உள்ளூர் செய்திகள்

/ உள்ளூர் செய்திகள் / செங்கல்பட்டு /  ஒரகடம் சாலை படுமோசம் வாகன ஓட்டிகள் தடுமாற்றம்

 ஒரகடம் சாலை படுமோசம் வாகன ஓட்டிகள் தடுமாற்றம்

திருக்கழுக்குன்றம்: நவ. 29-: திருக்கழுக்குன்றம் - ஒரகடம் சாலையில் ஏற்பட்டுள்ள அபாய பள்ளங்களால், வாகன ஓட்டிகள் தடுமாறி வருகின்றனர். திருக்கழுக்குன்றம் அடுத்த ஒரகடம் பகுதியில் வசிப்பவர்கள், அத்யாவசிய தேவை, பள்ளி, கல்லுாரி, மருத்துவமனை, அரசு அலுவலக சேவைகள் உள்ளிட்ட தேவைகளுக்கு, திருக்கழுக்குன்றம் செல்கின்றனர். ஒரகடத்தில் உள்ள சிவன் கோவிலுக்கு, பக்தர்கள் அதிக அளவில் செல்கின்றனர். திருக்கழுக்குன்றம் - ஒரகடம் சாலையில் வனப்பகுதி, தேசுமுகிப்பேட்டை ஆகிய இடங்களில், குறிப்பிட்ட தொலைவிற்கு சாலை மிக மோசமாக சேதமடைந்து, அபாய பள்ளங்களுடன் உள்ளது. இருசக்கர வாகன ஓட்டிகள், இந்த பள்ளங்களில் தடுமாறிச் செல்கின்றனர். சில நேரங்களில், தடுமாறி கீழே விழுந்து காயமடைகின்றனர். பள்ளி மாணவியர், சைக்கிள் ஓட்டிச் செல்ல சிரமப்படுகின்றனர். இந்த சாலையில் புதிதாக வரும் வாகன ஓட்டிகள், இருளில் பள்ளத்தை அறியாமல் விழுந்து காயமடைகின்றனர். மழை நேரத்தில் பள்ளத்தில் தண்ணீர் தேங்குவதால், அச்சத்துடன் செல்ல வேண்டியுள்ளது. அவசர கால வாகனங்களான ஆம்புலன்ஸ், தீயணைப்பு வாகனங்களும் செல்ல சிரமமாக உள்ளது. எனவே, இந்த சாலையை சீரமைக்க வேண்டுமென, வாகன ஓட்டிகள் கோரிக்கை விடுத்துள்ளனர்.


தினமலர் சேனல்களுக்கு SUBSCRIBE செய்யுங்கள் !

மேலும் செய்திகள்



அதிகம் விமர்ச்சிக்கப்பட்டவை