அனைத்தும் காலங்களே தருகின்றன
ஆகஸ்ட் 04,2022,12:13  IST

* நீ என்னதான் முயன்றாலும், தகுந்த காலம் வந்தால் மட்டுமே வெற்றி பெறமுடியும்.
* தேவையிருக்கும் இடம் சென்று உதவி செய்தலே, ஆட்சி செய்வோர் அறிய வேண்டியது.
* பிரதிபலன் பாராமல் பிறருக்கு உதவி செய். நிச்சயம் அது தக்க சமயத்தில் கைகொடுக்கும்.
* நல்லவருக்கு செய்யும் உதவி, கல்லின் மேல் எழுத்தை செதுக்குவது போன்றது.
* இளமையில் வறுமையும், முதுமையில் செல்வமும் பெற்றால் துன்பமே.
* உனது விதியில் என்ன எழுதியுள்ளதோ அதுதான் கிடைக்கும்.
* கல்வியின் பயனே ஆதிப்பொருளாய் நிற்கும் கடவுளை உணர்வதாகும்.
* நீ முற்பிறவியில் செய்த நல்வினை, தீவினை பொறுத்தே உனது வெற்றி அமையும்.
* இதைச்செய் என்று சொல்லும் முன்பே, உன் குறிப்பறிந்து செயலாற்றும் குழந்தைகள் அமிர்தம் போன்றவர்கள்.
* பிறர் செய்யும் கெடுதலை அப்படியே விட்டுவிடு. அதுதான் உயர்ந்த செயல்.
* பொருளை சேர்க்காமல், இருப்பதை செலவிட்டால் துன்பத்தில் முடியும்.
* எதையும் நிதானமாக செய்தால், செயலானது முழுமை பெறும்.
* கோபம் சீக்கிரமாக தணிந்துவிட வேண்டும். இல்லையேல் அது சண்டையில் முடியும்.
* சொன்ன சொல்லை காப்பாற்றுவதே, கல்வி கற்றதற்கு அழகு.

சொல்கிறார் அவ்வையார்

புதிய செய்திகளுக்கு தினமலர் சேனலை Subscribe செய்யுங்கள்
Advertisement
மேலும் ஆன்மிக கட்டுரைகள்
Advertisement

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X