பிளஸ் 2 படித்த போலி டாக்டர் சிறையில் கம்பி எண்ணுகிறார்

திருவள்ளூர் மாவட்டம் பழவேற்காடு பகுதியை சேர்ந்தவர் ராஜேந்திரன். வயது 65. 5 ஆண்டுகளுக்கும் மேலாக கிளினிக் வைத்து நோயாளிகளுக்கு சிகிச்சை அளித்து வந்தார். இவர் போலி டாக்டர் என மருத்துவதுறைக்கு புகார் வந்தது. பழவேற்காடு அரசு மருத்துவமனை அதிகாரிகள் கிளினிக்கில் சோதனை செய்தனர். அப்போது ராஜேந்திரன் பிளஸ் 2 மட்டுமே படித்தது தெரிய வந்தது. மருந்துகள் மற்றும் மருத்துவ உபகரணங்களை பறிமுதல் செய்தனர். ராஜேந்திரனை கைது செய்து சிறையில் அடைத்தனர்.