காரைக்காலில் புயல் எச்சரிக்கை குறித்து அதிகாரிகளுடன் அமைச்சர் ஆலோசனை

காரைக்கால்: காரைக்கால் மாவட்ட நிர்வாகம் சார்பில், 'டிட்வா' புயல் எச்சரிக்கை குறித்து அமைச்சர் திருமுருகன் தலைமையில் அதிகாரிகளுடன் ஆலோசனைக் கூட்டம் நடந்தது. துணை கலெக்டர் பூஜா முன்னிலை வகித்தார். கூட்டத்தில் தென்மேற்கு வங்கக்கடல் மற்றும் அதனை ஒட்டிய இலங்கை பகுதியில் உருவான 'டிட்வா' புயல் காரணமாக காரைக்கால் மாவட்டத்திற்கு கனமழை எச்சரிக்கை விடப்பட்டுள்ளது. இப்பேரிடரை எதிர்கொள்ள அதிகாரிகள் அனைவரும் தயார் நிலையில் இருக்க வேண்டும். அதிக மழை பெய்யும் பட்சத்தில் தாழ்வான பகுதியில் தேங்கியிருக்கும் மழை நீரை உடனடியாக அப்புறப்படுத்த ஜெனரேட்டர்களை பொதுப்பணித்துறை மற்றும் நகராட்சி அதிகாரிகள் தயார் நிலையில் வைத்திருக்க வேண்டும். அவசர சிகிச்சை வழங்கவும், தொற்று நோய் பரவாமல் தடுக்க சுகாதாரத்துறையும், மரம் விழுந்தால் உடனே அப்புறப்படுத்த தீயணைப்பு துறையும் தயார் நிலையில் இருக்க வேண்டும் என, அதிகாரிகளுக்கு துணை கலெக்டர் அறிவுரை வழங்கினார். கூட்டத்தில் துணை கலெக்டர் செந்தில்நாதன், வெங்கடகிருஷ்ணன், நகராட்சி ஆணையர் சுபாஷ், எஸ்.பி., முருகையன், நலவழித்துறை துணை இயக்குனர் சிவராஜ்குமார் உள்ளிட்ட பல துறை அதிகாரிகள் உடன் இருந்தனர். அமைச்சர் திருமுருகன் கூறுகையில், 'மீன்வளத்துறை அதிகாரிகள் கிராம வாரியாக மீனவர்கள் கரைக்கு திரும்பி விட்டார்களா என, உறுதி செய்ய வேண்டும். பொதுமக்களை பாதுகாப் பாக தங்க வைக்கப்படும் அங்கன்வாடி மையம், அரசு பள்ளிக்கூடங்கள் ஆகிய நிவாரண முகாம்களை தயார் நிலையில் வைத்திருக்க வேண்டும். கட்டுப்பாட்டறை 24 மணி நேரமும் செயல்பட வேண்டும். கனமழை எச்சரிக் கையை தொடர்ந்து பொதுமக்கள் பாதுகாப்பாக இருக்கவும் பாதிப்பு ஏற்பட்டால் கலெக்டர் அலுவலக கட்டுப்பாட்டு அறையை 1070, 1077 ஆகிய எண்களில் தொடர்பு கொள்ளலாம்' என்றார்.