உள்ளூர் செய்திகள்

/ உள்ளூர் செய்திகள் / செங்கல்பட்டு /  வாலிபர் கொலை வழக்கில் மேலும் இருவர் கைது

 வாலிபர் கொலை வழக்கில் மேலும் இருவர் கைது

சிங்கபெருமாள் கோவில்: சிங்கபெருமாள் கோவில் அடுத்த காச்சேரிமங்கலம் ஏரியில் நேற்று முன்தினம் காலை, வெட்டுக்காயங்களுடன் முகம் சிதைந்த நிலையில், பரனுார் பகுதியை சேர்ந்த ஆகாஷ்,20, என்பவரது உடல் கைப்பற்றப்பட்டது. இதுகுறித்து சிங்கபெருமாள் கோவில் போலீசார் வழக்கு பதிந்து, ஆகாஷின் நண்பர்களான ஊரப்பாக்கம் பகுதியைச் சேர்ந்த முத்துவீரா, 25, மாரியப்பன், 25, விக்கி, 24, ஆகிய மூவரை நேற்று முன்தினம் மாலை கைது செய்தனர். இதில் தொடர்புடைய அதே பகுதியை சேர்ந்த கோபி, 26, சந்தோஷ், 24, உள்ளிட்ட இருவரை கைது செய்து விசாரணை நடத்தினர். இச்சம்பவம் குறித்து போலீசார் கூறியதாவது: முத்துவீராவிடம் கடந்த சில வாரங்களுக்கு முன் கஞ்சா வாங்கிய ஆகாஷ், பணம் கொடுக்காமல் இருந்துள்ளார். இது தொடர்பாக இருவருக்கும் கடந்த வாரம் தகராறு ஏற்பட்டுள்ளது. இது தொடர்பாக சமாதானம் பேச மு த்துவீரா மற்றும் அவரது நண்பர்கள் சேர்ந்து, ஆகாஷை நேற் று முன்தினம் அதிகாலை காச்சேரிமங்கலம் பகுதிக்கு அழைத்துச் சென்றுள்ளனர். அப்போது ஏற்பட்ட சண்டையில், ஆகாஷை கொலை செய்து விட் டு தப்பிச் சென்றுள்ளனர். இவ்வாறு போலீசார் கூறினர். இச்ச ம்பவத்தில் தொடர்புடைய ஐந்து பேர் கைது செய்யப்பட்டு, செங்கல்பட்டு குற்றவியல் நீதிமன்றத்தில் ஆஜர்படுத்தப்பட்டு, சிறையில் அடைக்கப்பட்டு உள்ளனர்.


தினமலர் சேனல்களுக்கு SUBSCRIBE செய்யுங்கள் !

மேலும் செய்திகள்



முக்கிய வீடியோ