மழைக்காலத்தில் கால்நடைகளை தாக்கும் கிளாஸ்டிரிடியம் பாக்டீரியா

தமிழகத்தில் தென் மேற்கு பருவமழை துவங்கியுள்ளது. வட கிழக்கு பருவமழையும் தொடரவுள்ளது. இக்காலங்களில் கால்நடைகளை 'கிளாஸ்டிரிடியம்' எனும் பாக்டீரியாக்கள் தாக்க வாய்ப்புண்டு. கருங்கால் நோய் அல்லது சப்பை நோய் கிளாஸ்டிரிடியம் காவாய் என்ற வகை பாக்டீரியா கிருமிகளினால் உண்டாகிறது.மழைக் காலத்துக்கு பின்னர் ஈரப்பதம் மற்றும் வெப்பம் நிலவுகின்ற காலகட்டத்தில் இந்நோய் எளிதாக பரவும். ஆறு மாதம் முதல் இரண்டு வயது வரை உள்ள கால்நடைகள் இந்நோயினால் அதிகம் பாதிப்படையும் சூழ்நிலைகள் உருவாகும்.கால்நடைகளின் தொடை, தோள்பட்டை மற்றும் சதை அதிகமாயுள்ள பிற பகுதிகளில் கிளாஸ்டிரிடியம் பாக்டீரியா நோய் கிருமிகள் எண்ணிக்கையில் பெருகும் போது அச்சதைப் பகுதிகள் செயலற்ற நிலைக்கு தள்ளப்படும்.நோயின் பாதிப்பால் நடக்க முடியாமல் நொண்டுகின்றன. பின்னர் காய்ச்சல் உருவாகி, தொடை தோள்பட்டை, இடுப்பு பகுதிகள் வீக்கம் தோன்றும். அந்த வீக்கம் உள்ள பகுதிகளை கைகளால் அழுத்திப்பார்த்தால் நறநறவென சத்தம் கேட்பதை உணரலாம். இப்பகுதிகளில் கிருமிகளால் ஏற்பட்ட நச்சானது உடலின் பல்வேறு பகுதிகளுக்கு சென்றடைவதால் கால்நடைகள் முடிவில் இறந்து விடும்.தடுப்பூசிகருங்கால் நோய் வராமல் தடுக்க மழைக்காலம் ஆரம்பமாவதற்கு முன்பே தடுப்பூசி போட வேண்டும். முதல் தடுப்பூசியை கால்நடைகளின் ஆறு மாத வயதிலும், பின்னர் தொடர் நடவடிக்கையாக ஆண்டுக்கு ஒருமுறையும் போடுவதே கால்நடைகளுக்கு உகந்தது.- டாக்டர். வி.ராஜேந்திரன்இணை இயக்குனர்கால்நடை பராமரிப்புத்துறை.94864 69044.