Advertisement

மகனுக்கு எனது ரசிகர்களை கொடுக்கிறேன்: விக்ரம் உருக்கம்

Share

விக்ரம் மகன் துருவ் விக்ரம் நடிக்கும் ‛ஆதித்ய வர்மா' படத்தின் பாடல் வெளியீட்டு விழா நேற்று நடந்தது. இந்த விழாவில் மகனை அறிமுகப்படுத்தி விக்ரம் பேசியதாவது:

நான் எப்போதுமே டென்ஷனாக இருந்ததில்லை. ‛சேது' படம் வெளிவரும்போது, பிளஸ் 2 ரிசல்ட்டுக்காக காத்திருந்தபோது கூட இவ்வளவு டென்ஷனாக இருந்ததில்லை. ஆனால் இன்று ரொம்ப டென்ஷனாக இருக்கிறது. இதுவொரு கல்யாணம் மாதிரி. என் பொண்ணுக்கு எப்படி கல்யாணம் பண்ணிக் கொடுத்தேனோ, அப்படி என் மகனும் நல்லபடியாக வர வேண்டும் என்ற எண்ணம் தான்.

உனக்கு என்ன வேணுமோ பண்ணு என்று தான் சொன்னேன். ஆனால் இறுதியாக சினிமா தான் என்றவுடன் சந்தோஷமாக இருந்தது. 5 வருடங்கள் கழித்து நடிக்க வைக்கலாம் என நினைத்தேன். அர்ஜுன் ரெட்டி பார்த்தவுடனே பயந்துவிட்டேன். ஏனென்றால் ரொம்ப வலுவான கதாபாத்திரம், துருவ் வயதுக்கு இது சரியா, மெச்சூரிட்டி இருக்குமா என பயந்தேன். அவன் எப்படி நடித்திருக்கிறான் என்று நான் சொல்ல விரும்பவில்லை. ஒரு அப்பாவாக அதை பெருமையா சொல்ற மாதிரி இருக்கும். படம் வரும்போது நீங்களே தெரிஞ்சுக்குவீங்க.

நானும் இந்தப் படத்தில் உதவி இயக்குநர் மாதிரி வேலை பார்த்திருக்கிறேன் அவ்வளவுதான். துருவ்விடம் உன்னுடைய கனவை மட்டும் பார். அது என்ன சொல்லுதோ, அதை மட்டும் பண்ணு என்பேன். அனைத்து அப்பாக்களுக்குமே பசங்களுக்கு ஏதாவது வீடு கொடுக்கணும், பொருள் கொடுக்கணும் என நினைப்பார்கள். ஆனால், நான் துருவிற்கு எனது ரசிகர்களை கொடுத்துள்ளேன். துருவ் நடிகனாக ஆனதற்கு என் குடும்பம் எவ்வளவு மகிழ்ச்சி அடைந்திருக்கிறதோ... அதே மகிழ்ச்சியை எனது ரசிகர்களும் அடைந்திருக்கிறார்கள்.

இவ்வாறு விக்ரம் பேசினார்.

Share
தினமலர் செய்தியை உடனுக்குடன் பெற Telegram app-ல் எங்களோடு இணைந்திருங்கள்.
Advertisement
 

Home வாசகர் கருத்து

    முதல் நபராக கருத்து தெரிவியுங்கள்!

Home கருத்தைப் பதிவு செய்ய

Advertisement