குண்டர் சட்டத்தில் வாலிபர் கைது

திருப்போரூர்:திருக்கழுக்குன்றம் அடுத்த வீராபுரம் கிராமத்தைச் சேர்ந்தவர் அஜீத்,28. இவர், மார்ச் 22ம் தேதி, திருப்போரூர் அடுத்த மானாமதி கிராமத்தைச் சேர்ந்த கோமதி, 55, என்பவரிடம், நுாதன முறையில் கம்மல்கள், ஒரு சவரன் செயின் ஆகியவற்றை பறித்தார்.புகாரின்படி, திருப்போரூர் போலீசார் அஜீத்தை கைது செய்து, செங்கல்பட்டு சிறையில் அடைத்தனர். அஜீத் தொடர்ந்து குற்ற சம்பவத்தில் ஈடுபட்டு வருவதால், அவரை குண்டர் சட்டத்தில் கைது செய்து நடவடிக்கை எடுக்க, திருப்போரூர் இன்ஸ்பெக்டர் ராஜாங்கம், டி.எஸ்.பி., அறிவழகன், எஸ்.பி., சாய்பிரணீத் ஆகியோர் மாவட்ட கலெக்டருக்கு பரிந்துரை செய்தனர்.இதையடுத்து, அஜீத்தை குண்டர் சட்டத்தில் சிறையில் அடைக்க, கலெக்டர் அருண்ராஜ் நேற்று முன்தினம் உத்தரவிட்டார். இதைத்தொடர்ந்து, செங்கல்பட்டு சிறையில் உள்ள அஜீத்திடம், குண்டர் சட்ட நகலை, போலீசார் நேற்று வழங்கி, புழல் சிறைக்கு மாற்றினர்.