பொது செய்தி

தமிழ்நாடு

கல் குவாரிகளால் புராதன சின்னங்கள் அழியும் அபாயம் : புதுக்கோட்டையில் தொடரும் அவலம்

Added : அக் 13, 2010 | கருத்துகள் (9)
Advertisement
கல் குவாரிகளால் புராதன சின்னங்கள் அழியும் அபாயம் : புதுக்கோட்டையில் தொடரும் அவலம்

புதுக்கோட்டை : புதுக்கோட்டை மாவட்டத்தில் கல் குவாரிகளில் வெடிக்கப்படும் வெடி அதிர்வுகளால், புராதன சின்னங்கள் அழியும் அபாயம் ஏற்பட்டுள்ளது.


ஓவியம் என்றாலே நினைவுக்கு வரும் சித்தன்னவாசல் அமைந்துள்ள புதுக்கோட்டை மாவட்டத்தில், ஏராளமான கற்கால குகைகள், புதைபொருள் தாழிகள், கல்வளைவுகள், நடுகற்கள் எனத் துவங்கி, சிற்பங்கள், மூலிகை ஓவியங்கள், முதல் தமிழ் மூல எழுத்துகளான பிராமி எழுத்துகள், சோழர்களின் கோவில் என, இதன் சிறப்பை உணர்த்தும் பல சிறப்பம்சங்கள் இடம் பெற்றுள்ளன. மேலும், சித்தன்னவாசல், குடுமியான்மலை, நார்த்தாமலை போன்ற புகழ் பெற்ற இடங்களும் மிகவும் பிரபலம். இத்தகைய புகழ் பெற்றுள்ள புதுக்கோட்டை மாவட்டத்தில், கல் குவாரிகளின் அத்துமீறல்களால், புராதன சின்னங்களை இழக்கும் அபாயம் ஏற்பட்டுள்ளது. தொல்லியல் சட்டங்கள், தடைகள் போன்றவை நடைமுறையில் இருந்தும், அவற்றை மதிக்காமல், கல் குவாரிகளில் எப்போதும் அதிர வைக்கப்படும் வெடிகளால், கற்கால குகைகள் மற்றும் புராதன சின்னங்களுக்கு அபாயம் ஏற்பட்டுள்ளது.


இது தொடர்பாக, சம்பந்தப்பட்ட துறை அலுவலர்களிடம் கேட்டபோது, கல் குவாரி நபர்கள் அரசியல் பக்கபலத்துடன் செயல்படுவதால், அவர்களை கட்டுப்படுத்த முடியவில்லை என, கவலையுடன் கூறினர். புதுக்கோட்டை மாவட்டத்தில், கல் குவாரிகளின் அத்துமீறல்களை தடுக்காத பட்சத்தில், புராதன சின்னங்களை புகைப்படங்களில் மட்டுமே காண வேண்டிய பரிதாபமான சூழ்நிலை ஏற்படும். அரசு உடனடியாக நடவடிக்கை எடுத்து, வரலாற்றுச் சின்னங்களை பாதுகாக்க முன்வர வேண்டும் என்பதே அனைவரது எதிர்பார்ப்பு.


Advertisement


வாசகர் கருத்து (9)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
அருணன் - Chennai,இந்தியா
14-அக்-201021:25:13 IST Report Abuse
அருணன் இந்த கோவில்கள் மற்றும் குகைகள் தமிழகத்தின் பண்டைய வரலற்றை உலகுக்கு அறிவிக்கும் சின்னங்கள். விலைமதிக்க முடியாத பொக்கிசங்கள். இதை பாதுகாக்க தெரியாத இன்றைய அறிவற்ற தமிழர்கள் பண்டைய தமிழர்களின் பெருமைக்கு அருகதை அற்றவர்கள் .
Rate this:
Share this comment
Cancel
ராஜசேகர் - சென்னை,இந்தியா
14-அக்-201017:00:18 IST Report Abuse
ராஜசேகர் யோவ் .... கொஞ்சம் நிறுத்துங்கையா... நான் இன்னும் பாக்கவே இல்ல...
Rate this:
Share this comment
Cancel
Mohan - Chennai,இந்தியா
14-அக்-201016:51:13 IST Report Abuse
Mohan இன்னும் மக்களுக்கு சுற்றுபுறத்தை பற்றி அக்கறை இருக்கிறதா? இதே நிலைமை நீடித்தால் வரும் காலம் இருண்ட காலம் தான்.
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X