அதிகப்படியான உணவை மாவுகளுக்கு தரக்கூடாது

மாடுகளின் வயிறு உப்பசத்தை தடுப்பது குறித்து, ஏனாத்துார் உழவர் பயிற்சி நிலைய உதவி பேராசிரியர், ஆர்.கோபி கூறியதாவது:புரதச்சத்து நிறைந்த, பயறு வகை, தானியம், நன்றாக மாவு போன்ற அரைக்கப்பட்ட தீவனம், சமைக்கப்பட்ட அரிசி சாப்பாடு, திருவிழா காலங்களில், பொங்கல் மற்றும் கூழ் கொடுக்கும் போது, மாடுகளுக்கு, வயிறு உப்பசம் ஏற்படும்.இது போன்ற நேரத்தில், மாடுகள் இறக்கவும் நேரிடும். இதை தவிர்க்க, முதலில் மாடுகளுக்கு விளக்கெண்ணெய் அளித்து, உரிய கால்நடை மருத்துவரை அணுகலாம்.மேலும், 50 சதவீதத்திற்கு மேல், புரதச்சத்து நிறைந்த தீவனம், அரிசி சாதம், அரைக்கப்பட்ட தீவனங்களை கண்டிப்பாக தவிர்க்க வேண்டும்.இது போன்று செய்தால், மாடுகள் இறப்பை தவிர்த்து, வருவாய் ஈட்டுவதற்கு வழி வகுக்கும்.இவ்வாறு, அவர் கூறினார்.தொடர்புக்கு: 75300 52315