Advertisement

உள்ளாட்சி தேர்தல்: ஆணையம் இன்று முடிவு

சென்னை:உள்ளாட்சி தேர்தல் ஏற்பாடுகள்குறித்து, மாநில தேர்தல் ஆணையத்தில், இன்று முக்கிய ஆலோசனை நடக்க உள்ளது.
உள்ளாட்சி தேர்தலை நடத்துவதற்கான ஏற்பாடுகளில், மாநில தேர்தல் ஆணையம் கவனம் செலுத்தி வருகிறது. இதற்காக, சமீபத்தில், துாத்துக்குடி மற்றும் சிவகங்கை சென்ற, மாநில தேர்தல் ஆணையர்பழனிசாமி, மாவட்ட கலெக்டர்களுடன் ஆலோசனை நடத்தினார். அப்போது, தேர்தல் செலவிற்கு உரிய நிதி ஒதுக்க வேண்டும் என்பதுஉள்ளிட்ட கோரிக்கைகளை, கலெக்டர்கள் முன்வைத்தனர். அதைத் தொடர்ந்து, தேர்தல் ஆணையர் பழனிசாமி, சென்னை அரும்பாக்கத்தில் உள்ள ஆணைய அலுவலகத்தில், இன்று ஆலோசனை நடத்த உள்ளார்.
மாநில தேர்தல் ஆணைய செயலராக, புதிதாக நியமிக்கப்பட்டுள்ள சுப்பிரமணியம் உள்ளிட்ட அதிகாரிகள், இந்த கூட்டத்தில் பங்கேற்க உள்ளனர். கூட்டத்தின் இறுதியில், உள்ளாட்சி தேர்தல் நடத்தும் தேதி; அதை அறிவிக்கும் தேதி போன்றவை இறுதி செய்யப்படும் எனவும், தேர்தல் அறிவிப்பு, வரும், 24ம் தேதி வெளியாகலாம் என்றும் கூறப்படுகிறது.

Download for free from the Store »

Advertisement
 

வாசகர் கருத்து

    முதல் நபராக கருத்து தெரிவியுங்கள்!
Advertisement