ரோகித்-கோலி விளாசல் தொடருமா * முதலாவது ஒருநாள் போட்டியில்...

ராஞ்சி: இந்தியா, தென் ஆப்ரிக்க அணிகள் மோதும் முதல் ஒருநாள் போட்டி இன்று ராஞ்சியில் நடக்கிறது. இதில் 'ரோ-கோ' விளாசல் தொடர வேண்டும் என ரசிகர்கள் காத்திருக்கின்றனர். இந்தியா வந்துள்ள தென் ஆப்ரிக்க அணி மூன்று போட்டி கொண்ட ஒருநாள் தொடரில் பங்கேற்கிறது. முதல் போட்டி இன்று ராஞ்சியில் நடக்கிறது. 'ரெகுலர்' கேப்டன் சுப்மன் கில் (கழுத்து), துணைக் கேப்டன் ஷ்ரேயஸ் (மண்ணீரல்) காயத்தால் விலகிய நிலையில் இந்திய அணிக்கு ராகுல் கேப்டனாக களமிறங்குகிறார். 'சீனியர்கள்' வருகைசீனியர் வீரர்கள் ரோகித் சர்மா 38, கோலி 37, இன்று விளையாடுவது பலம். சமீபத்தில் ஆஸ்திரேலியாவுக்கு எதிரான சிட்னி போட்டியில் ரோகித் 121, கோலி 74 ரன் எடுத்து வெற்றிக்கு உதவினர். இதுபோல மீண்டும் 'ரோ-கோ' கூட்டணி விளாச வேண்டும். நான்காவது வரும் ஷ்ரேயஸ் இடத்தில் துணைக் கேப்டன் ரிஷாப் பன்ட் அல்லது ருதுராஜ் என இருவரில் ஒருவருக்குத் தான் வாய்ப்பு கிடைக்கும். திலக் வர்மா, துருவ் ஜுரெலும் அணியில் உள்ளனர்.புதிய 'பவுலிங்'வேகப்பந்து வீச்சில் இந்திய அணியில் பும்ரா, சிராஜ் இல்லாத நிலையில் அர்ஷ்தீப் சிங், பிரசித் கிருஷ்ணா, ஹர்ஷித் ராணா கூட்டணி மீது நம்பிக்கை வைத்து, 'ரிஸ்க்' எடுக்கிறது. சுழலில் 'சீனியர்' ஜடேஜாவுடன், தமிழகத்தின் வாஷிங்டன் சுந்தர் உள்ளது பலம் சேர்க்கும். குல்தீப் இடம் பெறுவது சந்தேகம் தான். வேகப்பந்து வீச்சு 'ஆல் ரவுண்டர்' இடத்தில் நிதிஷ் குமார் சேர்க்கப்பட உள்ளார்.மார்க்ரம் கேப்டன்தென் ஆப்ரிக்க அணிக்கு மார்க்ரம் கேப்டனாக உள்ளார். இவருடன் குயின்டன் டி காக் அணிக்கு துவக்கம் தரலாம். 'மிடில் ஆர்டரில்' டெஸ்ட் தொடரில் சாதித்த பவுமா, பிரீட்ஸ்கே, விளாசல் வீரர் பிரவிஸ் உள்ளனர். பின் வரிசையில் யான்சென் 'ஆல் ரவுண்டராக' வரலாம். சுழலில் அனுபவ மஹாராஜ் மட்டும் உள்ளார். லுங்கிடி, கார்பின் போஸ்ச் தங்கள் பங்கிற்கு உதவ காத்திருக்கின்றனர். 3 போட்டி, 3 கேப்டன்சர்வதேச அரங்கில் இந்திய அணி, தொடர்ந்து மூன்று போட்டியில், மூன்று கேப்டன்களுடன் களமிறங்குகிறது. கடந்த இரு போட்டியில் (கோல்கட்டா, கவுகாத்தி) சுப்மன் கில், ரிஷாப் பன்ட், இன்று ராகுல் (ராஞ்சி) கேப்டனாகி உள்ளனர். மழை வருமாராஞ்சியில் வானம் மேகமூட்டமாக காணப்படும். மழை வர வாய்ப்பில்லை. யாருக்கு சாதகம்ராஞ்சியில் இதுவரை 6 ஒருநாள் போட்டி நடந்தன. இவை அனைத்திலும் 'சேஸ்' செய்த இந்தியா, 3ல் வென்றது (2 தோல்வி). ஒரு போட்டிக்கு முடிவில்லை.* தென் ஆப்ரிக்காவுக்கு எதிரான ஒரு போட்டியில் (2022ல், 278/7), இந்தியா (282/3) வென்றது.* இரவில் பனிப்பொழிவு இல்லை எனில் 'டாஸ்' வெல்லும் அணி பேட்டிங் செய்யலாம்.யார் ஆதிக்கம்ஒருநாள் அரங்கில் இந்திய அணி ஆதிக்கம் செலுத்துகிறது. கடந்த 2023, உலக கோப்பை தொடரில், பைனலில் மட்டும் தான் தோற்றது. அடுத்து, சாம்பியன்ஸ் டிராபி, ஆசிய கோப்பை தொடரில் கோப்பை வென்றுள்ளது. * தென் ஆப்ரிக்காவுக்கு எதிராக, சொந்த மண்ணில் நடந்த 6 ஒருநாள் தொடரில் இந்தியா 4ல் கோப்பை வென்றது. தென் ஆப்ரிக்கா ஒருமுறை (2015ல் 3-2) வெற்றி பெற்றது.