கேளுங்க சொல்கிறோம்

வி.பாஸ்கரன், வடவள்ளி, கோயம்புத்துார். *குடியிருக்கும் வீட்டின் மீது கோபுர நிழல் விழலாமா?கோபுர நிழல் விழக் கூடாது. மீறினால் எதிர்மறை விளைவு ஏற்படும். நிழல் விழும்படி வீட்டை கட்ட வேண்டாம். ஆர்.ராமசாமி, வடுகபட்டி, தேனி. *துாறல் விழும் நேரத்தில் வாசல் பெருக்கலாமா?பெருக்கலாம். வாசலில் தண்ணீர் தெளிப்பதற்கு இயற்கையும் உதவுதே என எண்ணுங்கள். எஸ்.கிஷோர், பப்பன்கிலேவ், டில்லி. *அறியாத வயதில் சில தவறுகள் செய்தேன். முதுமையில் பாதிப்பு வருமா?தவறை எண்ணி வருந்துவதே தக்க பரிகாரம் தான். புனித நதிகள், கடல்களில் நீராடி பிராயச்சித்தம் தேடினால் பாதிப்பு குறையும்.எம்.சுஜாதா, திருத்தணி, திருவள்ளூர்.*வழியில் பார்க்கும் கோயிலை செருப்புக்காலுடன் நின்று வழிபடலாமா?செருப்பணிந்து வழிபடக் கூடாது.என்.நர்மதா, பெங்களூரு. *வேண்டுதலுக்காக எடுத்து வைத்த காணிக்கை எந்தக் கோயிலுக்கு நேர்ந்தது எனத் தெரியவில்லை. என்ன செய்யலாம்? பரவாயில்லை. குலதெய்வம் கோயிலுக்கு அந்தக் காணிக்கையை செலுத்துங்கள். என்.ராஜி, சேரன்மகாதேவி, திருநெல்வேலி. *கிரிவலத்தின் போது சர்க்கரை நோயாளிகள் செருப்பு அணியலாமா?முடியாத சூழ்நிலையில் செருப்பை அணிந்து கிரிவலம் வந்தாலும் தவறில்லை.கே.ராகவி, மேலுார், மதுரை. *பசுக்களை சிலர் உணவுக்காக தெருவில் அலைய விடுகிறார்களே...பசுக்களை முறையாக பராமரிக்காவிட்டால் பாவம் சேரும். எஸ்.வசந்தி, திருவட்டார், கன்னியாகுமரி. *ஹ்ரீம் என்பதன் பொருள் என்ன?ஆற்றலை அதிகரிக்கச் செய்யும் மந்திரம் இது. இதை பெரியோரிடம் உபதேசமாக கேட்பது நல்லது. த.நேரு, வெண்கரும்பூர், கடலுார். *நல்ல நேரத்தில் குழந்தை பிறக்க அறுவை சிகிச்சை செய்வது இயற்கைக்கு முரணானது தானே?நல்ல நேரத்தில் பிறக்க வேண்டும் என அறுவை சிகிச்சை செய்வது கூடாது.எஸ்.லட்சுமி, சென்னை.*கோயிலில் விளக்கேற்ற நெய்தான் பயன்படுத்தணுமா? இல்லை. சுத்தமான நெய் கிடைக்காவிட்டால் நல்லெண்ணெய்யில் விளக்கேற்றுங்கள்.