தாயார் ஹீராபென் மரணம் குஜராத் சென்றார் பிரதமர் மோடி

பிரதமர் மோடியின் தாயார் ஹீராபென் உடல் நலக்குறைவு காரணமாக செவ்வாய் இரவு ஆமதாபாத் ஆஸ்பிடலில் அட்மிட் ஆனார். மோடி சென்று பார்த்தார். மருத்துவமனையில் சிகிச்சையில் இருந்த ஹீராபென் மரணம் அடைந்தார். அவருக்கு வயது 99. அன்னையின் அற்புதமான நூறாண்டு வாழ்க்கை கடவுளின் பாதங்களில் ஓய்வெடுக்க சென்று விட்டது, என மோடி குறிப்பிட்டுள்ளார். ஹீராபென் மோடி 1923 ஜூன் 18ல் குஜராத் வாத்நகரில் பிறந்தார். டீ விற்பனையாளர் தாமோதர் தாஸ் மோடியை மணந்தார். இத்தம்பதிக்கு, சோமா மோடி, பங்கஜ் மோடி, நரேந்திர மோடி, அம்ரித் மோடி, பிரகலாத் மோடி என்ற 5 மகன்களும், வசந்தி பென் என்ற மகளும் பிறந்தனர். இதில் பிரதமர் நரேந்திர மோடி மூன்றாமவர். கணவர் தாமோதர் தாஸ் மோடி 1989ல் இறந்தார். அதன் பிறகு இளைய மகன் பங்கஜ் வீட்டில் ஹீரோ பென் வசித்து வந்தார். தாய் மறைவையடுத்து, பிரதமர் மோடி மேற்குவங்க சுற்றுபயணத்தை ரத்து செய்து விட்டு, குஜராத் சென்றார்