2 பேரிடம் ரூ. 2.21 லட்சம் மோசடி சைபர் கிரைம் கும்பல் கைவரிசை

புதுச்சேரி: சைபர் கிரைம் கும்பலிடம் பெண் உட்பட 2 பேர் ரூ.2.21 லட்சம் இழந்துள்ளனர். புதுச்சேரி, வெங்டேஸ்வர நகரை சேர்ந்த பெண்ணை, டெலிகிராம் மூலம் தொடர்பு கொண்ட மர்மநபர், பகுதி நேர வேலையாக ஆன்லைன் வர்த்தகத்தில் முதலீடு செய்தால், அதிக லாபம் பெறலாம் என கூறியுள்ளார். இதைநம்பி, மர்மநபர் தெரிவித்த ஆன்லைன் வர்த்தகத்தில் பல்வேறு தவணைகளாக ரூ.1 லட்சத்து 46 ஆயிரம் முதலீடு செய்துள்ளார். பின், அதன் மூலம் வந்த லாபத்தை எடுக்க முயன்றபோது முடியவில்லை. இதேபோல், கரிகலாம்பாக்கத்தை சேர்ந்தவர் 75 ஆயிரம் என, 2 பேர் மோசடி கும்பலிடம் ரூ. 2 லட்சத்து 21 ஆயிரம் இழந்துள்ளனர். புகார்களின் பேரில், சைபர் கிரைம் போலீசார் வழக்குப் பதிந்து விசாரித்து வருகின்றனர்.