திருநங்கைகளிடம் செக்ஸ் டார்ச்சர் புகார் கிறிஸ்தவ மதபோதகர் மீது நடவடிக்கை| Dinamalar

பொது செய்தி

தமிழ்நாடு

திருநங்கைகளிடம் செக்ஸ் டார்ச்சர் புகார் கிறிஸ்தவ மதபோதகர் மீது நடவடிக்கை

Added : ஆக 01, 2010
Share

திருநெல்வேலி:திருநங்கைகளிடம் செக்ஸ் டார்ச்சர் செய்த மதபோதகர் மீது நடவடிக்கை எடுக்க போலீஸ் கமிஷனரிடம் இந்து முன்னணியினர் மனு அளித்தனர்.ஆந்திர மாநிலம் ரேணிகுண்டாவை சேர்ந்தவர் செல்வி. திருநங்கையான இவர் இதய நோயினால் அவதிப்பட்டு வந்தார். இந்நிலையில் நெல்லையை சேர்ந்த மதபோதகர் ஒருவர், திருநங்கையிடம் நீ கிறிஸ்தவ மதத்திற்கு மாறினால் உனது நோயை குணப்படுத்தி விடலாம் என கூறி நெல்லைக்கு அழைத்து வந்துள்ளார். மேலும் அவருடன் 15 திருநங்கைகளும் வந்துள்ளனர். அதன்பிறகு அவர்களை பாளை., சமாதானபுரத்தில் உள்ள ஒரு வீட்டில் தங்க வைத்துள்ளனர்.


செல்வியிடம் இருந்து ரூ.1 லட்சம் பணம் மற்றும் அவர் அணிந்திருந்த 11 பவுன் நகைகளை மதபோதகர் வாங்கி கொண்டுள்ளார். இரவு நேரத்தில் திருநங்கைகளிடம் செக்ஸ் டார்ச்சரும் செய்துள்ளார். இதனால் செல்வி உள்ளிட்ட திருநங்கைகள் அங்கிருந்து வெளியேறி போலீசில் புகார் செய்தனர். ஆனால் போலீசார் நடவடிக்கை எடுக்கவில்லை. தொடர்ந்து மத போதகர், புகாரை வாபஸ் வாங்கச் சொல்லி திருநங்கைகளை மிரட்டியுள்ளார். செல்விக்கு கொலை மிரட்டலும் விடுத்ததாக தெரிகிறது.இதைக் கண்டித்து நெல்லை மாவட்ட இந்து முன்னணி தலைவர் பாலாஜி கிருஷ்ணசாமி, பேச்சாளர் காந்திமதிநாதன், வக்கீல் பிரிவு செயலாளர் குற்றாலநாதன், துணைத்தலைவர் வெட்டும் பெருமாள், மண்டல தலைவர் ஆறுமுகம், கணேசபாண்டி, சந்திரன் ஆகியோர் போலீஸ் கமிஷனரை சந்திந்து மனுக் கொடுத்தனர். அந்த மனுவில் மத போதகர் மீது நடவடிக்கை எடுக்கவேண்டும் என குறிப்பிட்டுள்ளனர்.


Advertisement


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X