பொது செய்தி

தமிழ்நாடு

சுயாதீன திருச்சபைகளின் மாமன்றம் அரசியல் கட்சிகளுக்கு நிபந்தனை

Added : பிப் 27, 2011
Advertisement

சென்னை : ""தமிழகத்தில் 'சர்ச்'கள் கட்ட சட்டப்பூர்வமாக அனுமதி வழங்க உறுதியளிக்கும் கட்சிக்கே, எங்களது 50 லட்சம் ஓட்டுக்கள் போடப்படும், '' என, இந்திய சுயாதீன திருச்சபைகளின் மாமன்ற தலைமை பேராயர் பிரகாஷ் கூறினார்.இந்திய சுயாதீன பெந்தேகொஸ்தே திருச்சபைகளின் மாமன்றம் மற்றும் அனைத்து கிறிஸ்தவ கூட்டமைப்பு, தலித், இஸ்லாமிய கிறிஸ்தவ கூட்டமைப்புகளின் சார்பில், நேற்று சென்னையில் வரும் சட்டசபைத் தேர்தலில் தங்களது நிலைப்பாடு குறித்த பத்திரிகையாளர் சந்திப்பு நடந்தது. இந்திய சுயாதீன திருச்சபைகளின் மாமன்ற தலைமை பேராயர் பிரகாஷ் கூறியதாவது:தமிழகத்தில் 25 ஆயிரம் "சர்ச்'கள் செயல்பட்டு வருகின்றன. தமிழகத்தை பொறுத்த வரை, எங்களது அமைப்புகளை சார்ந்த 70 லட்சம் பேர் வசிக்கிறோம். அதில் 50 லட்சம் பேர் ஓட்டுரிமையுடன் உள்ளோம். இருந்தும், ஆண்டுக் கணக்கில் கிறிஸ்தவர்களின் கோரிக்கைகள் நிறைவேற்றப்படாமல் உள்ளது.கிறிஸ்தவர்களின் கல்லறைக்கான இடங்கள் ஒதுக்கப்பட வேண்டும். கிறிஸ்தவ ஆலயங்கள் அமைப்பதற்கு சட்ட பூர்வமாக அனுமதி வழங்குவதில் தொடர்ந்து சிக்கல் நீடிக்கிறது.சொந்த இடம், பட்டா ஆகியவை இருந்தும் "சர்ச்'கள் கட்டுவதற்கு அனுமதி வழங்கப்படுவதில்லை. ஆகையால் தமிழகத்தில் "சர்ச்'கள் கட்டுவதற்கு சட்டப் பூர்வமாக அனுமதி வழங்க உறுதியளிக்கும் கட்சிக்கே எங்களது 50 லட்சம் ஓட்டுகள் போடப்படும். முக்கிய கோரிக்கைகளை முன் வைத்து தி.மு.க., மற்றும் அ.தி.மு.க., ஆகிய இரண்டு கட்சிகளுடனும் விரைவில் பேச்சுவார்த்தை நடத்தவுள்ளோம்.இவ்வாறு பிரகாஷ் கூறினார்.நிகழ்ச்சியில் செயலர் லெஸ்ஸி, ஆங்கிலிக்கன் திருச்சபைகளின் மாமன்ற துணை பிரதம பேராயர் சத்தியகுமார், இந்திய அப்போஸ்தல திருச்சபைகளின் மாமன்ற பிரதம பேராயர் ஜெயகுமார் உள்ளிட்டோர் பங்கேற்றனர்.


Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X