பயிர் சுழற்சியும் வேளாண் உத்தியே

பல பகுதிகளில் நீர் வசதி உள்ளவர் கூட ஒரு பயிருக்கு அடுத்து அதே பயிரை தேர்வு செய்து நடும் போது மகசூல் குறையும். பூச்சி நோய்களால் கடும் சேதமும் ஏற்படுவதை தெரிந்தே உள்ளனர். முதல் பயிர் 6 டன், அடுத்த பயிர் 4 டன் என்று ஏன் மகசூல் வருகிறது. குறைவான மகசூல் போதும் என்று இவர்கள் நினைக்கலாம். ஆனால் ஒரு பகுதியில் ஒரே பயிர் தொடர்ந்து சாகுபடி செய்வதால் உணவு சங்கிலித் தொடர் பராமரிப்பதால் பல்வேறு பூச்சி, நோய்களின் உற்பத்தி மையமாக அந்த வயல் உருமாறுகிறது. முதல் பயிருக்கு காட்டும் அக்கறையை அடுத்த பயிருக்கு காட்டிட இயலாத சூழல் வருவதும் ஒரு காரணம்.பொதுவாக ஒரு தானிய பயிருக்கு அடுத்து பயறு வகை பயிர் சாகுபடி மூலம் நல்ல காசு பார்க்க வழி உள்ளது என்பதை விட மண்ணின் சத்துக்களை ஒரேயடியாக பயிர்கள் எடுக்காத சூழலில் நீடித்த வேளாண்மைக்கு வழி ஏற்படுகிறது. பயிறு வகை பயிர்கள் வேர் முடிச்சுகள் மூலம் தழைச்சத்து சேர்ப்பவை என்பதை விட குறைந்த நீர்த்தேவையும் அதிக வருமானம் பெற உதவுகின்றன. வளம் குறைந்த மண்ணில் தொடர்ந்து அதிக சத்து தேவைப்படும் பயிர்கள் சாகுபடியை தவிர்த்து பயிர் சுழற்சியில் ஒரு பசுந்தாள் உரப் பயிரை கூட விதைத்து ஒரு மாதம் கழித்து மடக்கி உழவு செய்யலாம்.கொளுஞ்சி, தக்கைப்பூண்டு, சணப்பை இவற்றில் ஏதேனும் ஒன்று அல்லது கொள்ளு, நரிப்பயறு முதலிய மிக குறைந்த நீரில் வளர உகந்த பயிர்களை தேர்வு செய்யலாம். குறிப்பாக களர் மண் அல்லது உவர் மண் பகுதிகளில் மிகவும் நெருக்கமாக தக்கைப்பூண்டு ஒரு ஏக்கருக்கு 20 கிலோ என்ற அளவில் விதைத்து ஒரு மாத பயிரை மடக்கி உழவு செய்து மண்ணில் வளர உள்ள பலவிதை களைகளையும் பெருகாமல் தடுக்கலாம். பயிர் சாகுபடி இல்லை என சுணங்கி இருக்காமல் தம் தோட்டத்துக்கு தேவையான மண் புழு உர உற்பத்தியை மேற்கொள்வது சிறந்தது.- டாக்டர் பா.இளங்கோவன்வேளாண் துணை இயக்குனர், தேனி.98420 07125