பாரதிதாசன் அரசு பள்ளியில் அறிவியல், கலை கண்காட்சி

பாகூர்: குருவிநத்தம் பாரதிதாசன் அரசு உயர்நிலைப் பள்ளியில், அறிவியல் மற்றும் கலைக் கண்காட்சி நடந்தது. நிகழ்ச்சிக்கு, தலைமையாசிரியர் குமாரராசு தலைமை தாங்கினார். ஆசிரியை கோமளா வரவேற்றார். ஆசிரியர் வெற்றிவேல் முன்னிலை வகித்தார். ஆசிரியை சங்கரதேவி நோக்கவுரையாற்றினார். ஆசிரியர்கள் சாமுண்டீஸ்வரி, இரிசப்பன், தேவி, வனிதா, திவ்யா, செந்தில் வாழ்த்தி பேசினார். தொடக்கப் பள்ளி, நடுநிலைப் பள்ளி, உயர்நிலைப் பள்ளி என மூன்று நிலைகளில் நடந்த கண்காட்சியில், நுாற்றுக்கும் மேற்பட்ட கலை, அறிவியல் படைப்புகளை மாணவர்கள் காட்சிப்படுத்தினர். தொடக்கப்பள்ளி ஆசிரியர்கள் வருண், குபேரன், சுகந்தி, சிறப்பு ஆசிரியர் அகிலாண்டேஸ்வரி, கணிப்பொறி பயிற்றுநர் பாலமுரளி ஆகியோர் சிறந்த படைப்புகளை தேர்வு செய்தனர். ஏற்பாடுகளை, பல்நோக்கு ஊழியர்கள் முருகம்மாள், லட்சுமி, மித்ரா, விசாலாட்சி, வனிதா, கண்ணன் செய்திருந்தனர். ரேவதி நன்றி கூறினார்.