கடலுாரில் வேகமாக கரையும், அ.ம.மு.க., | Special Articles | Special Reports | Special Interest News | News Comment | Science News | TV Shows news | General News

கடலுாரில் வேகமாக கரையும், அ.ம.மு.க.,

பதிவு செய்த நாள் : ஜன 24, 2019
Advertisement
 கடலுாரில் வேகமாக கரையும், அ.ம.மு.க.,

''பணம் வாங்கலேன்னா, சினிமா பார்க்க மாட்டேன்னு, அடம் பிடிச்சாருங்க...'' என, முதல் தகவலுடன் பெஞ்ச் விவாதத்தைத் துவக்கினார் அந்தோணிசாமி.''யாரு வே...'' எனக் கேட்டார் அண்ணாச்சி.''ரஜினி நடிச்ச,பேட்டபடத்தின் டைரக்டர், கார்த்திக் சுப்புராஜோட அப்பா தான்... இவரு பேரு, கஜராஜ்... மதுரையில இருக்காரு... அடுக்குமாடி குடியிருப்புல வசிக்கிறாரு... குடியிருப்புகாரங்க,பேட்டபடம் பார்க்கணும்ன்னு, இவருகிட்டே கேட்டிருக்காங்க...''இவரும், ரசிகர் மன்றம் வழியா, அங்குள்ள தியேட்டருல, முதல் வகுப்புல, ௧௫௦ டிக்கெட் வாங்கச் சொல்லி இருக்காரு... ரசிகர் மன்றக்காரங்க, இதுக்கு பணம் வாங்கிக்க மறுத்தாங்க...''உடனே, 'பணம் வாங்கிக்கிட்டா, நானும் டிக்கெட் வாங்கிக்குவேன்... இல்லேன்னா, படமே பார்க்க மாட்டோம்'ன்னு, செல்லமா கோவிச்சிக்கிட்டாரு... உடனே, பணத்தை வாங்கிக்கிட்டாங்க... குடியிருப்புகாரங்களும் படம் பார்த்துட்டாங்க...'' எனக் கூறி முடித்தார்அந்தோணிசாமி.''பிரதான கோரிக்கைகளையும், பெரிய பெரிய குறைகளையும், தேர்தல் அறிக்கையாக, பயன்படுத்த திட்டமிட்டிருக்காங்க வே...'' என, அடுத்த தகவலுக்கு மாறினார்,பெரியசாமிஅண்ணாச்சி.''யாருங்ணா...'' எனக் கேட்டார் கோவை, கோவாலு.''துாத்துக்குடி லோக்சபா தொகுதியில, 12 நாட்கள்ல, 47 ஊராட்சியில நடந்த கிராம சபைக் கூட்டங்கள்ல, தி.மு.க., மகளிர் அணி மாநில செயலர்,கனிமொழி கலந்துக்கிட்டாங்கல்ல... அப்போது, கிராமம்கிராமமா, மக்கள் கேட்கிற நலத்திட்டங்களையும், முக்கிய கோரிக்கைகளையும், குறைகளையும் குறிப்பெடுத்துக்கிட்டாங்க...அப்படியே அதை லோக்சபா தேர்தல் அறிக்கையில சேர்த்துரலாம்ன்னு முடிவு செஞ்சிட்டாங்க வே...'' என்றார்அண்ணாச்சி.''கடலுார்ல கட்சி கரைஞ்சுண்டே வரது ஓய்...'' என, கடைசி மேட்டருக்கு மாறினார் குப்பண்ணா.''என்னங்ணா சொல்றீங்க... எந்த கட்சி...'' எனக் கேட்டார் கோவாலு.''அ.ம.மு.க., கட்சியைச் சொல்றேன்... அ.தி.மு.க.,வுல, ஜெ., மறைவுக்குப் பின்ன, கடலுார் மாவட்டத்துல சில பேர், தினகரன் ஆதரவாளரா மாறினா... சசிகலா ஜெயிலுக்கு போனப்போ, போராட்டம் நடத்தினா... அப்போ, சில பேர் சிறைக்கு போனா...''தினகரன், அ.ம.மு.க., கட்சி துவங்கினப்போ, மீதம் இருந்த சில பேருக்கு பதவி கிடைச்சுது... ஆனா, அவாள்ல நிறைய பேரை, இப்போ, கட்சிலேர்ந்து துாக்கிட்டா... காரணமே சொல்லலே...''அதனால, அதை நிர்வகிக்க ஆளே இல்லே... இருக்கிற சில தொண்டர்கள் எல்லாம், எப்படி வேலை செய்யறதுன்னு தெரியாம திண்டாடறா ஓய்...'' என்றார் குப்பண்ணா.நண்பர்கள் நடையைக் கட்டினர்; பெஞ்ச் காலியானது!

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X