மார்கழித்திங்கள்... மதிகொஞ்சும் நாளே

* மாதங்களில் மார்கழியை தேவர்களின் மாதம், தனுர்மாதம் என குறிப்பிடுவர். * ஆண்டாள் இம்மாதம் முழுதும் விரதம் இருந்து தான் பெருமாளை கணவனாக அடையும் பெருமையை பெற்றாள். * ஸ்ரீவில்லிபுத்துாரில் நீராட்டு, தைலக்காப்பு விழா இம்மாதத்தில் விமரிசையாக நடைபெறும்.* வைணவத்திருக்கோயில்கள் தோறும் இராப்பத்து பகல்பத்து உற்ஸவம் சிறப்பாக கொண்டாடப்பெறும். * சிதம்பரம், ஆவுடையார் கோயில், மதுரை, திருநெல்வேலி, குற்றாலம் போன்ற புகழ்பெற்ற சிவத்தலங்களில் மாணிக்கவாசகர் திருவெம்பாவை உற்ஸவம் சிறப்பாக பத்துநாட்கள் நடைபெறும். விழாவின் பத்தாம் நாள் நடைபெறுவதே திருவாதிரை திருநாள்.* கிராமங்கள் தோறும் திருவாதிரை, வைகுண்ட ஏகாதசியாகிய இத்திருநாட்கள் வெகுவிமரிசையாக கொண்டாடப்பெறும். * திருக்கோயில்களில் திருப்பாவை, திருவெம்பாவை பாடல்கள் அதிகாலையில் ஒலிபெருக்கி மூலம் ஒலிபரப்பப்படும்* திருப்பதியில் இம்மாதம் முழுவதும் சுப்ரபாதத்திற்கு பதிலாக திருப்பாவை ஒலிக்கும்.