* ராமருக்காக இலங்கை மீது படையெடுக்க முயன்ற ஆழ்வார் குலசேகராழ்வார்.
* வளர்பிறையை சுக்கில பட்சம் என்றும், தேய்பிறையை அமரபட்சம் அல்லது கிருஷ்ணபட்சம் என்றும் குறிப்பிடுவர்.
* பஞ்ச சபைகளில் வெள்ளியம்பலம் எனப்படும் தலம் மதுரை.
* சிவபெருமானின் கோலங்களில் ஒன்றான பிட்சாடனரை 'பிச்சை பெருமான்' என்றும் சொல்வர்.
* சதுரகிரி மலையில் மகாலிங்கத்தைப் பிரதிஷ்டை செய்த முனிவர் அகத்தியர்
* முருகப்பெருமானுக்கு ஆறுமுகங்கள், பன்னிரண்டு கைகள். பதினெட்டு கண்கள். அவரது ஒவ்வொரு முகத்திலும் ஒரு நெற்றிக்கண் உண்டு.
* சுக்ரீவன் என்பதற்கு 'நல்ல கழுத்தைக் கொண்டவன்' என்பது பொருள்.
* வேதத்தில் லட்சுமியைப் போற்றும் பகுதி ஸ்ரீசூக்தம்.
* பெருமாள் கோயில்களில் தென்மேற்கு மூலையில் மகாலட்சுமித்தாயார் சன்னதி இருக்கும்.
* அகத்திய முனிவர் மகாலட்சுமி மீது பாடியது லட்சுமி பஞ்சகம்
* ஏழுமலையானை மணந்த பத்மாவதி அருள்புரியும் தலம் திருச்சானுார்
* நாடாளும் மன்னரின் கிரீடத்தில் இருப்பவள் மகுட லட்சுமி
* லட்சுமியின் பெயர்களில் ஒன்றான 'ஹரிணி' என்பதற்கு 'மான் போன்றவள்' என்பது பொருள்.
* அஷ்டலட்சுமிகளில் மன்னர் போஜராஜனுக்கு அருள்புரிந்தவள் தைரிய லட்சுமி
* கல்வியில் சிறக்க அருள்புரியும் விநாயகர் வித்யா கணபதி.
* விநாயக புராணத்தின் ஆசிரியர் கச்சியப்ப சிவாச்சாரியார்
* கபில முனிவர் விநாயகர் மீது பாடிய நுால் காரியசித்தி மாலை.
* உணவில் விருப்பம் மிக்கவர் என்பதால் விநாயகரை போஜனப்பிரியர் என்பர்
* விநாயகரின் மனைவியர் சித்தி, புத்தி
* விநாயகர் வீற்றிருந்து அருளும் உலகம் ஆனந்த லோகம்.
Copyright © 2022 Dinamalar - No.1 Tamil website in the world. Designed and Hosted by Web Division,Dinamalar. | Contact us