டைட்டானிக் வசூலைக் கடந்து அவதார் 2 சாதனை

ஜேம்ஸ் கேமரூன் இயக்கத்தில் 'அவதார் - த வே ஆப் வாட்டர்' படம் கடந்த வருடம் டிசம்பர் மாதம் 16ம் தேதி உலகம் முழுவதும் வெளியானது. இப்படம் தொடர்ந்து வசூலைக் குவித்து வந்தது. இரண்டு மாதங்களாக உலகின் பல்வேறு பகுதிகளில் இப்படம் இன்னமும் ஓடிக் கொண்டிருக்கிறது. தற்போது 'டைட்டானிக்' படத்தின் வசூலை முறியடித்து அடுத்த சாதனையைப் புரிந்துள்ளது. 'அவதார் 2' படம் தற்போது உலகம் முழுக்க இந்திய ரூபாய் மதிப்பில் 18,546 கோடி வசூலித்துள்ளது. 'டைட்டானிக்' படம் இதுவரை மொத்த வசூலாக 18,530 கோடி வசூலித்துள்ளது. உலக அளவில் அதிக வசூலைக் குவித்துள்ள படங்களில் 'அவதார்' முதல் பாகம் 23, 968 கோடி வசூலுடன் முதலிடத்திலும், 'அவஞ்சர்ஸ் என்ட் கேம்' படம் 22,319 கோடி வசூலுடன் இரண்டாம் இடத்திலும் உள்ளது. அவதார் 2 தற்போது மூன்றாம் இடத்தை பிடித்துள்ளது. அதேசமயம் அவதார் முதல்பாகம் மற்றும் அவெஞ்சர்ஸ் என்ட் கேம் படங்களின் வசூலை அவதார் 2 முறியடிப்பது கஷ்டமே என்கிறார்கள்.