திருமணம் எப்போது? - டாப்சி அளித்த பதில்

தமிழில் ‛ஜன கன மன' படத்தில் நடித்து வரும் டாப்சி, ஹிந்தியில் ஷாருக்கானுக்கு ஜோடியாக டுங்கி என்ற படத்தில் நடித்து வருகிறார். டாப்சியிடம் உங்களுடன் இணைந்து நடித்து வந்த ஆலியா பட், கியாரா அத்வானி, யாமி கவுதம் போன்ற பல நடிகைகள் திருமணம் செய்து கொண்டுள்ள நிலையில் நீங்கள் எப்போது திருமணம் செய்து கொள்ளப் போகிறீர்கள்? என்று கேள்வி கேட்கப்பட்டது. அதற்கு அவர், ‛‛சினிமாவில் எனக்கென்று எந்த போட்டியும் இல்லாமல் எப்போதும் போல் எனது பயணம் சிறப்பாக செல்கிறது. சினிமா வாழ்க்கை மகிழ்ச்சியாக இருக்கிறது. 9 ஆண்டுகளாக நான் காதலித்து வருவதும் தெரிந்த விஷயம் தான். இப்போதும் அவரையே காதலிக்கிறேன். திருமணம் குறித்து இன்னும் முடிவெடுக்கவில்லை. எனது முழு கவனமும் சினிமாவில் தான் உள்ளது என்று தெரிவித்திருக்கிறார் டாப்சி. நடிகை டாப்ஸி, பேட்மிட்டன் பயிற்சியாளர் மத்தியாஸ் போ என்பவரை காதலித்து வருகிறார் என்பது குறிப்பிடத்தக்கது.