மும்பையில் மூன்று இடங்களில் வெடிகுண்டு தாக்குதல்; 20 பேர் பலி

Updated : ஜூலை 13, 2011 | Added : ஜூலை 13, 2011 | கருத்துகள் (75)
Advertisement

மும்பை: மும்பையில் இன்று மாலை மூன்று இடங்களில் சக்தி வாய்ந்த வெடிகுண்டு வெடித்தது. மும்பையின் மேற்கு தாதர் பகுதியில் நிறுத்திவைக்கப்பட்டிருந்த காரில் வெடிகுண்டு வெடித்தது. இதே போல், ஜாவேரி பஜார் பகுதியில் 2வது குண்டுவெடிப்பு நிகழ்ந்தது. மூன்றாவது குண்டுவெடிப்பு தெற்கு மும்பையில் உள்ள ஓபரா ஹவுஸ் அருகே நடந்துள்ளது. அனைத்து குண்டுவெடிப்பும் மக்கள் நெரிசல் அதிகமுள்ள இடங்களிலும், பரபரப்பான நேரத்திலும் நடந்துள்ளது. இந்த குண்டுவெடிப்புகளில், 20 பேர் பலியானதாகவும், 100க்கும் அதிகமானோர் காயமடைந்துள்ளதாகவும் தகவல்கள் தெரிவிக்கின்றன. காயமடைந்தவர்கள் 4 மருத்துவமனைகளில் அனுமதிக்கப்பட்டுள்ளனர். 1993ம் ஆண்டு, இதே ஜாவேரி பஜாரில் நிகழ்ந்த குண்டுவெடிப்பில் 50க்கும் மேற்பட்டோர் பலியானது குறிப்பிடத்தக்கது. நகரில் தொடர்குண்டுவெடிப்புகள் நடத்ததப்பட இருப்பதாக போலீஸ் கண்ட்ரோல் ரூமிற்கு மர்ம அழைப்பு வந்துள்ளது. சம்பவ இடத்திற்கு தேசிய புலனாய்வு துறையினர் விரைந்துள்ளனர்.

ஜாவேரி பஜார் பகுதியில் இருந்த மீட்டர் பெட்டி ஒன்றில் மறைத்து வைக்கப்பட்டிருந்த குண்டு வெடித்துள்ளது. இதே போல், தாதர் பகுதியில் கபுதார் கானா என்ற இடத்தில் கார் ஒன்றில் வைக்கப்பட்டிருந்த குண்டுவெடித்தது. வெடிகுண்டு சம்பவத்தையடுத்து, நாடுமுழுவதும் போலீசார் உஷார் படுத்தப்பட்டுள்ளனர்.

பயங்கரவாத தாக்குதல்: மும்பையில் நடந்த குண்டுவெடிப்பு ஒரு பயங்கரவாத தாக்குதல் என உள்துறை அமைச்சகம் உறுதி செய்துள்ளது. இந்நிலையில், ஜாவேரி பஜார் பகுதியில் வெடிக்காத குண்டு ஒன்றை போலீசார் கண்டுபிடித்துள்ளனர். தாக்குதலுக்கு பயன்படுத்தப்பட்ட குண்டுகள் குறித்து ஆய்வு நடந்து வருவதாக போலீசார் தெரிவித்துள்ளனர். மும்பை குண்டுவெடிப்பைத் தொடர்ந்து டில்லியில் பாதுகாப்பு ஏற்பாடுகள் அதிகரிக்கப்பட்டுள்ளன.

Advertisement




வாசகர் கருத்து (75)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Muzibur Rahman - chennai,இந்தியா
13-ஜூலை-201123:50:16 IST Report Abuse
Muzibur Rahman மன்னிக்கமுடியாத இந்த செயல் செய்தவனை அரபு நாடுகளில் கொடுக்கும் தண்டனை போல விசாரணையை மேற்கொண்டு வுடனே தூக்கிலிட வேண்டும். இப்படி மனித உயிரையும் கொல்லும் இந்த மிருகங்களை மனிக்கக்கூடாது
Rate this:
Share this comment
Cancel
mesri - Doha,கத்தார்
13-ஜூலை-201123:49:40 IST Report Abuse
mesri கையால் ஆகாத சிதம்பரம் இருக்கும் வரை இது புதிதல்ல, இவரால் தீவிரவாதி என்று வாயில் கூட சொல்ல முடியாதவர். நாட்டின் சாப கேடு. இந்த காங்கிரஸ் ஒழியும் வரை நாம் நிம்மதியாக இறுக்க முடியாது. என்னுடைய ஆழ்ந்த அனுதாபங்கள்.
Rate this:
Share this comment
Cancel
S.Boopathi - singapore,சிங்கப்பூர்
13-ஜூலை-201123:44:28 IST Report Abuse
S.Boopathi கையாலாகாத மத்திய மன்மோகன் அரசு, எதற்கும் உதவாத ப.சி-யின் உள்துறை அமைச்சு... சீனாக்காரனும் வேலையை ஆரம்பிச்சுட்டானா அல்லது மற்ற ஊழல்களைத் திசை திருப்ப நடக்கும் சம்பவமா...???
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X