பள்ளிகளுக்கான தேசிய தடகளம் சென்னை மாணவன் அசத்தல்

சென்னை: ஹரியானா மாநிலத்தில் நடக்கும், பள்ளிகளுக்கு இடையிலான தேசிய தடகள போட்டியில், சென்னையின் அனுஜ்நாதன் வெள்ளிப் பதக்கம் கைப்பற்றி அசத்தியுள்ளார். இந்திய பள்ளி விளையாட்டு கூட்டமைப்பு மற்றும் இந்திய தடகள சங்கம் சார்பில், 69வது தேசிய தடகள சாம்பியன்ஷிப் போட்டி, ஹரியானாவின் பிவானியில் நடந்தது. இதில், நாட்டின் அனைத்து மாநிலங்களை சேர்ந்த, 19 வயதுக்கு உட்பட்ட பள்ளி மாணவ - மாணவியர் பங்கேற்றுள்ளனர். 19 வயதுக்கு உட்பட்ட ஆடவருக்கான, 'ட்ரிப்பிள் ஜம்ப்' பிரிவில், தமிழகம் சார்பில் போட்டியிட்ட, சென்னை வீரர் அனுஜ்நாதன், 14.80 மீட்டர் தாண்டி வெள்ளிப் பதக்கம் கைப்பற்றினார். மேலும், அடுத்த மாதம் நடக்க உள்ள 'கேலோ இந்தியா' பள்ளி தடகள போட்டிக்காக, தமிழக அணியில் பங்கேற்கவும், அனுஜ்நாதன் தகுதி பெற்றுள்ளார்.