dinamalar telegram
Advertisement

மேற்கு வங்க தேர்தலில் வன்முறை துப்பாக்கிச் சூடு 4 பேர் பலி

மேற்கு வங்கத்தில் உள்ள 294 தொகுதிகளுக்கும் ஏற்கெனவே 3 கட்டத் தேர்தல் முடிந்த நிலையில், 4-வது கட்டமாக இன்று 44 தொகுதிகளுக்குத் தேர்தல் நடைபெறுகிறது. இன்று காலை முதல் அமைதியாக ஓட்டுப்பதிவு துவங்கியது. ஆனால், கூச்பெஹர் மாவட்டத்தில் உள்ள சித்லாகுச்சி தொகுதியில் காலை முதல் வன்முறைச் சம்பவங்கள் நடந்தவாறு இருந்தன. சித்லாகுச்சி தொகுதிக்கு உட்பட்ட ஒரு ஓட்டுச்சாவடியில் முதல் முறையாக ஓட்டுப் போட வந்திருந்த இளைஞரை அடையாளம் தெரியாத ஒருவர் துப்பாக்கியால் சுட்டுவிட்டுத் தப்பினார். இதில் சம்பவ இடத்திலேயே அந்த இளைஞர் உயிரிழந்தார். இதற்கிடையே சித்லாகுச்சியில் உள்ள மாதாபங்கா பகுதியில் ஓட்டுப்பதிவு இன்று காலை நடந்து கொண்டிருந்தபோது பாஜகவினருக்கும், திரிணமூல் காங்கிரஸ் தொண்டர்களுக்கும் இடையே திடீரென மோதல் ஏற்பட்டது. இந்த மோதலைக் கலைக்கும் வேலையில் போலீஸாரும், மத்திய தொழில் பாதுகாப்புப் படையினரும் ஈடுபட்டிருந்தனர். அப்போது கூட்டத்தில் இருந்த மக்களில் ஒரு தரப்பினர் மத்தியப் படையினர் வைத்திருந்த துப்பாக்கிகளைப் பிடுங்கவும், அவர்களைத் தாக்கவும் முயன்றனர். இதனால், வேறு வழியின்றி தற்காப்புக்காக மத்தியப் படையினர் துப்பாக்கிச் சூடு நடத்தினர். இந்தத் துப்பாக்கிச் சூட்டில் 4 பேர் இறந்தனர். துப்பாக்கிச் சூட்டில் கொல்லப்பட்ட 4 பேரின் உடலும் அருகே உள்ள அரசு மருத்துவமனைக்கு அனுப்பி வைக்கப்பட்டுள்ளது. உயிரிழந்த 4 பேரும் திரிணமூல் காங்கிரஸ் தொண்டர்கள் என்று தகவல்கள் தெரிவிக்கின்றன.
Share
தினமலர் செய்தியை உடனுக்குடன் பெற Telegram app-ல் எங்களோடு இணைந்திருங்கள்.

Comments Comments (1)


Avatar
உங்கள் கருத்தைப் பதிவு செய்ய

வாசகர் கருத்து (1)
BALU
BALU - HOSUR,இந்தியா . 10-ஏப்-2021 17:05 IST

மத்திய பாதுகாப்பு படையினருக்கு நன்றி ஜனநாயகத்தின் மீது நம்பிக்கையைக் காப்பாற்றிய நம் பாதுகாப்புப் படையினரின் செயல் மிகுந்த பாராட்டுக்கு உரியது.சபாஷ்

தொடர்புடையவை

Autoplay


வீடியோ பில்டர்

kids contest
Advertisement