கேளுங்க சொல்கிறோம்!

* பொய்சாட்சி குறித்து ஆன்மிகம் என்ன சொல்கிறது?ப.மூர்த்தி, பெங்களூருநரகத்திற்கு தள்ளி விடும் கொடிய பாவம் இது. ஆனால் இதில் விதிவிலக்கும் உண்டு. செய்யாத குற்றத்திற்கு நல்லவன் ஒருவன் தண்டனைக்கு ஆளாகும் போது பொய் சொல்வதில் தவறில்லை என வள்ளுவரே சொல்லி உள்ளார்.தர்ப்பணம், குலதெய்வ வழிபாடு செய்யாவிட்டால் பரிகாரம் உண்டா?மைதிலி, அச்சிறுப்பாக்கம்பரிகாரம் கிடையாது. சூழ்நிலை, பணச்செலவு என சிரமம் பார்க்காமல் தர்ப்பணம், வழிபாட்டை செய்வது அவசியம்.செலவைக் குறைக்க சகோதரிகளுக்கு ஒரே முகூர்த்தத்தில் திருமணம் நடத்தலாமா?என்.பி.லட்சுமி, மதுரைகூடாது. ஒரே நாளில் அடுத்தடுத்து வரும் இரண்டு முகூர்த்தங்களில் நடத்தலாம்.எளிமையாக திருமணத்தை நடத்துங்கள்.கற்சிலைகளை வீட்டு பூஜையறையில் வழிபடலாமா?ர.ரேவதி, விழுப்புரம்வழிபடலாம். தினமும் அபிஷேகம், அரிசிச்சோறு படைப்பது அவசியம்.* மணிவிழா எப்போது நடத்தலாம்? நாள் கடந்தால் என்ன செய்யலாம்?எஸ்.பத்மா, சென்னைபிறந்த தமிழ் ஆண்டு, மாதம், நட்சத்திரம் மூன்றும் அறுபதாவது வயது முடிந்ததும் ஒன்று சேரும். இந்நாளில் மணிவிழா நடத்துவர். உரிய நாளில் நடத்த வில்லை எனில், அடுத்து வரும் தமிழ் மாதத்தில் வரும் பிறந்த நட்சத்திரத்தன்று சாந்தி பரிகாரம் மட்டும் செய்யலாம்.தீயவழியில் செல்லும் கணவரைத் தடுக்க வழியுண்டா?கவிதா, மதுரைஉங்கள் கணவரை விட்டு எப்போதும் பிரிந்து இருக்காதீர். உங்கள் அன்பு ஒன்றே அவரை கட்டுப்படுத்தும். தம்பதியாக மதுரை மீனாட்சியம்மன், சொக்கநாதரை வழிபடுங்கள். கோயிலை ஐந்து முறை வலம் வாருங்கள். மயூர பந்தம் என்பதன் பொருள் என்ன?ஆர்.பிரியா, கோவைபாடல்களை குறிப்பிட்ட வடிவங்களில் அமைத்து பாடுவது கவிபந்தம். மயில் வடிவில் எழுத்து மாறாமல் வரிகளை சரியாக அமைப்பது மயூர பந்தம். இதுபோல ரதம், ரிஷபம், லிங்கம், கமலம் என பலவிதங்கள் உண்டு. வருஷாபிஷேகம் என்றால் என்ன?பா.காவ்யஸ்ரீ, கோவைகுறிப்பிட்ட கோயிலின் பிறந்த நாளை 'வருஷாபிஷேகம்' என்பர். கும்பாபிஷேகம் நடத்திய நாளில் இதை ஆண்டுதோறும் நடத்துவதால், கோயிலின் தெய்வீக சக்தி அதிகரிக்கும்.