மாநகராட்சியின் 12 வார்டுகளில் இன்று இடைத்தேர்தல் பா.ஜ., - ஆம் ஆத்மி இடையே கடும் போட்டி

புதுடில்லி: டில்லி மாநகராட்சியில் காலியாக உள்ள, 12 வார்டுகளுக்கான இடைத்தேர்தலில் இன்று காலை 7:30 மணி முதல் மாலை 5:30 மணி வரை ஓட்டுப்பதிவு நடக்கிறது. ஓட்டுக்கள் டிச.,3ம் தேதி எண்ணப்பட்டு உடனுக்குடன் முடிவுகள் அறிவிக்கப்படுகின்றன. டில்லி மாநகராட்சியில் முண்ட்கா, ஷாலிமர் பாக் - பி, அசோக் விஹார், சாந்தினி சவுக், சாந்தினி மஹால், துவாரகா - பி, டிச்சான் கலன், நரைனா, தக் ஷின்புரி, சங்கம் விஹார், கிரேட்டர் கைலாஷ், வினோத் நகர் ஆகிய 12 வார்டுகளில் கவுன்சிலர் பதவி காலியாக இருக்கின்றன. இதில், ஒன்பது வார்டுகள் பா.ஜ.,விடமும், மூன்று வார்டுகள் ஆம் ஆத்மியிடமும் இருந்தன. ஷாலிமர் பாக் - பி வார்டு கவுன்சிலராக இருந்த ரேகா குப்தா, சட்டசபைத் தேர்தலில் போட்டியிட்டு வென்றார். ராஜினாமா அதைத் தொடர்ந்து, டில்லி முதல்வராகவும் பதவியேற்றார். அதேபோல், பா.ஜ., மற்றும் ஆம் ஆத்மி கவுன்சிலர்களாக இருந்தவர்கள் லோக்சபா மற்றும் சட்டசபைத் தேர்தலில் வெற்றி பெற்றதால், கவுன்சிலர் பதவியை ராஜினாமா செய்தனர். காலியாக உள்ள 12 வார்டுகளுக்கு இன்று இடைத்தேர்தல் நடக்கிறது. காலை 7:30 மணி முதல் மாலை 5:30 மணி வரை ஓட்டுப்பதிவு நடக்கிறது. பா.ஜ., ஆம் ஆத்மி, காங்கிரஸ் மற்றும் சுயேச்சை என, 26 பெண்கள் உட்பட 51 வேட்பாளர்கள் போட்டியிடுகின்றனர்.மொத்தம் 143 இடங்களில் 580 ஓட்டுச் சாவடிகள் அமைக்கப்பட்டு உள்ளன. மொத்தம் 2,320 தேர்தல் அலுவலர்கள், 2,265 பணியாளர்கள் நியமிக்கபட்டுள்ளனர். பாதுகாப்புப் பணிக்கு 580 ஊர்க்காவல் படையினர் மற்றும் மத்திய ஆயுதக் காவல் படையின் 13 கம்பெனிகள் அமர்த்தப்பட்டுள்ளனர். அனைத்து ஓட்டுச்சாவடிகளிலும் கண்காணிப்புக் கேமராக்கள் பொருத்தப்பட்டு உள்ளன. பாதுகாப்பு ஓட்டுப்பதிவு முடிந்தவுடன் ஓட்டுப்பதிவு இயந்திரங்கள், 'சீல்' வைக்கப்பட்டு ஓட்டு எண்ணும் மையங்களில் மூன்றடுக்கு பாதுகாப்புடன் வைக்கப்படும். ஓட்டு எண்ணிக்கை டிச.,3ம் தேதி காலை 8:00 மணிக்கு துவங்குகிறது. டில்லியில் 10 ஆண்டுகளாக ஆட்சியில் இருந்த ஆம் ஆத்மி, இந்த ஆண்டு பிப்ரவரியில் நடந்த சட்டசபைத் தேர்தலில் பா.ஜ.,விடம் தோல்வி அடைந்தது. மொத்தம் உள்ள 70 தொகுதிகளில் 48 தொகுதிகளை பா.ஜ., கைப்பற்றியது. ஆம் ஆத்மி 22 தொகுதிகளில் மட்டுமே வெற்றி பெற்று, எதிர்க்கட்சி வரிசைக்கு சென்றது. காங்கிரஸ் ஒரு தொகுதியில் கூட வெற்றி பெறவில்லை. அதேபோல, டில்லி மாநகராட்சியிலும் பெரும்பான்மையுடன் இருந்த ஆம் ஆத்மியிடம் இருந்து, மேயர் மற்றும் துணை மேயர் பதவியை பா.ஜ., கைப்பற்றியது. இந்நிலையில் நடக்கும் 12 வார்டுகளுக்கான இடைத்தேர்தலில் பா.ஜ.,வுக்கும் ஆம் ஆத்மிக்கும் இடையே கடும் போட்டி நிலவுகிறது. இடைத்தேர்தல் நடக்கும் 12 வார்டுகளில் 9 இடங்கள் பா.ஜ., வசம் இருந்தன. மீதி மூன்று வார்டுகளை ஆம் ஆத்மி வைத்திருந்தது. தன்னுடைய ஒன்பது வார்டுகள் மட்டுமின்றி, ஆம் ஆத்மியிடம் இருந்த மூன்று வார்டுகளையும் கைப்பற்ற திட்டமிட்டு பா.ஜ., அதிதீவிர பிரசாரத்தை நடத்தி முடித்துள்ளது. செல்வாக்கு அதேநேரத்தில், தன்னுடைய மக்கள் செல்வாக்கு குறையவில்லை என்பதை நிரூபிக்க, ஆம் ஆத்மியும் வீடுவீடாக சென்று மக்களைச் சந்தித்துள்ளது. பா.ஜ., எட்டு வார்டுகளில் பெண் வேட்பாளர்களை களம் இறக்கியுள்ளது. ஆம் ஆத்மி - 6, காங்கிரஸ் - 5 பெண்களுக்கு வாய்ப்பு அளித்துஉள்ளன. சட்டசபை மற்றும் டில்லி மாநகராட்சியில் இடம்பெறாத காங்கிரஸ் கட்சி இழந்த தன் செல்வாக்கை இந்த இடைத்தேர்தலில் மீட்டு விட வேண்டும் என துடிப்புடன் களம் இறங்கியுள்ளது. டில்லியில் பா.ஜ., செல்வாக்கு அதிகரித்து வரும் நிலையில், மாநகராட்சி இடைத்தேர்தல் மிகுந்த எதிர்பார்ப்பை ஏற்படுத்திஉள்ளது. முக்கியக் கட்சிகளின் வேட்பாளர்கள் வரிசை எண் வார்டு பா.ஜ., ஆத்மி காங்கிரஸ் 1 முண்ட்கா ஜெய்பால் சிங் சரல் அனில் லக்ரா முகேஷ் 2. ஷாலிமர் பாக் - பி அனிதா ஜெயின் பபிதா அலாவத் சரிதா குமாரி 3. அசோக் விஹார் வீணா அசிஜா சீமா விகாஸ் கோயல் விசாகா ராணி 4. சாந்தினி சவுக் சுமன் குமார் குப்தா ஹர்ஷ் சர்மா அஜய் குமார் ஜெயின் 5. சாந்தினி மஹால் சுனில் சர்மா முதாசிர் உஸ்மான் குரேஷி குன்வர் ஷெசாத் அஹமது 6. துவாரகா - பி மணீஷா ராஜ்பால் செராவத் ராஜ்பாலா செராவத் சுமிதா மாலிக் 7. டிச்சான் கலன் ரேகா ராணி நீலு கேசவ் சவுகான் ராஷ்மி சர்மா 8. நரைனா சந்திரகாந்தா ஷிவானி ராஜன் அரோரா மனோஜ் தன்வார் 9. தக் ஷின்புரி ரோஹிணி ராஜ் ராம் ஸ்வரூப் கனோஜியா விக்ரம் 10. சங்கம் விஹார் -ஏ சுப்ரஜீத் கவுதம் அனுஜ் சர்மா சுரேஷ் சவுத்ரி 11. கிரேட்டர் கைலாஷ் அஞ்சும் மண்டல் ஈஷ்னா குப்தா ஷிகா கபூர் 12. வினோத் நகர் சரளா சவுத்ரி கீதா ராவத் வினய் சங்கர் துபே