உள்ளூர் செய்திகள்

சொல்லுங்க தெரிஞ்சுக்கிறோம்

* மாரிக்காலமான மழைக்காலம் கழிந்து வரும் மார்கழி மாதத்திற்கு 'தனுர் மாதம்' என்ற பெயரும் உண்டு. * ஆண்டாள் அருளிய திருப்பாவையும், மாணிக்கவாசகர் கொடுத்த திருவெம்பாவையும் தோன்றிய தெய்விக மாதம். * கடவுளை வணங்குவதற்கு என்றே உருவான மாதம் என்பதால், இதில் சுபநிகழ்ச்சி நடத்துவதில்லை. * வாசல்தோறும் அழகியக் கோலங்களும், வீதிதோறும் பக்திப்பாடல்களும் ஒலிக்கும் உன்னத மாதம். * அழகிய தமிழால் அரங்கனை துதித்த ஆண்டாள் விரதமிருந்த புண்ணிய மாதம். * சொல்லின் செல்வன் என போற்றப்படும் அனுமன் பிறந்த மாதம் இது. * சிவபெருமானுக்குரிய திருவாதிரைத் திருவிழா பெருமாளுக்குரிய வைகுண்ட ஏகாதசியும், கொண்டாடப்படும் மாதம். * இம்மாதத்தில் அதிகாலை நீராடி கடவுளின் நாமத்தை ஒரு முறை ஜபித்தாலே, கோடி முறை ஜபித்த புண்ணியம் கிடைக்கும். * பகவான் கிருஷ்ணரே 'மாதங்களில் நான் மார்கழியாக இருக்கிறேன்' என்று கூறியுள்ளார். இந்த அற்புதமான மார்கழியில் கடவுளை மனமார துதித்து மகிழ்ச்சியான வாழ்வினை வாழ்வோம்.