டி.என்.பி.எஸ்.சி., முதன்மை தேர்வு நாளை முதல் பயிற்சி வகுப்பு

செங்கல்பட்டு: செங்கல்பட்டில், டி.என்.பி.எஸ்.சி., முதன்மை தேர்விற்கான கட்டணமில்லா பயிற்சி வகுப்புகள், வரும் டிச., 1ம் தேதி துவங்குகின்றன. இதுகுறித்து, கலெக்டர் சினேகா வெளியிட்ட அறிக்கை: செங்கல்பட்டு மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தில், தன்னார்வ பயிலும் வட்டம் மூலமாக, பல்வேறு அரசு போட்டித் தேர்வுகளுக்கு, கட்டணமில்லா பயிற்சி வகுப்புகள் நடத்தப்பட்டு வருகின்றன. டி.என்.பி.எஸ்.சி., குரூப் - 2 முதன்மை தேர்விற்கு தயாராகும், செங்கல்பட்டு மாவட்டத்தைச் சேர்ந்த போட்டி தேர்வாளர்கள் பயன்பெறும் வகையில், மேற்கண்ட அலுவலக வளாகத்தில், கட்டணமில்லா நேரடி பயிற்சி வகுப்புகள், வரும் டிச., 1ம் தேதி துவக்கப்பட உள்ளன. இப்பயிற்சி காலை 10:00 மணி முதல் மாலை 4:00 மணி வரை நடக்கும். பங்கேற்கும் மாணவர்களுக்கு, வாரந்தோறும் மாதிரி தேர்வுகள் நடத்தப்படும். கையேடுகள் இலவசமாக வழங்கப்படும். மேலும், விபரங்களுக்கு 044 - 27426020 என்ற தொலைபேசி எண்ணில் தொடர்பு கொண்டு தெரிந்து கொள்ளலாம்.