ராஜ்யசபா சீட்டுக்கு பேரம் பேசும் கட்சிகள்!

பதிவு செய்த நாள் : ஜன 16, 2019
Advertisement
 
 
Advertisement
 
 
Advertisement
ராஜ்யசபா சீட்டுக்கு பேரம் பேசும் கட்சிகள்!

''ஓசி டிக்கெட்டுகளை, மொத்தமா அமுக்கிட்டு போயிட்டாருங்ணா...'' என்றபடியே, பெஞ்சில் அமர்ந்தார் கோவை, கோவாலு.''யாரு வே அது...'' எனக் கேட்டார் அண்ணாச்சி.''ரஜினி நடிச்ச, பேட்ட படம் வெளியாகி ஓடிட்டு இருக்கே... சென்னை, கோயம்பேடு ஏரியாவுல இருக்கிற ஒரு தியேட்டர்ல இருந்து, அந்தப் பகுதி போலீஸ் அதிகாரிக்கு, 100 இலவச டிக்கெட்டுகளை அனுப்புனாங்ணா... ''டிக்கெட்டுகளை, ஸ்டேஷன்ல வேலை பார்க்கிற எல்லாருக்கும் பகிர்ந்து குடுப்பார்னு பார்த்தா, அதிகாரி, ஒட்டுக்கா மொத்த டிக்கெட்டுகளையும் அள்ளிட்டு போயிட்டார்... அட, அதாவது பரவாயில்லைங்ணா...''போலீசாரிடம், 'யாரும் தியேட்டர்ல போய், ஓசி டிக்கெட் கேட்டு தொந்தரவு தரப்படாது'ன்னு உத்தரவு வேற போட்டுட்டாராம்... இதனால, சக போலீசார் எல்லாம், அதிகாரி மேல கடுப்புல இருக்காங்ணா...'' என்றார் கோவாலு.''ஜான்சுந்தர் வாரும்... சூடா ஒரு டீ அடியும்...'' என்ற அண்ணாச்சியே, ''500 ரூபாய் பொங்கல் பரிசை வாங்க, அடிதடியாகி போயிட்டுல்லா...'' என, அடுத்த விஷயத்திற்கு வந்தார்.''எங்கங்க...'' என, விசாரித்தார் அந்தோணிசாமி.''மதுரை புறநகர் மாவட்ட, அ.தி.மு.க., செயலரா இருக்கிறவர், ராஜன் செல்லப்பா... இவர், கட்சியில கிளைச் செயலர் முதல் மாவட்ட நிர்வாகிகள் வரை, எல்லாருக்கும், சமீபத்துல பொங்கல் பரிசு குடுத்தாரு வே... அதாவது, 200 ரூபாய் பிளாஸ்டிக் வாளியில, பச்சரிசி, புழுங்கல் அரிசி, வெல்லம், தலா, 2 கிலோ, முந்திரி, ஏலக்காய்னு, 300 ரூபாய் மதிப்பு பொருட்களை போட்டு குடுத்தாரு...''மொத்தம், 5,000 வாளிகளை, ராஜன் செல்லப்பாவோட, எம்.எல்.ஏ., அலுவலகத்துல வச்சு, அவரே, எல்லாருக்கும் பட்டுவாடா செஞ்சாரு... இதை வாங்க, கட்சிக்காரங்க, நான் நீன்னு முண்டியடிக்க, ஒரே தள்ளுமுள்ளா போயிட்டு வே... ''அப்புறமா போலீசாரை வரவழைச்சு தான், வாளிகளை குடுத்தாவ... 'இருந்தாலும், 500 ரூபாய் பொருளுக்கு, இப்படியா அடிச்சுக்குவாங்க'ன்னு, பொதுமக்கள் தலையில அடிச்சுட்டே போனாவ வே...'' என, முடித்தார் அண்ணாச்சி.''ராஜ்யசபா,எம்.பி., சீட்டுக்கும் சேர்த்து தான், பேரம் பேசுறாங்க பா...'' என, கடைசி விஷயத்திற்கு வந்தார் அன்வர்பாய்.''எந்தக் கட்சியில ஓய்...'' எனக் கேட்டார் குப்பண்ணா.''எல்லா கட்சிகள்லயும் தான் பா... அ.தி.மு.க., தலைமையில, பா.ஜ., - பா.ம.க., - தே.மு.தி.க., - த.மா.கா., கட்சிகள் கூட்டணி அமைக்க முயற்சிகள் நடந்துட்டு இருக்கு... தொகுதி பங்கீடுல சீட் எண்ணிக்கை குறைஞ்சா, ராஜ்யசபா, எம்.பி., சீட் ஒண்ணு குடுத்துடுங்கன்னு கேட்டுட்டு இருக்காங்களாம்... ''அதே மாதிரி தான், தி.மு.க., கூட்டணியிலயும், காங்கிரஸ் கட்சிக்கு ஒரு ராஜ்யசபா சீட் தர்றதுக்கு, ஏற்கனவே சம்மதம் குடுத்துட்டாங்க... அதே நேரம், இந்த ரெண்டு முக்கிய கட்சிகள்லயும், ராஜ்யசபா சீட்டுக்காக, பல ஆண்டுகளா தவம் இருக்கிற சீனியர்கள் பலர், விரக்தியில இருக்காங்க பா...'' என, முடித்தார் அன்வர்பாய்.

பெரியவர்கள் கிளம்ப, பெஞ்ச் மவுனமானது.

Advertisement

இதையும் தவறாமல் படிங்க ...



வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X