திருவெண்ணெய்நல்லூர் : திருநறுங்குன்றம் மலையில் ஜைன முனிவர்கள் குகைக்குள் உறங்கிய கற் படுக்கைகள்(சமண படுக்கைகள்) பராமரிப்பின்றி சிதிலமடைந்து காணப்படுகிறது. திருநாவலூர் ஒன்றியத்தில் உள்ள திருநறுங்குன்றம் மலையில் ஜைனர்களின் புண்ணிய ஷேத்திரமான பார்சுவநாதர் என்கிற அப்பாண்டை நாதர் கோவில் உள்ளது. இக்கோவில் கி.பி. 9ம் நூற்றாண்டில் சோழர் காலத்தில் கட்டப்பட்டுள்ளது. மூலவர் அப்பாண்டை நாதர் (நிர்வாண கோலத்தில்) உருவச்சிலை புடைப்பு சிற்பமாக மலையில் செதுக்கப்பட்டுள்ளது. ஜைன கடவுள்கள் 24 பேரில் 23 வது கடவுளாக பார்சுவநாதர் வணங்கப்பட்டு வருகிறார். முதல் கடவுளான விருஷபநாத் முதல் மகாவீரர் வரை சமண சமயத்தை போதித்தவர்களாவர். பண்டைக்காலத்தில் இக்கோவிலின் மேற்குப்பகுதியில் உள்ள குகையில் ஜைன முனிவர்கள் நிர்வாண கோலத்தில் தவம் இயற்றியுள்ளனர். இந்த குகைக்குள் 12 கற் படுக்கைகள் (சமணபடுக்கைகள்) செதுக்கப்பட்டுள்ளன. இதில் சில படுக்கைகள் உடைந்தும், சிதிலமடைந்தும் காணப்படுகிறது. இங்கு கோவில் உருவாவதற்கு முன்பு ஜைன முனிவர்கள் குகைக்குள் தவம் இயற்றியதால் இவையே கோவிலாக திகழ்ந்துள்ளதாக வரலாறு கூறுகிறது. மூலவர் பார்சுவநாதர் சிற்பத்தின் கலைப்பாணி கி.பி 9 ம் நூற்றாண்டை சேர்ந்ததாக இருக்கலாம் என கருதப்படுவதால் இங்குள்ள கற்படுக்கைகள் கி.பி. 7ம் நூற்றாண்டிலோ அல்லது 8ம் நூற்றாண்டில் உருவாக்கப்பட்டிருக்கலாம் என தெரிவிக்கப்பட்டுள்ளது. பல நூற்றாண்டை கடந்தும் சிறப்புமிக்கதாய் விளங்கிக்கொண்டுள்ள திருநறுக்குன்றம் அப்பாண்டை நாதர் கோவிலில் உள்ள கற்படுக்கைகள் (சமண படுக்கைகள்) தற்போது பராமரிப்பின்றி சிதிலமடைந்து காணப்படுகிறது. குகையின் உட்பகுதியில் சில சுவர்கள் இடியும் நிலையில் உள்ளது. இவற்றை சரி செய்ய நடவடிக்கைகள் மேற்கொண்டு கோவிலின் வரலாற்றினை பின்வரும் சந்ததியினர் தெரிந்து கொள்ள வாய்ப்புகள் ஏற்படும். அப்பாண்டைநாதர் கோவில் குகையில் உள்ள சமணப்படுக்கைகளை பாதுகாத்திட தொல்லியல்துறை அதிகாரிகளும், சமண சமய பெரியவர்களும் முயற்சி மேற்கொள்ள வேண்டும்.
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும்.
4. வாசகர்கள் தெரிவிக்கும் கருத்துக்களை, அவர்கள் நடையிலேயே எவ்வித அடித்தல், திருத்தல் இன்றி வெளியிட வேண்டும் என்றே நாங்கள் விரும்புகிறோம். அதற்கேற்ப உங்கள் கருத்துக்களை, விமர்சனங்களை நாகரிகமாக பதிவு செய்யுமாறு வேண்டுகிறோம்.
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியிடப்படுகின்றன. இருப்பினும் இந்த பகுதியில் வெளியாகும் வாசகர்கள் கருத்துக்கள் எவருடைய மனதையாவது புண்படுத்துவதாக கருதினால், அவர்கள் தங்கள் கருத்தாக அதைப் பதிவு செய்தால், அதைப் பரிசீலித்து, அந்த குறிப்பிட்ட கருத்தை தேவைப்பட்டால் திருத்தி வெளியிட உரிய முயற்சி மேற்கொள்ளப்படும். எனினும் இந்த பகுதியில் வெளியாகும் வாசகர்கள் கருத்துக்கள், அவர்களுடைய கருத்துக்களே; அதற்கு தினமலர் நிறுவனம் எந்த வகையிலும் பொறுப்பேற்க இயலாது.
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.
