சொன்னால் போதும் பலன் உண்டு
செப்டம்பர் 23,2022,09:54  IST

ஸப்தகிரி என்னும் பெயரைச் சொன்னால் போதும் பலன் உண்டு என்கிறது புராணம். அது என்ன ஏழு மலைகளைக்குறிக்கிறது என்பது பற்றி தெரிந்து கொள்வோமா...
1. (கலியுகம்)வேங்கடாத்ரி - வேம் என்றால் பாவம். கட என்றால் நாசமாகும் இடம். வேங்கடம் என்ற சொல்லுக்கு பாவங்களைச் சுட்டெரித்தல் என பொருள். எனவே வேங்கடாத்ரி என பெயர் பெற்றது.
2. சேஷாத்ரி - மகாவிஷ்ணுவின் அவதாரத்தின் பொருட்டு ஆதிசேஷன் இங்கு மலை உருவில் தோன்றினான் எனவே சேஷாத்ரி என்ற பெயர் விளங்களாயிற்று.
3. வேதாத்ரி - நான்கு வேதங்களும் மலை உருவில் பெருமாளை வழிபடுவதால் வேதாத்ரி, வேதகிரி எனப்பெயர் பெற்றது.
4. (கிருதயுகம்)கருடாத்ரி - திருமால் வாகனமாகிய கருடன் எம்பெருமான் அவதாரத்தின் பொருட்டு எடுத்து வந்து இங்கு வைத்துள்ளதால் இது கருடாத்ரி ஆனது.
5. (திரேதாயுகம்)விருஷபாத்திரி - விருஷபாசுரன் என்ற அசுரனுக்கு இம்மலையில் தான் திருமால் மோட்சம் கொடுத்தார். அவன் வேண்டுகோளுக்கு இணங்கி விருஷபாத்ரி என பெயர் பெற்றது.
6. (துவாபரயுகம்)அஞ்சனாத்ரி - அனுமனின் தாயான அஞ்சனை. அவள் இந்த மலையில் தவம் செய்தாள். மகப்பேறு வேண்டினாள். ஆதிவராக மூர்த்தி அருளால் அனுமனைப் பெற்றாள். அதனால் அவளுடைய பெயரால் அஞ்சனாத்ரி என பெயர் வந்தது.
7. ஆனந்தாத்ரி - ஆதிசேடன், வாயு தேவன் இருவரில் யார் பெரியவர் என தனது பலத்தை காட்டி பெருமாளின் திருவருளால் ஆனந்தமுற்றார்கள் ஆதலால் ஆனந்தாத்ரி ஆயிற்று.

புதிய செய்திகளுக்கு தினமலர் சேனலை Subscribe செய்யுங்கள்
Advertisement
மேலும் ஆன்மிக கட்டுரைகள்
Advertisement

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X