கவுன்சிலர் வீட்டில் 3 சவரன் நகை திருட்டு

அச்சிறுபாக்கம்: அச்சிறுபாக்கத்தில் வீட்டின் பூட்டை உடைத்து, பீரோவில் இருந்த மூன்று சவரன் நகையை, மர்ம நபர்கள் திருடிச் செ ன்றுள்ளனர். அச்சிறுபாக்கம் பேரூராட்சி 15வது வார்டுக்கு உட்பட்ட வெங்கடேசபுரம் பகுதியைச் சேர்ந்தவர் சகுந்தலா, 50. இவர், 15வது வார்டு கவுன்சிலர். நேற்று முன்தினம் வீட்டை பூட்டிவிட்டு, உறவினர் வீட்டிற்குச் சென்றுள்ளார். பின், நேற்று காலை வீட்டிற்கு வந்து பார்த்தபோது, முன்பக்க கதவின் பூட்டு உடைக்கப்பட்டு, உள்ளே இருந்த பீரோவை உடைத்து, அதிலிருந்த மூன்று சவரன் தங்க நகையை, மர்ம நபர்கள் திருடிச் சென்றது தெரிந்தது. இது குறித்து, சகுந்தலா அளித்த புகாரின்படி, அச்சிறுபாக்கம் போலீசார் வழக்கு பதிவு செய்து விசாரித்து வருகின்றனர்.