| ADDED : நவ 29, 2025 03:07 AM
திருவள்ளூர்: கும்மிடிப்பூண்டி அருகே, பெண் ஒருவரை கல்லால் அடித்து கொலை செய்து தப்பிய கொலையாளிகளை, போலீசார் தேடி வருகின்றனர். திருவள்ளூர் மாவட்டம், கும்மிடிப்பூண்டி அடுத்த ஆரம்பாக்கம், சின்னநத்தம் கிராமத்தைச் சேர்ந்த தயாளன் மனைவி தனம், 42; பூ வியாபாரி. நேற்று மாலை, சுண்ணாம்புகுளம் பகுதிக்கு பூ விற்க சென்றவர் வீடு திரும்பவில்லை. அவரது கிராமத்திற்கு அருகில் உள்ள மாந்தோப்பில் தலை, முகம் கல்லால் தாக்கப்பட்ட நிலையில் இறந்து கிடந்தார். ஆரம்பாக்கம் போலீசார் உடலை மீட்டு, பிரேத பரிசோதனைக்காக பொன்னேரி அரசு மருத்துவமனைக்கு அனுப்பினர். வழக்கு பதிந்த போலீசார், கொலைக்கான காரணம் குறித்து விசாரிக் கின்றனர்.