டெகரான்:ஈரான் நாட்டின் தலைநகரான டெகரானில் எதிர்காலத்தில் பேரழிவுகளை உண்டாக்கும் பூகம்பம் ஏற் பட வாய்ப்பு உள்ளதாக, நிலநடுக்க ஆய்வியல் நிபுணர்கள் தெரிவித் துள்ளனர். இதைத் தொடர்ந்து, அத் தகைய பேரழிவு வாய்ந்த நிலநடுக் கத்தில் இருந்து தன் மக்களை காப்பாற்ற, தலைநகரை வேறு நகருக்கு மாற்றும் திட்டத்திற்கு அந்நாட்டு அரசு ஒப்புதல் அளித்துள்ளது.

டெகரான் நகரில், எதிர்காலத்தில் ஏற்படும் நிலநடுக்கத்தால், பெரியளவில் உயிரிழப்புகள் ஏற்படுவதை தடுக்கும் முயற்சியாக, இவ்வாறு திட்டமிடப்பட்டுள்ளது.தலைநகரை வேறு இடத்தில் நிறுவும் திட்டத்தை அந்நாட்டின் தலைவர் அயதுல்லா அலி காமேனி முன் மொழிந்து, அதற்கான கவுன்சிலிடம் ஒப்புதல் பெற்றார். ஆனால், தற்போது இருக்கும் நகரிலேயே ஒன்று தலைநகராக தேர்ந்தெடுக்கப்படுமா அல்லது புதிதாக நிறுவப்படுமா என்பது குறித்து தெளிவான தகவல்கள் இல்லை.

ஈரானின் வரலாற்றைப் புரட்டிப் பார்த்தால், அதற்கு பல்வேறு காலகட்டங்களில், இஸ்பாகான்,குவாசின்,சிராஸ், மஸ்காத் மற்றும் ஹமீதான் உட்பட பல்வேறு நகரங்கள் தலை நகரங்களாக இருந்துள்ளது தெரிய வரும்.கடந்த 1795ம் ஆண்டு, மன்னர் அகா முகமது கான், டெகரானை தலைநகராக அறிவித்தது முதல், அந்நகர், நாட்டின் அரசியல், சமூக, பொருளாதார மற்றும் கலாசார மையமாக திகழ்ந்து வருகிறது. தற்போது இந்நகரில், ஒரு கோடியே 20 லட்சம் மக்கள் வாழ்ந்து வருகின்றனர்.

ஈரான் நாட்டிற்கு புதிய தலைநகரை நிறுவுவது குறித்து, 20 ஆண்டுகளுக்கு முன்னரே திட்டமிடப்பட்டது. 2003ம் ஆண்டு பாம் மாகாணத்தின் தென் கிழக்கு நகரில் ஏற்பட்ட பூகம்பத்தில், 40 ஆயிரம் பேர் வரை பலியானதையடுத்து, அதிகாரிகள் தலைநகரை மாற்றும் திட்டத்தில் தீவிர கவனம் செலுத்தி வருகின்றனர்.