கம்பு சாகுபடியில் கம்பீரமான வருவாய்

கம்பு சாகுபடி குறித்து, திருத்தணி அடுத்த, பட்டாபிராமபுரம் கிராமத்தைச் சேர்ந்த, ஜி.கணேசன் கூறியதாவது:சிறு தானிய பயிர்களில் ஒன்றான கம்பை, அனைத்து பருவ காலங்களிலும் பயிரிடலாம்; குறைந்த நீர் பாசனம் இருந்தால் போதும்.ஒரு ஏக்கரில், கம்பு சாகுபடி செய்தால், மூன்று மாதங்களுக்கு பின், 10 ஆயிரம் ரூபாய் வருவாய் கிடைக்கும்.நான், 3 ஏக்கரில் சாகுபடி செய்துள்ளேன். மூன்று மாதம் கழித்து, 30 ஆயிரம் ரூபாய் வரையில், வருவாய் ஈட்டுகிறேன். மாத வருவாய் கணக்கு பார்க்கும் போது, 10 ஆயிரம் ரூபாய் கிடைக்கிறது.நெல்லுக்கு செலவிடும் செலவினங்களை விட கம்பு சாகுபடிக்கு குறைவு தான். வருவாயும் நன்றாக கிடைக்கிறது. கம்பை சுத்தம் செய்து, மதிப்பு கூட்டிய மாவு பொருளாக தயாரித்து, விற்பனை செய்தால், கூடுதல் வருவாய் கிடைக்கும்.இவ்வாறு அவர் கூறினார்.தொடர்புக்கு: 97874 06744