மேற்குவங்கத்தவர் பிச்சைக்காரர்கள் அல்ல: மத்திய அரசு மீது மம்தா பாய்ச்சல்

Updated : டிச 04, 2012 | Added : டிச 04, 2012 | கருத்துகள் (8)
Share
Advertisement
மேற்குவங்கத்தவர் பிச்சைக்காரர்கள் அல்ல: மத்திய அரசு மீது மம்தா பாய்ச்சல்

புரூலியா:மேற்கு வங்க மாநிலத்தவர்களை மத்திய அரசு புறக்கணிக்கிறது. நாங்கள் ஏழையாக இருக்கலாம் ஆனால் பிச்சைக்காரர்கள் அல்ல என முதல்வர் மம்தா பானர்ஜி கூறினார். சில்லரை வர்த்தகத்தில் அன்னிய முதலீட்டிற்கு எதிர்ப்பு தெரிவி்த்து, மத்திய அரசுக்கு அளித்து வந்த ஆதரவினை கடந்த செப்டம்பர் மாதம் திரிணாமுல் காங். விலக்கிக் ‌கொண்டது. இதையடுத்து அக்கட்சி நடந்து கொண்டிருக்கும் பார்லிமென்ட் குளிர்கால கூட்டத்தொடரின் போது, பிரதமர் மன்மோகன் அரசுக்கெதிராக நம்பிக்கையில்லா தீர்மானம் கொண்டு வந்தது. போதிய பலம் இல்லாததால் தோல்வியடைந்தது. மம்தாவின் கோரிக்கையை எதிர்க்கட்சிகள் ஆதரிக்கவில்லை.இந்நிலையில் மேற்குவங்க மாநிலம் புரூலியா மாவட்டத்தில் திரிணாமுல் காங். சார்பில் நடந்த நிகழ்ச்சி ஒன்றில் கலந்து கொண்டு முதல்வர் மம்தா பானர்ஜி பேசியதாவது:மேற்குவங்க மாநில மக்களை மத்திய அரசு தொடர்ந்து புறக்கணித்து வருகிறது. விவசாயத்திற்கு தேவையாக உதவிகளை செய்யாமல் மாற்றாந்தாய் மனப்பான்மையுடன் செயல்படுகிறது.
நாங்கள் பிச்சைக்காரர்கள் அல்ல:எங்கள் மாநில விவசாயிகளுக்கு ‌தேவையான மின்சாரம், நீர்ப்பாசனம் போன்ற திட்டங்களுக்கான நிதியினை ஒதுக்காமல் ஓரவஞ்சனை செய்கிறது. மேற்குவங்க மாநிலத்தவர்கள் ஏழைகளாக இருக்கலாம் , ஆனால் நாங்கள் பிச்சைக்காரர்கள் அல்ல. மத்திய அரசிடம் உதவி கேட்பதற்கு எங்களுக்கு எல்லா வகையிலும் உரிமை உண்டு. எனினும் நான் முதல்வராக பதவியேற்ற கடந்த ஒன்றரை ஆண்டுகளில், மத்திய அரசின் உதவியை எதிர்பார்க்காமல் வளர்ச்சித்திட்டங்களை நிறைவேற்றி வருகிறேன்.
பின்தங்கிய மாவட்டங்களில் சூப்பர் ஸ்பெசலிட்டி மருத்துவமனைகள், 12 மாதிரி பள்ளிகள், ஐ.ஐ.டி.க்களை துவக்கியுள்ளேன். எதிர்க்கட்சிகளுக்கு நான் சவால்விடுகிறேன், தேர்தலின் போது நான் அளித்த வாக்குறுதிகளை தொடர்ந்து நிறைவேற்றி வருகிறேன். இதில் நான் பொய்யான தகவல் அளித்தால் என்மீது அவதூறு வழக்கு தொடரலாம். ‌பொய்யான தகவலைஅவர்களால் நிரூபிக்க முடியுமா. இவ்வாறு மம்தா பானர்ஜி பேசினார்.

Advertisement


வாசகர் கருத்து (8)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
E.DHANASEKARAN - TRICHY,இந்தியா
04-டிச-201217:09:47 IST Report Abuse
E.DHANASEKARAN communistgal ஆண்ட எந்த மாநிலமும் உருப்படல ,கேரளா ,மேற்கு வங்கம் .மம்தா அவர்களின் குரலில் கம்பீரம் தெரிகிறது ,அவரிடம் தெளிவான சிந்தனை இருக்கிறது ,தனது மாநில மக்களுக்காக போராடும் குணம் அவரை கட்டாயம் ஒரு நாள் வெற்றி அடைய செய்யும் .தமிழக அம்மா காவேரி பிரச்சினைக்கு இது போல் ஒரு முறை குரல் கொடுங்க ?
Rate this:
Cancel
mirudan - kailaayam,இந்தியா
04-டிச-201212:16:42 IST Report Abuse
mirudan மத்திய அரசு மாநிலங்களுக்கு சரி சமமாக வருவாய் பகிர்ந்து கொடுக்க வேண்டும், மம்தா மேடம் சிங்கம் தான்
Rate this:
Cancel
பகட்டுவான் - Chennai,இந்தியா
04-டிச-201211:17:48 IST Report Abuse
பகட்டுவான் தீதி. பிச்சை காரர்கள் அல்ல. நல்ல உழைப்பாளிகள். ஆனா ரொம்ப பேரு வங்காள தேசத்தில் இருந்து திருட்டு தனமாக வந்தவர்கள். இவர்கள் எல்லாம் ஒருநாள் நாடு கேட்டு பிரச்சினை செய்வார்கள் பாருங்கள்.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X