தண்ணீரை சேமிப்பதும் விவசாயம்தான்

தண்ணீரை சேமிப்பதும் விவசாயம் தான் என, அழகு மலர் சாகுபடி செய்யும், படப்பை பகுதியைச் சேர்ந்த விவசாயி, ராஜேஷ் முத்தா தெரிவித்தார். அவர் கூறியதாவது: வயல் மற்றும் நிலங்களை சுற்றிலும், சீமைக்கருவேல மரங்களை அகற்றினால், நிலத்தடி நீரை எளிதாக சேமிக்க முடியும்.நிலத்தடி நீரை, எதிர்கால சந்ததியினருக்கு, நாம் சேமிப்பதும், ஒரு வித வருவாய் கிடைக்கும் விவசாயம் தான்.குறிப்பாக, பண்ணை குட்டை அமைக்கும் போது, பாசனத்திற்கு தேவையான சொட்டு நீர் மற்றும் தெளிப்பு நீர்ப்பாசனம் போக, மறைமுகமாக நிலத்தடி நீரை சேமிக்கலாம். அலங்கார செடிகளுக்கு, தெளிப்பு நீர் பாசனம் இருந்தால் போதும். அந்த தெளிப்பு நீர்ப் பாசன கருவியில், இயற்கையான மருந்துகளை கலந்து தெளிக்கலாம். அலங்கார செடிகளில் இருந்து கிடைக்கும் பூக்களை, 'பொக்கே' தயாரித்து எற்றுமதி செய்தால், நெல்லில் கிடைக்கும் வருவாயைவிட இரட்டிப்பாக கிடைக்கும். இவ்வாறு அவர் கூறினார்.தொடர்புக்கு: 92821 06865