எலுமிச்சையில் பேரான் சத்து பற்றாக்குறை

பேரான் சத்து பற்றாக்குறை நோய் அறிகுறிகளாக இலைகள் முதிரா நிலையிலேயே வாடிவிடும். இலையின் மேல் நீர் போன்ற புள்ளிகள் காணப்படும். புதர் போன்ற தோற்றத்தை அளிக்கும். இலைகள் சுருண்டு காணப்படும். பழங்களில் பசை போன்ற புள்ளிகள் மற்றும் கட்டியாகவும் இருக்கும். இயல்பான வடிவம் இல்லாமல் பழங்கள் சிறியதாக இருக்கும் கட்டுப்படுத்தும் முறை: போராக்ஸ் 5 கிராம் / ஒரு லிட்டர் தண்ணீர் என்ற அளவில் தழை தெளிப்பாக தெளிக்கவும். கரைசல் எலுமிச்சம் பிஞ்சு, காய் மற்றும் பழங்களின் மீது நன்கு பரவி படிவதற்காக சாண்டோவிட், இன்டரான் போன்ற வேளாண்மைக்கான திரவ சோப்பு கரைசல்களின் ஏதேனும் ஒன்றினை ஒரு லிட்டர் தண்ணீருக்கு அரை மில்லி வீதம் சேர்த்து கலக்கி கொண்டு பயன்படுத்த வேண்டும்.- டாக்டர் இரா. விமலாதலைவர், பருத்தி ஆராய்ச்சி நிலையம்ஸ்ரீவில்லிபுத்துார்.