கவர்னர் பரிந்துரையை அப்படியே ஏற்றது தமிழக அரசு

தமிழ்நாடு ஆசிரியர் கல்வியியல் பல்கலைக்கழக திட்டக் குழுவுக்கு, புதிய உறுப்பினர்களை பல்கலைக்கழக வேந்தரும் தமிழக கவர்னருமான ரவி பரிந்துரைத்தார். இதை ஏற்று உறுப்பினர்களை நியமித்தது உயர்கல்வித் துறை. அதன்படி அண்ணா பல்கலை பேராசிரியர் ரஞ்சனி பார்த்தசாரதி, எஸ்.டி.ஹிந்து கல்லுாரி இணை பேராசிரியர் வேணுகுமார், சென்னை விவேகானந்தா கல்வி அறக்கட்டளை பயிற்சி மைய முதல்வர் தீபா, சென்னை கொட்டிவாக்கம் நரசிம்மன், திண்டுக்கல் காந்திகிராமம் பல்கலை பேராசிரியர் சேதுராமன், சென்னை டி.ஏ.வி., பள்ளி குழும நிர்வாக குழு கவுரவ செயலர் விகாஸ் ஆர்யா, கோவை அவினாசிலிங்கம் பல்கலை துணைவேந்தர் பாரதி ஹரிசங்கர், தஞ்சை தமிழ் பல்கலை இணைப் பேராசிரியர் பழனிவேலு ஆகியோர் புதிய உறுப்பினர்களாக நியமிக்கப்பட்டுள்ளனர். தேசிய ஆசிரிய கல்வி கவுன்சில் பரிந்துரைப்படி பிஎட், எம்எட் படிப்புகளுக்கான பாடத்திட்டங்களை மேம்படுத்தும் பணியை இந்த திட்டக்குழு செய்யும்.