கேளுங்க சொல்கிறோம்

வி.மூர்த்தி, சுசீந்திரம், கன்னியாகுமரி. *மகான்களுக்கு சக்தி அதிகமாமே... ஆம். தவசக்தி, தொண்டு மூலம் தெய்வ நிலைக்கு உயர்ந்தவர்கள் மகான்கள். மகான்களின் ஜீவசமாதியில் வழிபட்டால் தெய்வீக அலைகள் நம்மைச் சுற்றி பரவும். பி.மனோகர், வடவள்ளி, கோயம்புத்துார்.*சிவனுக்கு எத்தனை வடிவங்கள் உண்டு?சிவனுக்கு 64 வடிவங்கள் உண்டு. அவற்றில் முக்கியமானவை 25. சிவபராக்கிரமம் என்னும் நுாலில் இது பற்றிக் கூறப்பட்டுள்ளது.சி.சுப்பையா, திருத்தங்கல், விருதுநகர்.*திருப்பணி என்ற பெயரில் சிலர் போலியாக வசூலிக்கிறார்களே...அப்படிப்பட்டவர்களுக்கு பணம் கொடுக்காதீர்கள். கடவுளின் தண்டனையில் இருந்து அவர்கள் ஒருநாளும் தப்ப முடியாது. ஏ.கவிதா, திருச்செந்துார், துாத்துக்குடி.*நிர்மால்ய தரிசனம் என்றால் என்ன?அதிகாலை 5:00 - 6:00 மணிக்குள் பள்ளியறையில் இருந்து சன்னதிக்கு சுவாமி எழுந்தருள்வார். இதை நிர்மால்ய அல்லது விஸ்வரூப தரிசனம் என்பர்.வி. தருண்குமார், டில்லி.*சுவாமிக்கு சாத்திய வேட்டியை நாம் உடுத்தலாமா?உடுத்தலாம். உரிய பணத்தை செலுத்தி அதை பெறுவது நல்லது. த.நேரு,வெண்கரும்பூர். கடலுார். *பூணுால் அணிவதை புறக்கணித்தால் தோஷம் ஏற்படுமா?பரம்பரை வழக்கமான குலதெய்வ வழிபாடு, பூணுால் அணிதல், திருநீறு, திருமண் பூசுதல் போன்ற மரபுகளை பின்பற்றுவது அவசியம். இல்லாவிட்டால் தெய்வக் குற்றம் ஏற்படும். எஸ்.ரவி, ராமமூர்த்தி நகர், பெங்களூரு.*பிரசாத கவர்களில் சுவாமி படங்களை அச்சடிக்கிறார்களே... அதை குப்பையில் வீசலாமா?பிரசாத கவர் மட்டுமின்றி எல்லா பொருட்களிலும் சுவாமி படங்கள் இடம் பெறுகின்றன. அவற்றின் மீது கால்மிதி படாதபடி பார்த்துக் கொள்ளுங்கள். ஆர்.மகேந்திரன், திருத்தணி, திருவள்ளூர்.*பஞ்சாங்கத்தின்படி 'யோகம்' என்றால் என்ன?வானில் 27 நட்சத்திரங்களும், வாரத்தில் ஏழு கிழமைகளும் உள்ளன. இந்த நட்சத்திரங்களுடன் இணையும் கிழமையைப் பொறுத்து 'யோகம்' அமையும். அவை சித்த யோகம், அமிர்தயோகம், மரணயோகம்.