அரசியல் செய்தி

தமிழ்நாடு

புதிய கட்சிகளை ஒருங்கிணைத்து கூட்டணி கருணாநிதி தயார்

Added : டிச 13, 2012 | கருத்துகள் (129)
Share
Advertisement
சென்னை:""தமிழகத்தில் உள்ள மதசார்பற்ற கட்சிகளையும், தி.மு.க., கூட்டணியில் தற்போது இல்லாத கட்சிகளையும் ஒன்றிணைத்து, ஒரு பலமான கூட்டணியை அமைக்கும் முயற்சியில், மதசார்பற்ற கட்சிகள் ஈடுபட்டால், அதனை நாங்கள் ஊக்கப்படுத்துவோம்,'' என, தி.மு.க., தலைவர் கருணாநிதி கூறினார்.சென்னையில் அவரது பேட்டி:இம்மாதம், 18ம்தேதி, மின்வெட்டை கண்டித்து, நடக்கும் அறப்போர் ஆர்ப்பாட்டம், அமைதி
 புதிய கட்சிகளை ஒருங்கிணைத்து கூட்டணி கருணாநிதி தயார்

சென்னை:""தமிழகத்தில் உள்ள மதசார்பற்ற கட்சிகளையும், தி.மு.க., கூட்டணியில் தற்போது இல்லாத கட்சிகளையும் ஒன்றிணைத்து, ஒரு பலமான கூட்டணியை அமைக்கும் முயற்சியில், மதசார்பற்ற கட்சிகள் ஈடுபட்டால், அதனை நாங்கள் ஊக்கப்படுத்துவோம்,'' என, தி.மு.க., தலைவர் கருணாநிதி கூறினார்.

சென்னையில் அவரது பேட்டி:இம்மாதம், 18ம்தேதி, மின்வெட்டை கண்டித்து, நடக்கும் அறப்போர் ஆர்ப்பாட்டம், அமைதி போராட்டமாக இருக்கும். சட்ட ஒழுங்குக்குக் கட்டுப்பட்டு, ஆர்ப்பாட்டங்கள் நடத்தப்படும்.குக்கிராமங்களில் கூட கட்சி கொடிகளோடும், கட்சியினர் இந்தப் போராட்டங்களில், ஆங்காங்கு ஈடுபடுவர். சென்னையில் நடைபெறும், அறப்போர் ஆர்ப்பாட்டத்தில், நான் கலந்து கொள்வது பற்றி, இன்னும் முடிவு செய்யவில்லை.

மத்தியில் இருக்கும் மின்சாரத்தை, தென்கோடியில் உள்ள ஒரு மாநிலத்திற்குக் கொண்டு வருவதென்றால், அதற்கான ஏற்பாடுகள் எல்லாம் செய்யப்பட்டிருக்க வேண்டும். அந்த ஏற்பாடுகளை, உடனடியாக செய்து விட முடியாது.தமிழகத்தின் நலனுக்காக, மத்திய அரசிடம், இந்த ஏற்பாடுகளை செய்யுமாறு வலியுறுத்த, தி.மு.க., தயாராக இருக்கிறது.

லோக்சபா தேர்தலில், மதவாதக் கட்சிகள் ஆட்சிக்கு வருவதைத் தடுக்க, தமிழகத்தில் உள்ள மதசார்பற்ற கட்சிகளையும், தி.மு.க., கூட்டணியில், தற்போது இல்லாத கட்சிகளையும் ஒன்றிணைத்து, ஒரு பலமான கூட்டணியை அமைக்கும் முயற்சியில், மதச்சார்பற்ற கட்சிகள் ஈடுபட்டால், அதனை நாங்கள் ஊக்கப்படுத்துவோம்.இவ்வாறு, கருணாநிதி கூறினார்.

மின்வெட்டை கண்டித்து 18ம் தேதி ஆர்ப்பாட்டம் * தி.மு.க., செயற்குழு முடிவு

சென்னை:"மின்வெட்டை கண்டித்து, தமிழகம் முழுவதும், இம்மாதம் 18ம் தேதி, ஆர்ப்பாட்டம் நடத்தப்படும்' என, தி.மு.க., செயற்குழுக் கூட்டத்தில் தீர்மானம் நிறைவேற்றப்பட்டது.சென்னை அறிவாலயத்தில், தி.மு.க., தலைவர் கருணாநிதி தலைமையில், கட்சியின் செயற்குழுக் கூட்டம் நேற்று நடந்தது. பொதுச் செயலர் அன்பழகன், பொருளாளர் ஸ்டாலின் உட்பட பலர் கலந்து கொண்டனர்.

கூட்டத்தில் நிறைவேற்றப்பட்ட தீர்மானங்கள்:
இலங்கை தமிழர்கள், அரசியல் வாழ்வுரிமைகளை குறித்த கோரிக்கைகளை, ஐ.நா., சபையிலும், இலங்கை அரசை எச்சரிக்கும் வகையில், மத்திய அரசு, முக்கிய பங்காற்றி, இலங்கை தமிழர்களின் உரிமையை மீட்டெடுக்க முன்வர வேண்டும்.சில்லரை வணிகத்தில், அன்னிய முதலீட்டை, தி.மு.க., எந்தக் காலத்திலும் ஏற்காது. வால்மார்ட் நிறுவனம், தமிழகத்தில் எந்த வகையிலும் நுழைந்து விடாமல், இருப்பதற்கான முயற்சியில் தமிழக அரசு ஈடுபட வேண்டும்.

காவிரி விவகாரத்தில், தமிழக அரசு, அனைத்துக் கட்சித் தலைவர்கள் கூட்டத்தைக் கூட்டி முடிவெடுக்க வேண்டும். சட்டம் - ஒழுங்கு சீர்கேட்டால், தமிழகமே இருண்ட பூமியாகக் காட்சியளிக்கிறது.ஆட்சியினர் மீதும், குறிப்பாக போலீஸ் துறையின் மீதும் வந்துள்ள புகார்கள் மீது, முறையான விசாரணை நடத்தி, நடவடிக்கை எடுக்க வேண்டும்.டெங்கு, சிக்குன்-குனியா போன்ற காய்ச்சல்கள் ஏற்படாமல் தடுக்கவும், அந்தக் காய்ச்சல்களால் பாதிக்கப்பட்டவர்களுக்கு உடனடி சிகிச்சை வழங்கவும், நடவடிக்கைகளை எடுக்க வேண்டும்.

மின்வெட்டை கண்டித்து, இம்மாதம், 18ம் தேதி, மாவட்ட தலைநகரங்கள், நகர, ஒன்றிய, பேரூராட்சி போன்ற பகுதிகளில் ஆர்ப்பாட்டம் நடத்தப்படும்.இவ்வாறு தீர்மானத்தில் குறிப்பிடப்பட்டுள்ளது.மறைந்த முன்னாள் பிரதமர் குஜ்ரால், முன்னாள் அமைச்சர்கள் வீரபாண்டி ஆறுமுகம், சமயநல்லூர் செல்வராஜ் உட்பட, 14 பேரின் மறைவுக்கு இரங்கல் தெரிவிக்கப்பட்டது.

Advertisement


வாசகர் கருத்து (129)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
sankar - trichy,இந்தியா
15-டிச-201202:01:37 IST Report Abuse
sankar எல்லோரும் சேர்ந்து ஒருவரை தலைமை தாங்க சொல்வார்கள். கட்டு மரம் கொஞ்சம் வித்தியாசம். நான் தலைமை தாங்க ரெடி அல்லாரும் ஓடியாங்க ஓடியாங்க , நீங்க ஆணி புடுங்க வேண்டாம் என்றுதான் மக்கள் வீட்டில் ஒக்கார வைத்துள்ளார்கள்
Rate this:
Cancel
venkat - ngr,இந்தியா
14-டிச-201219:21:56 IST Report Abuse
venkat இவருக்கு பிரயோஜனம் இல்லாமல் எதையும் செய்யமாட்டார்
Rate this:
Cancel
rajaram avadhani - Tiruchy,இந்தியா
14-டிச-201218:18:17 IST Report Abuse
rajaram avadhani முதலில் அறுபதாண்டு பொது வாழ்க்கை அனுபவத்தை கொண்டு "மத சார்பற்ற" என்பதன் பொருளை வெலாவாரியா சொல்ல முடியுமா? பிறகு யோசிக்கலாம் கூட்டணியை பற்றி மக்களை முட்டா ........என்று நெனசீங்களா?
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X