sub-imageதினமலர் டிவி
sub-imagePodcast
sub-imageiPaper
sub-imageசினிமா
sub-imageகோயில்கள்
sub-imageபுத்தகங்கள்
sub-imageSubscription
sub-imageதிருக்குறள்
sub-imageகடல் தாமரை
Dinamalar Logo

சனி, நவம்பர் 29, 2025 ,கார்த்திகை 13, விசுவாவசு வருடம்

டைம்லைன்


தற்போதைய செய்தி


தினமலர் டிவி


ப்ரீமியம்


தமிழகம்


இந்தியா


உலகம்


வர்த்தகம்


விளையாட்டு


கல்விமலர்


டீ கடை பெஞ்ச்


/

இணைப்பு மலர்

/

சிறுவர் மலர்

/

குழியில் விழுந்தான்!

/

குழியில் விழுந்தான்!

குழியில் விழுந்தான்!

குழியில் விழுந்தான்!


PUBLISHED ON : நவ 29, 2025

Google News

PUBLISHED ON : நவ 29, 2025


Google News
Latest Tamil News
நிறம் மற்றும் எழுத்துரு அளவு மாற்ற

திருச்சி மாவட்டம், பொன்மலை ரயில்வே உயர்நிலைப் பள்ளியில், 2006ல், 10ம் வகுப்பில் படித்தபோது, இயற்பியல் ஆசிரியராக இருந்தார், தீப பிரகாசம். ரசனையுடன் கற்றுத்தருவார். ஒவ்வொரு பாடத்தையும் எளிதாக நினைவில் கொள்ள உதவும் உத்திகளை உருவாக்குவார்.

அன்று செய்முறை வகுப்பு நடந்தது.

அதில், லென்ஸ் பயன்படுத்துவது பற்றி பாடம் நடத்தினார். எளிதில் புரிய வைக்கும் விதமாக, 'கிட்டப்பன் குழியில் விழுந்தான்' என்றார்.

வியப்புடன் அதற்கு விளக்கம் கேட்டோம். புன்னகை மாறாமல், 'கண்ணில் கிட்டப் பார்வை குறைபாடு உடையோர், குழி லென்ஸ் பயன்படுத்த வேண்டும் என்பதை தான், கிட்டப்பன் குழியில் விழுந்தான் என்றேன்; துாரப் பார்வை குறைபாடு உள்ளவருக்கு குவி லென்ஸ் தேவைப்படும்...' என, தெளிவு படுத்தினார்.

அந்த வாக்கியம், முதுமொழி போல் சட்டென மனதில் பதிந்தது. அந்த ஒற்றை வரி, கற்றலை களிப்பாக்கியது. இன்று வரை என் நினைவில் பதிந்து உள்ளது.

என் வயது, 35. தெற்கு ரயில்வேயில் அதிகாரியாக பணியாற்றி வருகிறேன்.

பல ஆண்டுகளுக்கு பின், ஒரு சந்தர்ப்பத்தில் இயற்பியல் ஆசிரியர் தீப பிரகாசத்தை மீண்டும் சந்திக்கும் வாய்ப்பு கிடைத்தது. வகுப்பறையில் போதித்த அந்த வரியை சுட்டிக் காட்டினேன். அந்த நிமிடம், என் பள்ளி நாட்களை பசுமையாக நினைவில் கொண்டு வந்தது.

அறிவுப் பாதையில் நடை போட ஊக்குவித்த ஆசிரியருக்கு நன்றியை சமர்ப்பிக்கிறேன்.



-- எஸ்.எம்.அருண் பிரகாஷ், சென்னை.

தொடர்புக்கு: 97915 78478







      Dinamalar
      Follow us