Advertisement

காஜல் அகர்வால் படங்களைக் குறைத்தது ஏன் ?

தமிழ், தெலுங்கு என இரு மொழிகளிலும் மிகவும் பிஸியான நடிகையாக இருந்தவர் காஜல் அகர்வால். ஒரு வருடத்திற்கு ஏழு படங்கள் வரை அவருடைய படங்கள் ரீலீசான காலமும் இருந்தது. ஆனால், இப்போது காஜல் அப்படி நடிப்பதில்லை, படங்களைக் குறைத்துக் கொண்டார். அப்படி படங்களைக் குறைத்ததற்கு என்ன காரணம் என சமீபத்திய பேட்டி ஒன்றில் தெரிவித்திருக்கிறார்.
“எனக்கு அப்படி ஒரு வருத்தம் வரும் வரைக்கும் அது பற்றி உணராமல் இருந்தேன். 2013ல் எனது சகோதரிக்கு திருமணம் நடைபெற்ற போது, நான் அந்தத் திருமணத்தில் ஒரு விருந்தினர் போலத்தான் கலந்து கொண்டேன். ஒரு குடும்ப உறுப்பினராக அந்தத் திருமணத்தில் என்னால் முழுமையாக கலந்து கொள்ள முடியவில்லை. அவள் எனக்கு மிகவும் நெருக்கமானவள். அவளுடைய சிறந்த நாள் ஒன்றுக்கு என்னால் முழுமையான நேரத்தை செலவிட முடியவில்லை என்பது என்னை பாதித்தது.
அதன்பிறகுதான் படங்களைக் குறைக்க வேண்டும் என்று முடிவு செய்தேன். வருடத்திற்க நான்கு படங்களுடன், குடும்பத்தினருடன், நண்பர்களுடன் நேரத்தை செலவிட முடிகிறது. இப்போதும் நான் கடுமையாக உழைப்பேன். ஆனால், 24 மணி நேரமும் வேலையில் இருக்க விரும்பவில்லை,” எனத் தெரிவித்துள்ளார்.
காஜல் அகர்வால் நடித்து அடுத்து தமிழில் 'கோமாளி' படம் வெளிவர உள்ளது.

Download for free from the Store »

Advertisement
 

வாசகர் கருத்து

    முதல் நபராக கருத்து தெரிவியுங்கள்!

கருத்தைப் பதிவு செய்ய

Advertisement