கிராண்ட் மாஸ்டர் பிரனேஷ்க்கு சொந்த ஊரில் பாராட்டு

சுவீடனில் நடந்த சர்வதேச செஸ் போட்டியில் 29 நாடுகளை சேர்ந்த 136 வீரர்கள் பங்கேற்றனர். 9 சுற்றுகள் கொண்ட இந்த போட்டியில் இந்தியா சார்பில் பங்கேற்ற தமிழக வீரர் பிரனேஷ் 8 புள்ளிகள் குவித்து சாம்பியன் பட்டத்தை கைப்பற்றினார். இதன்மூலம் கிராண்ட் மாஸ்டர் பட்டம் பெற்றார். இந்த அந்தஸ்து பெற்ற 79வது இந்திய வீரர் பிரனேஷ், தமிழகத்தில் 28வது கிராண்ட்மாஸ்டர் ஆனார். பிரனேசுக்கு இப்போது 16 வயது ஆகிறது. 5 வயது முதல் செஸ் விளையாடி வருகிறார். அவரது சொந்த ஊர் சிவகங்கை மாவட்டம் காரைக்குடி அருகே உள்ள அழகாபுரி. மகுடம் சூடி சொந்த ஊர் வந்த வீரரை மக்கள், ஆர்வலர்கள், அவரது பள்ளி நிர்வாகிகள் பூங்கொத்து கொடுத்து பாராட்டினர்.