உள்ளூர் செய்திகள்

/ உள்ளூர் செய்திகள் / செங்கல்பட்டு /  செய்யூர் தாசில்தார் அலுவலகத்தில் புது இருக்கைகள் அமைக்கப்படுமா?

 செய்யூர் தாசில்தார் அலுவலகத்தில் புது இருக்கைகள் அமைக்கப்படுமா?

செய்யூர்: செய்யூர் தாசில்தார் அலுவலகத்தில் மக்கள் காத்திருக்கும் பகுதியில், சேதமடைந்துள்ள இருக்கைகளை அகற்றிவிட்டு, புதிய இருக்கைகள் அமைக்க வேண்டுமென, சமூக ஆர்வலர்கள் வேண்டுகோள் விடுத்துள்ளனர். செய்யூர் பஜார் வீதியில் தாசில்தார் அலுவலகம் உள்ளது. தினமும் நுாற்றுக்கணக்கான பொதுமக்கள் குடும்ப அட்டைக்கு விண்ணப்பித்தல், ஆதார் அட்டை விண்ணப்பித்தல், நில அளவைக்கு பதிவு செய்தல், பட்டா பெயர் மாற்றம் என பல்வேறு வேலைக்காக வந்து செல்கின்றனர். அலுவலகத்திற்கு வரும் பொதுமக்கள் பயன்பாட்டிற்காக, காத்திருப்பு பகுதி ஏற்படுத்தப்பட்டு, அங்கு 21 பேர் அமரும் வகையில் ஏழு இருக்கைகள் அமைக்கப்பட்டு இருந்தன. பராமரிப்பு இல்லாமல், நாளடைவில் இந்த இருக்கைகள் சேதமடைந்து, தற்போது ஆறு பேர் மட்டுமே அமரும் அளவில், இருக்கைகள் உள்ளன. இதனால், தாசில்தார் அலுவலகத்தில் காத்திருக்கும் பொதுமக்கள், அமர இடமின்றி தரையில் அமரும் சூழல் ஏற்பட்டுள்ளது. துறை சார்ந்த அதிகாரிகள், மக்கள் நலன் கருதி, தாசில்தார் அலுவலக காத்திருப்பு பகுதியில் உள்ள சேதமடைந்த பழைய இருக்கைகளை அகற்றி விட்டு, புதிய இருக்கைகள் அமைக்க நடவடிக்கை எடுக்க வேண்டுமென, சமூக ஆர்வலர்கள் வேண்டுகோள் விடுத்து உள்ளனர்.


தினமலர் சேனல்களுக்கு SUBSCRIBE செய்யுங்கள் !

மேலும் செய்திகள்







முக்கிய வீடியோ