இலவச வீடு கேட்ட எம்.எல்.ஏ., எங்கே?

பதிவு செய்த நாள் : செப் 18, 2021
Advertisement
 
 
Advertisement
Advertisement
 
dinamalar-advertisement-tariff-2018
 
Advertisement
 இலவச வீடு கேட்ட எம்.எல்.ஏ., எங்கே?


இலவச வீடு கேட்ட எம்.எல்.ஏ., எங்கே?


மொபைல் போனை சில வினாடிகள்

'சீரியசாக' பார்த்த அந்தோணிசாமி, ''உதார் விட்ட உதய்னு 'டிரெண்டிங்' பண்ணி கலாய்ச்சிருக்காங்க...'' என விவாதத்தை ஆரம்பித்தார்.

''அவர் ராஜா வீட்டு கன்னுக்குட்டியாச்சே... அவரைப் போய் யாருவே கிண்டல் பண்றது...'' எனக் கேட்டார், அண்ணாச்சி.

''நீட் தேர்வுக்கு பயந்து, மேட்டூர் மாணவர் தனுஷ் தற்கொலை பண்ணிக்கிட்டாரே... உடனே, அவர் வீட்டுக்கு போன உதயநிதி, குடும்பத்தினருக்கு ஆறுதல் சொல்லிட்டு வந்தாருங்க... அதுக்கு அப்புறமும், அரியலுார்ல ஒரு மாணவி, வேலுார்ல ஒரு மாணவின்னு ரெண்டு பேரு தற்கொலை பண்ணக்கிட்டாங்க...

''தேர்தல் பிரசாரத்துல உதயநிதி பேசினப்ப, 'தி.மு.க., ஆட்சி அமைந்த உடனே, நீட் தேர்வு ரத்து செய்யப்படும்'னு சொன்னார்... அந்த 'வீடியோ கிளிப்பிங்கை', அ.தி.மு.க., மற்றும் பா.ஜ., கட்சிகளின் ஐ.டி., அணி தரப்பினர் வெளியிட்டு, 'உதார் விட்ட உதய்... நீட் தேர்வு ரத்து எங்கே'ன்னு தலைப்பிட்டு சமூக வலைதளங்கள்ல பரப்பிட்டாங்க...

''இது, 'டிரெண்டிங்ல நம்பர் ஒன்' இடத்தை பிடிச்சிருக்குதுங்க...'' என, முடித்தார்
அந்தோணிசாமி.

''அரசு வக்கீல்கள் நியமனம் இழுபறியாவே இருக்குது பா...'' என, அடுத்த தகவலுக்கு மாறினார் அன்வர்பாய்.''எந்த மாவட்டத்துல வே...'' எனக் கேட்டார், அண்ணாச்சி.''மதுரை மாவட்டத்துல 30க்கும் மேற்பட்ட நீதிமன்றங்கள் இருக்குது...
''இதுல, பல நீதிமன்றங்களுக்கு இன்னும் அரசு வக்கீல்கள் நியமிக்கலை பா... குறிப்பா, மாவட்ட அமர்வு நீதிமன்றத்துல, 'பப்ளிக் பிராசிக்யூட்டர் பதவி நிரப்பப்படாம கிடக்குது...

''மதுரை தி.மு.க.,வுல அமைச்சர்கள் மூர்த்தி, தியாகராஜன், முன்னாள் அமைச்சர் பொன் முத்துராமலிங்கம், எம்.எல்.ஏ., தளபதின்னு பல கோஷ்டிகள் இருக்குது பா... ஒவ்வொருத்தரும், தங்களுக்கு வேண்டியவங்களை தலைமைக்கு சிபாரிசு செய்திருக்காங்க...

''தலைமை எந்த முடிவும் எடுக்காம இருக்கிறதால, அ.தி.மு.க., ஆட்சியில நியமிக்கப்பட்ட பி.பி., தான், இன்னும் அந்த பொறுப்புல இருக்காரு பா...'' என, முடித்தார் அன்வர்பாய்.

''இலவசமா வீடு கேட்டவர் எங்க போனார்னு கேக்கறா ஓய்...'' என்றார் குப்பண்ணா.

''விளக்கமா சொல்லுங்க...'' என்றார் அந்தோணிசாமி.
''காஞ்சிபுரம் வேகவதி ஆற்றை ஆக்கிரமித்து குடியிருந்தவாளுக்கு, போன அ.தி.மு.க., ஆட்சியில குடிசை மாற்று வாரியம் சார்புல, வேற பகுதிகள்ல வீடு தந்தா... அப்ப, 'பயனாளிகள் 1.50 லட்சம் ரூபாய் பங்களிப்பு நிதி தரணும்'னு சொன்னா ஓய்...

''காஞ்சிபுரம் தி.மு.க., - எம்.எல்.ஏ., எழிலரசன், இதுக்கு கடுமையா எதிர்ப்பு தெரிவிச்சு, இலவசமா வீடுகளை வழங்கணும்னு சொன்னார்... இப்ப, ஆட்சி மாறி, குடிசை மாற்று வாரிய துறை அமைச்சரான, தா.மோ.அன்பரசன், 'பயனாளிகள் கட்டாயம் 1.50 லட்சம் தந்தாகணும்'னு திட்டவட்டமா சொல்லிட்டார் ஓய்...

''இதனால, திருடனுக்கு தேள் கொட்டின கதையா, எழிலரசன், 'சைலன்ட்' ஆகிட்டார்... அ.தி.மு.க.,வினரோ, 'இலவச வீடு கேட்ட எம்.எல்.ஏ., எங்க போனார்'னு தொகுதி முழுக்க கேட்டுண்டு இருக்கா ஓய்...'' என்றார் குப்பண்ணா.பேச்சு முடியவே, பெரியவர்கள் கிளம்பினர்.

Advertisement

இதையும் தவறாமல் படிங்க ...



வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X