆனால், நான் சார்ந்த இந்து மதத்தில் மட்டும் சாதி, ஆண், பெண் என்ற வேறுபாடு மட்டுமல்ல கடவுளை பார்ப்பதற்க்கு கூட இலவச தரிசனம், சிறப்பு தரிசனம், மிக மிக சிறப்பு தரிசனம் என்றெல்லாம் கட்டணக் கட்டுப்பாடுகள் இருக்கின்றதோ தெரியவில்லை.   19:22:07 IST
Rate this:
2 members
0 members
3 members
Share this Comment

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X