கேளுங்க சொல்கிறோம்!

வீட்டில் மீன் தொட்டி வைக்கலாமா?பி.ஆர்.காளீஸ்வரன், திண்டுக்கல்சுதந்திரமாக நீந்தும் மீன்களை தொட்டியில் வளர்ப்பது சரியல்ல. மீன் வளர்ப்பதால் வாஸ்து தோஷம் நீங்கும் என்ற மூடநம்பிக்கையில் நாம் உள்ளோம். கோயில் குளத்தில் உள்ள மீன்களுக்கு பொரி வாங்கிக் கொடுங்கள். புண்ணியம் கிடைக்கும்.புதுமணத் தம்பதிகள் காசி, ராமேஸ்வரம் செல்லலாமா?வி.சேதுராமன், சென்னைபுதுமணத் தம்பதிகள் ஓராண்டு வரை செல்லக்கூடாது.* துவார பாலகர் யார்? அவரை வழிபடுவது ஏன்?சி.சசிகலா மயிலாப்பூர், சென்னை'துவாரம்' என்பது சன்னதியின் வாசல். இதனைக் காப்பவர் துவார பாலகர். இவரிடம் அனுமதி பெற்ற பின்னரே சன்னதிக்குள் செல்ல வேண்டும்.* புதைந்து கிடக்கும் கற்சிலைகளை பிரதிஷ்டை செய்யலாமா?எஸ்.கோவிந்தராஜன் கோவைபழங்காலச் சிலைகள் நம் கலை, பண்பாட்டை உணர்த்தும் பொக்கிஷம். புதையுண்ட சிலைகளைத் தொல்லியல் துறையிடம் ஒப்படைத்து, அரசு அனுமதியுடன் பிரதிஷ்டை செய்யலாம். மிகுந்த சேதம் இருந்தால் பிரதிஷ்டை செய்ய வேண்டாம்.கோபத்தைக் குறைக்க என்ன பரிகாரம் செய்யலாம்?கே.ராஜலட்சுமி கள்ளக்குறிச்சிஏகாதசியன்று விரதமிருந்து, பெருமாளை வழிபடுங்கள். மனசாட்சிக்கு மதிப்பு கொடுங்கள். பிறரிடம் உள்ள குறைகளை மன்னிக்கப் பழகுங்கள்.ஹோமம், யாகம், வேள்வி - ஒரே பொருளைக் குறிக்கிறதா?எஸ்.மாணிக்கவள்ளி, மதுரைஆம்.